Greh mekre bruk mek darko glai di Tây Nguyên

          -Bilan darko glai di Tây Nguyên meng hadei tết âm lịch mbiah tal kreh thun. Darko glai Tây Nguyên jeng hu rilo janih, min mboh rilo saong brei rilo mật abih lac darko Khoái. Dalam kreh glai ram, angaok dom phun praong hu rilo sruh darko, hu tuk hu tal yaok pluh sruh, meda mek hu yaok ratuh lít mật. Kadha vak di Công Bắc, tỉnh Gia Lai.

Meyah patuah, sa harei, sa kapul urang meda duah mboh saong mek hu 5 – 7 sruh darko glai. Min jeng hu rilo harei, dom urang nan nao blaoh mai tangin saoh. Pnadap ba tui piah mek darko glai biak mbuan, lagaih, taong abih hu buh tame dalam sa baoh balô.

       Tuk duah mboh sruh darko glai angaok phun, urang ngak troy piah pateok darko. Ini lac kadha praong abih saong brei ngak ka nyu siam. Troy hu ngak meng dhar phun glai thu saong that.

Troy njauk hu kak kajap piah khuah hu livik saong oh laik tuk urang daok angok phun. Meyah troy khuah abih atau laik trun meteh dhi, urang mek darko njauk dang anak kan kandah praong meng yaok ratuh rabau drei darko. Urang mek darko jeng njauk pacang mbaok piah plaih darko duic tame meta.

         Urang mek darko glai njauk hu pren yava khang kadang saong thau ndik phun biak joi. Dom urang nan jeng lac dom urang daok hu dalam thak apui biaik joi. Sruh darko glai hu dua gah : gah hanuk lac gah hu mật darko, daok gah ieu lac gah hu nhộng darko. Dahlau daih, urang mek darko  tok mek gah hu mật, caik veik gah nhộng. Min urak ini, kayua pablei hu, urang nan mek gam sruh darko piah pablei. Gah nhộng darko bhian caik tram alak.

       Mật darko glai hu yaom biak glaong yau nan ye mikva takik pandar bo caik pablei ka tuai damuai.

     Bruk mek darka hu tuk lac bruk ngak mbang raong abih sang.