-Dalam baoh sang praong laneing di palei barau, diuk pasang, anek bhik di saai Siu Pét, daok di palei Hek, xã Chư A Thai, huyện Phú Thiện, tỉnh Gia Lai klao bui sambai. Saai Pét khan lac, dahlau daih, kayua palei klak daok di libik biar, yau nan ye tal bilan hajan, jalan mbak dalam palei jeng njauk ia dauk. Bruk ini oh lac ngak kan kandah tuk mikva nao mai, bo daok ngak ka jit ruak li-ar dom, pandiak tabiak darah mbuan si tamuh tabiak, ngak jhak tal pren yava di urang bhapbini dalam palei. Min meng jaik meteh thun ini mai, kuhria meng harei hu bộ đội Trung đoàn 48, Sư đoàn 320, Quân đoàn 3 daong panduan ba sang mai palei barau glaong jang, raidiuk sang saai Pét saong yaok pluh sang bhapbini palei Hek hu  salih barau abih:“Dahlau diah, bhapbini dalam palei daok di libik klak, sang danaok biar, giniuk. Urak ini hu bộ đội daong panduan ba sang tal libik barau piah mbuan lagaih ka bruk daok dang, ngak mbang, hu labik daok siam jang yau nan ye mikva biak chreih chrai. Ndua dhar phuan bộ đội biak rilo.”

-Kayua randap saong bruk eng ngak, eng mbang, yau nan ye dahlau diah, mikva palei Hek rilo meng tagok glai, tagok puh kaoh labung atau hala bei plom mai piah mbang. Piah daong ka mikva salih bruk daok dang ngak mbang ngak huak, pasiam var mbang, bộ đội Trung đoàn 48, Sư đoàn 320, Quân đoàn 3 hu pambauk bruk saong đoàn damdara xã Chư A Thai tacei pato mikva ngak jalan ba ia tame hamu, ủ khak hijao saong pala drak, pasang iek njam patam. Trung uý Trần Trung Lý, Đại đội Trinh sát Trung đoàn 48, Sư đoàn 320, Quân đoàn 3 brei thau, meng bruk tok randap saong mbang hala bei plom haong labung, urak ini var mbang yaok harei di mikva palei Hek hu rilo janih njam patam. Urak ini Abih tih tanhe pala njam di palei Hek barau,  tagok tal jaik 1000 mét vuông:“Lingik tasik di libik xã A Thai biak kan kandah, pandiak bhang saong taneh oh hu yau taneh di dom libik karei, taneh lai cuah nyu pandiak yau nan ye pala dom janih njam jeng biak kan. Tacei pato mikva lac tacei tal yaok urang bruk pala njam yau habal, buh khak yau habal, pruh ia yau habal ka nyu siam. Daok khak drak di ini bhapbini palei raong limo biak rilo, bộ đội jeng hu tacei pato mikva njauk ủ khak yau habal, oh pandar khak that piah buh ka phun, drei njauk ủ pacoh blaoh meng buh ka phun.

-Palei Hek, xã Chư A Thai, huyện Phú Thiện hu labaih 80 sang gam saong jaik 500 urang, rilo meng lac urang Jrai. Bhapbini dalam palei bhian randap haong bruk pala drak, diukrai tui jalan klak oh daok lagaih, nan ye raidiuk biak kan kandah. Thun ini, dalam mbang nao dã ngoại di puk palei, chỉ huy Trung đoàn 48, Sư đoàn 320, Quân đoàn 3 hu ba urang lin di libik drei nao daong ka bhapbini palei panduan ba 26 baoh sang di palei klak mai palei barau, tacei pato alamu pala njam, raong pabui, limo piah daong ka mikva salih jalan ngak. Blaoh meng ini, jalan nao mai di palei Hek praong, laneng, hacih, mekre. Saai Rmah Hên, akaok kapul urang kumei palei Hek, xã Chư A Thai brei thau, meng hu bộ đội Trung đoàn 48 bo bhapbini dak harei dak salih barau dalam mbang ngui saong pala darak, palei Hek jeng dak harei dak salih barau:“Dahlau daih sang danaok srau kadau, urang likei saong kumei dalam palei bhian menyum alakt, meng harei hu bộ đội mai, thei jheng sangka tal bruk ngak, thau dak padang jalan diukrai bahrau, hacih saat, ngak mbang patagok kinh te. Urak ini dalam palei biak hadah hadai, haci hacih, gheih mekre.

-Tui ông Rơ Châm La Ni, akaok uy mban bhapbini huyện Phú Thiện, dom bruk ngak siam di bộ đội Trung đoàn 48, Sư đoàn 320, Quân đoàn 3 di palei Hek hu daong kag bhapbini puk palei padang ngak palei pala barau, bo daok ngak brei gheih mekre jang thaot binguk di bộ đội Cụ Hồ di huyện kathaot pak tỉnh Gia Lai: “Quân đoàn trun ini pambauk gauk ngak bruk jak ba bhapbini ba gauk rami ramik sang danok. Pambuak bol lin saong damdara dalam palei, panduan ba dom sang danaok, ramik veik dom sang daok tui quy hoạch. Meng ngak siam bruk pathau khan yau nan ye bruk pambuak gauk di bhapbini di ini biak siam../.