Dalam dom palei di urang Chăm tỉnh Tây Ninh, jeng hu dom sang megik hu padang tagok, dalam nan njauk ndom dahlau tal sang megik Darul Naim daok di phường I, ban sit Tây Ninh, tỉnh Tây Ninh. Di labik ini, sang megik hu iek lac sa dalam dom pasak sinh hoạt ilamu, sa công trình kiến trúc nghệ thuật biak gheih mekre,ndung bak agama di urang Chăm. Sang megik  hu padang ngak di thun 1957 angaok taneh praong 100m2 di kreih palei. Sang megik hu padang tagok meng pren yava, jien padai di taong abih urang Cam dalam palei. Sang megik di urang Chăm Islam hu ngak yau dom sang megik Islam di dunya. Hu iek praong dom quy định ka kiến trúc jeng yau bingu la gah dalam. Sang megik padang mbaiy mbaok tui gah timur – pai. Gah dalam hu labik brei ka urang dang ngak khotip. Kayua lac labik hu ralo urang mai sambah yang nan ye sang megik jeng hu ralo pabah mbang tame tabiak. Dom mbaik geng gul praong samu gauk ngak brei urang mboh laneng lanoi.

Yaok thun, di sang megik daok hu sambahyang harei Roya Haji, sambahyang tarovaih bilan eik Ramadan. Bilan Ramadan urang Islam oh mbang, oh menyum meng tuk ia harei tagok tal tuk ia harei tame. Langiu di nan, urang daok ngak Maulid Nabi; ngak Tolak bala; ngak Ashoura; ngak nisfu… Dalam dom harei roya, urang Chăm saong urang Yuan mai ini sinh hoạt biak ralo. Ong Chàm Sá, hakim phường I, ban sit Tây Ninh, tỉnh Tây Ninh brei thau:

Sap Chăm 

Atah di ban Tây Ninh jaik 30km. Sang megik Al Mubarak daok di xã Thạnh Bình, huyện Tân Biên hu padang ngak khang kajap ngan saong bruk daong di ong Haji Mohamad Yousof daok di ban raya Hồ Chí Minh. Daok gah langiu maong tame sang megik, kol drei mboh pabah mbang praong hu hình vòng cung, angaok tabung hu hình bầu dục, hu tual patuk ia bulan tượng trưng ka agama Islam. Meng pabah mbang praong di sang megik nao dua gah, yaok gah hu dua vòm hình cung haluak akaok, yaok vòm atah gauk 2,4m, gah iu saong gah hanuak sang megik yaok gah jeng hu 6 vòm hình vòng cung haluak akaok, yaok vòm atah gauk 2,4m. Maong meng atah, mboh sang megik yau kiến trúc di Arập. Gah dalam, gah langiu sang megik tok hu biểu tượng patuk - ia bulan, oh kakuh yang halei. Urang Islam iek Allah lac Pô glaong di abih. Saai Sa Phi Y – gru pato akhar huroh Chăm  di xã Tân Hưng, huyện Tân Châu, tỉnh Tây Ninh brei thau:

Sap Chăm

Sang megik ngan saong kiến trúc gheih mekre, hu biểu tượng patuk - ia bulan, pabah mbang saong tabung hình vòm, sambo patih saong hijao. Sang megik hu padang ngak yau sa tòa nhà praong, hu lang kang atah, tapak. Sang megik lac labik caik ka urang Islam sambahyang saong daok lac labik piah ka mikva Chăm khik ramik saong patagok ilamu bangsa drei. Sa thun barau daok mai tal yau ba tui rilo siam mekre ka mikva Chăm labik ini. Mikva tuk halei jeng pachreih gauk, daong ba gauk yam tagok dalam bruk ngak mbang piah rai diuk dak harei dak hu hadah hadai./.