Labik glut jaleih di tapen kraong Tiền 

Tui Sở Ngak nong saong patagok palei pala tỉnh Tiền Giang, meng akaok thun tal ini, di dom huyện gah pai di gah angaok kraong hu yaok rituh labik glut jaleih prong sit atah abih tih jaik 4.700 m. Tui kuhria yaom jien piah pasiam veik tagok tal labaih 48 tỷ đồng. Dalam nan, di huyện Cái Bè hu 42 labik glut jaleih atah abih tih 2.550 m; huyện Cai Lậy hu 48 labik glut jaleih atah labaih 1.709 m, dom labik glut jaleih daok veik kac di bal sit Cai Lậy. Dom labik njauk glut jaleih trak lac tapen kraong Ba Rày, kraong Hòa Khánh, kraong Phú An, dom pulao kaoh angaok kraong Tiền.

Akaok Chi cục Thủy lợi saong pacang caga ribuk aia sua (Sở Ngak nong saong Patagok palei pala) tỉnh Tiền Giang Nguyễn Thiện Pháp brei thau, hu rilo makna ba tal glut jaleih yau: salih jalan aia nduac, biến đổi khí hậu, mblang taneh lamin tapen kraong, ghe glai nao mai angaok kraong ngak jeng riyak prong, dom bruk padang ngak sang daok atau công trình hạ tầng, mblang pataom caik vật liệu padang ngak jaik ar kraong saong dom makna karei karei…

Anak bruk yau nan, tỉnh hu buh tabiak labaih 42 tỷ đồng daong ka dom puk palei pasiam 74 labik glut jaleih. Dom labik glut jaleih sit, tacei dom huyện, bal sit pandar jien caga di kadung jien karja piah samar ngak pasiam, oh caik ka nyu ngak kan kandah tal bruk pala drak saong rai diuk di bhap bani.

Langiu di nan, tỉnh jeng daok hu pok panuac likau Trung ương daong ngak samar drah 2 labik glut jaleih trak di ribaong Bảo Định (bal sit Mỹ Tho) saong ribaong 28 (xã Đông Hòa Hiệp, Cái Bè) ngan haong yaom jien buh tame ngak abih tih jaik 180 tỷ đồng.

Piah pasiam veik labik glut jaleih, patrun khat lahik kayua bala meng langik tasik tui jalan khang kajap, gam haong bruk buh jien tabiak ngak dom công trình xử lý dom labik glut jaleih trak, tỉnh Tiền Giang jeng daok sangka tal dom jalan thi công, abih di nyu lac pala phun hijao piah pacang cakak riyak, pacang angin, pacang cakak glut jaleih.

Yaok thun, tỉnh Tiền Giang jeng jhul khang bruk pathau khan, jak ba paglaong akaok saneng ka bhap bani dalam bruk khik caga môi sinh môi trường, hu mbaok tame pacang caga glut jaleih tapa dom jalan ngak siam laghaih yau pala phun kayau hijao, ngak jeng mblang jeng mbuk, raong lục bình pambuak haong bruk ngak hala paga cảnh báo, pacang khik dom labik kraong mbuan si glut jaleih, pala hareik saong phun hijao pacang khik ar kraong, oh padang ngak lih mek hành lang khik siam mekre ka bruk nao mai angaok kraong saong lih mek ribaong kraong ba tal glut jaleih trak./.

Urang lang: Jasi-11/12