H

Di palei Hai Căn, xã Phú Nghĩa, 16 baoh sang hu padang ngak siam saong hu jao brei 16 sang lac urang bangsa S’tiêng kan kathaot di bilan 12/2015. Dom urang hu jao brei sang nan, jeng lac sang kan kandah, oh hu taneh pala drak, tok nao pah yuak, pah li-ua ka urang. Ini lac dom baoh sang hu padang ngak meng jien kayua UB bhap bini huyện Bù Gia Mập saong dom đơn vị, doanh nghiệp dalam huyện rik daong. Yaok sa baoh sang praong 45 m2, ngak abih 56 triệu đồng, hu padang ngak tui mô hình tái định cư tập trung, hu ginup điện, ia, jalan nao mai, mblang me-in thể dục thể thao...

  Labik daok klak, mikva daok di labik taneh dhaong, oh hu điện, oh hu ia hacih piah pandar, jalan mbak jeng oh hu, abih di nyu nan lac sang danaok taik tahak, hu ngak meng kreim la-a. Urak ini hu karja palei daong sang daok, mikva uan tabuan lô saong sahanang hatai ngak mbang jang.

Sang sa-ai Điểu Trinh, palei Hai Căn, hu 5 urang, jien duah hu meng bruk nao ngak mbang pah. Sa-ai Trinh brei thau: “Dahlau deih, tuk daok dalam baoh sang ngak meng kreim la-a, dahlak ndih lipei jeng oh sahneng lac hu baoh sang mekre yau ini piah daok. Urak ini hu karja daong, dahlak meng hu daok dalam baoh sang siam, dahlak kham merat nao ngak piah hu jien blei hasit taneh puh pala drak piah hu jien mek tame rilo jang”.

Dreih yau palei Hai Căn, di palei 10, xã Đắk Ơ, 33 sang bhapbini hu brei sang daok di akaok thun 2016 jeng hu raidiuk tani tanat. Ong Điểu Lai daok di palei 10 brei thau: “Meng tuk mai daok di sang bahrau, dahlak saong mikva labik ini bui sambai lô. Labik sang daok bahrau siam jang labik klak biak rilo. Hu sang bahrau, kol dahlak sahanang hatai ngak mbang jang”. Lingiu di bruk hu alin brei sang, yaok sang daok hu karja daong sa drei limo pajaih piah raong, tani tanat rai diuk, yam tal patruh eik patrun kathaot.

Ong Điểu Điều, Phó Chủ tịch UB bhap bini huyện Bù Gia Mập brei thau: “Anak tal, huyện brei pambuak bruk saong dom đơn vị, urang ngak pahla piah piah patui bruk daong sang daok ka dom urang karei saong brei taneh pala drak ka mikva kathaot oh ka hu taneh. Gam saong nan, huyện daok tacei pato dom đơn vị pambuak bruk siam haong dom pakat ủy,karja palei sangka, jak ba dom doanh nghiệp, urang ngak pahla daong dom sang bhap bini, tacei pato, jao brei ilamu pala drak, raong glang, daong phun pajaih, anek pajiah… ka mikva cakrok patagok bruk ngak mbang kinh tế, tani tanat raidiuk”./.