Hu takik urang ruak hadei di tuk blac raih hu bác sĩ brei thau lac ruak trak jang kuhria mboh

Bác sĩ Nguyễn Triệu Vũ (khoa ung bướu sang iek ruak quận Thủ Đức, TP.HCM) brei thau blac raih lac jalan taong ruak ruak ung thư meng lavik mai, meda taong abih dom janih ruak ung thư yau ye kalik, tasau, tung pruac, … Min rilo urang ruak tuk hu bac sĩ tacei lac blac raih cacak mek khối u bhian saneng oh khin blac raih kayua huac gaok tal to, pasei meda ngak ka khối u ung thư tamuh tabiak saong di căn samar jang.

Biak di nyu, hu takik urang ruak hadei di tuk blac raih hu bác sĩ brei thau lac ruak trak jang kuhria mboh, kayua urak ni dom jalan pasang iek yau ye CT-scan, MRI… oh njauk lac tuk halei jeng duah mboh hu abih dom ruak kik, abih di nyu nan lac dom ruak sit. Kayua yau nan ye tuk blac raih bác sĩ meda duah mboh khối u nyu pambak tabiak praong jang kuhria mboh dahlau, bruk ni oh njauk lac kayua blac raih ngak ka ruak trak jang bo lac dom khối u hu meng dahlau mai bo ka oh duah mboh.

Langiu di nan, dom urang ruak mboh glaih glar, pandik rilo jang hadei di tuk blac raih, abih di nyu nan lac dom mbang blaic raih praong, saong ndom lac "kayua blac raih bo ruak rilo jang ". Min makna praong di abih lac kayua tukvak blaic raih dui atah ngak ka rup pabhap dom urang nan suai siam veik.

Jaik di ni hu dom kadha pasang iek brei mboh hu bruk tagok di dom tế bào ung thư dalam saong hadei di tuk blaih raih, meda kayua dalam tuk blac raih gaok tapak tame khối u ngak tabiak dom tế bào bướu tame darah, min ka oh hu roh duah halei brei thau cambaih ka bruk patagok ni ngak ka urang ruak trak jang.

Jeng tui bác sĩ Vũ, biak di nyu hu takik urang ruak hadei di tuk blaic raih blaoh, ruak ung thư nyu tamuh khang, njom mbak samar drak, bruk ni bhian rah tabiak tuk ruak daok dalam vaktu biak trak. Meyah oh plaih di blac raih hu, yau ye urảng ruak njauk gar jalan tung pruac kayua khối u, mbang blaic raih meda ngak ka rup pabhap mboh glaih glar, prein pacang caga ruak trun bier ngak ka tế bào ung thư meda tamuh tabiak, ni lac bruk oh caong rahtabiak tuk urang ruak trak meng lavik mai.

Bác sĩ Vũ kakei lac:” Mayah bhap bini njauk ruak brei nao tal bác sĩ chuyên khoa, jhui kayua mboh dom urang ruak oh patuah atau dom panuac ndem oh njauk bo ngak lahik bruk jayah ruak ung thư”./.

Urang lang: Thu Thảo – 06/05