Meng thun 2011 tal ini, dom kapul ngak pahla, dom doanh nghiep, sang bac tapon nyom bol pan phao kraong di Gia Lai hu daong tame kadung jien urang njauk jru mek kalik truac /điôxin tỉnh Gia Lai labaih 13 tỷ đồng. 

Sang saai Lê Văn Kỳ, palei Tơ Nung, xã HBông (huyện Chư Sê) hu dua urang anek njauk jru mek kalik truac, yaom lac nduac iek ruak di rilo labik, min ruak di dua adei jeng oh trun. Dalam mbang huak daok dang yaok harei, dom adei oh ngak eng hu saong brei hu urang gam gam pasang iek. Thun 2013 kapul urang njauk jru mek kalik kruac tỉnh hu doang ka sang saai Lê Văn Kỳ mesraiy 15 triệu đồng meng danakdak “ daong langyah bruk ngak piah pasaim raidiuk , pasang iek, phục h62i chức năng ka urang njauk jru mek kalik truac di sang saong bhapbini”. Meng paok jien daong ini, saai Kỳ pah hu 5 sào taneh piah pala bei plom saong blei sa drei limo binai piah raong. Tapa dua mùa vụ, sang saai hu jien mek tame meng phun pala kaya raong, bloh sa-ai blei taneh piah peih praong taneh pala drak saong patagok tapol. Meng labik lac urang pah taneh pala drak, urak ini sang saai blei hu 5 sào taneh pala drak; tapol limo di sang saai jeng hu 5 drei; sang saai hu jien mek tame meng 70 - 80 triệu đồng/sa thun meng pala drak saong raong glang. . 

Oh ta-eng hagait sang saai Lê Văn Kỳ, dalam tỉnh daok hu rilo sang hu urang njauk jru mek kalik truac jeng hu daong piah tani tanat saong yam tagok dalam raidiuk. Pagap ye, sang urang njauk jru mek kalik kruac  Nguyễn Trọng Bình (huyện Đức Cơ), Nguyễn Đình Ngụ (huyện K'Bang), Lê Bá Diệp (huyện Chư Sê)... urak ini jeng hu jien mek tame meng 50, 70 triệu tal ratuh triệu đồng.

Kapul urang njauk jru mek kalik truac điôxin tỉnh Gia Lai hu padang pasak tadaun mek saong raong ba gam gam 30 adei lac urang njauk jru mek kalik kruac yaok thun saong panduan salih raong ba hu 200 adei. Maong ye dom adei hu raong ba di pasak hu pasiam veik pren yava, sami samal jang, thau sahanneg hu bruk daok dang, mbang menyum, ngak hacih rup pabhap saong takik ruak kik. Di ini, pasak daok peih pato akhar, pato vitinh, pato jhik…njauk saong pren yava di dom adei. Sang xông hơi - giải độc jeng hu padang tagok saong ba tame ngak bruk hu labaih sa thun ini mai, ngak hu 10 mbang xông hơi - giải độc ka  154 urang lac urang njauk jru mek kalik kruac điôxin, urang dahlau daih ngak bol lin, thanh niên xung phong... 

Urak ini dalam tỉnh Gia Lai hu jaik 13.000 urang njauk njaom mbak saong sahanneg lac njaom jru mek kalik kruac /điôxin, dalam nan hu 6.725 urang njauk jru mek tapak,  6.247 urang njauk jru mek gián tiếp saong 456 njauk jru mek lac rai ka 3; hu 642 sang hu meng 2 - 3 urang njauk jru mek kalik truac, dalam nan hu 243 sang biak kan kandah ./.

Thúy Linh