Gilang pariak sarak karja Dak Lak – labik pambak tame di urang kathaot.

Dom thun tapa, jien mesraiy ưu đãi di Gilang pariak sarak karja tinh Đak Lak hu ba jalan ka rilo sang kathaot yam tapa kan kandah, tani tanat raidiuk, jeng libik pambak tame khang kajap ka urang kathaot libik ini. Kadha vak di Hương Lý, urang vak di rayo sap ndom Vn daok di bhum Tay Nguyen ndom ka bruk ini di dom sang urang nong pandar phun jien di gilang pariak sarak karja di huyện Krông Ana. Daa mikva saong grauk yut tui pang:

-Dom thun dahlau, sang ông Y Duan Ktla, daok di buôn Chóa, xã Ea Na, huyện Krông Ana, tỉnh Đak Lak lac sa dalam labaih 340 sang bhapbini kathaot di xã. Sang hu hamu, beir, min kayua kurang jien, sang ông jeng daok kathaot hamiet. Raidiuk hu salih karei tuk thun 2013, ông mesraiy 20 trieu dong meng gilang pariak sarak karja ngak veik 5 sào café, pla 3 sào padai saong raong pabui, menuk. Hu phun jien gam saong tari tarieng, hadei di 2 thun sang ông bayan hu jien mesraiy. Urak ini, kinh te sang laneng lahei, raidiuk tani tanat jang, jien mek tame jaik 180 trieu dong sa thun. Ông Y Duan Ktla chreih chrai lac : Sang dahlak dahlau thiah oh hu jien piah dau tu phun café saong raong glang, meng hu gilang pariak sarak karja brei mesraiy jien, buh tame café saong raong glang. Urak ini kinh te sang jeng hu tani tanat.

 -Oh ta-eng hagait sang Y Duan Ktla, yaok ratuh sang karei di xã Ea Na, huyen Krong Ana jeng yam tagok tagok tabiak truh kathaot meng mesraiy jien sarak piah patagok ngak mbang. Meng phun jien mesraiy gam saong bruk tacei jalan, daong pren di karja, kapul nyaom, rilo bruk ngak iek tui puk palei jeng hu padang tabiak saong patagok kein laba dalam bruk pandar phun jien mesraiy ye: pala cafe, amraik kalu, bimao linh chi, padai, raong pabui, raong limo hu rik daong patrun kathaot samal, kajap ka dom sang bhapbini bangsa takik dalam xã. Ông Y Pil Ê ban, Phó akaok uy mban bhapbini xã Ea Na, huyện Krông A Na brei thau: Meng phun jien di Gilang pariak sarak hu rik daong biak rilo ka xã tani tanat gah an ninh trat tu, paglaong raidiuk di mikva, dahlau thiah bruk brei ka anek bhik nao bac jeng kan kandah min meng tuk hu phun jien mesraiy caik ka anek saih sinh vien drei dalam xã hu nao bac da a siam jang.

-Urak ini, Gilang pariak sarak karja tinh Dak Lac pambuak bruk saong dom kapul nyaom ủy thác mesraiy jien tapa  labaih 600 tổ patak pataom saong mesraiy jien, peih hu 100% libik giao dịch di dom xã. Kuhria meng akaok thun tal ini, Gilang pariak hu jhul khang bruk brei mesraiy ngan saong yaom jien brei mesraiy labaih 631 ty dong, langyah ka jaik 26.500 sang hu mesraiy jien. Dalam nan langyah ka jaik 15.670 sang kathaot, jaik si katahit saong patrun kathaot hu mesraiy jien piah pala drak, raong glang paglaong raidiuk. Labaih 5.400 sang di palei pala hu mesraiy jien piah ngak cong trinh ia hacih saong saat alam moi truong. Tapa danakdak brei mesraiy jien duah bruk ngak hu ba jalan ka labaih 860 urang  hu bruk ngak gam gam. Labaih 420 sang kan kandah hu meraiy jien brei ka anek nao bac da-a. Ông Nguyễn Tử Ân, Giám đốc gilang pariak sarak karja tỉnh Đak Lak brei thau: urang jakar gilang pariak sarak tuk halei jeng kham merat oh lac urang jakar brei mesraiy soh bo daok ngak bruk dân vận tra piah ngak habal tapa phun jien drei  pathau khan jak ba urang bhapbini ngak tui jalan adat sarak di karaja, pandar jien njauk. Gam saong phun jien di Trung ương saong puk palei peih ngak danakdak ka thun 2017 trun sang kahaot meng 2,5- 3%)

Danakdak brei mesraiy di Gilang pariak sarak karja tinh Dac Lac hu jeng pren khang, lac jalan ngak siam daong tỉnh patagok kinh te – xa hoi. Bruk ini brei mboh tapa bruk sang kathaot saong dom sang sarak hu tani tanat raiduk, trun kathaot biak rilo./.