Tuk bac ngak iek di khoa Điện – Điện tử, Sang bac Cao đẳng Kỹ thuật Dak Lak pachreih hu bruk sangka, takre bac di dom sinh viên ngan saong bruk “Hệ thống pataok radaih tự động pandar PLCS7 -200”. Bruk ini oh lac daong ka sinh vien thau cambaic jang ka hoạt động di pandap điều khiển lập trình PLC bo daok hu mboh, hu ngak, hu peih padam hệ thống pataok radaih tự động ngak sit veik. Chreih chrai jang lac bruk ini ba tame pandar hu dalm raidiuk. Sinh viên Lê Ngọc Sang, bac tal 42 C Điện công nghiệp, Sang bac Cao đẳng Kỹ thuật Đắk Lắk lac:“Anai gru, cei gru ngak rilo pandap piah pato ka khol adei bac pasram. Yau gru Trần Văn Dũng hu ngak dom mô hình “ mac sah samu mbaok”, “ Mblang pataok radaih tự động”. Dom bruk ngak nan biak lagaih dalam raidiuk jeng yau dalam cong nghiep,daong ka dom adei thau cambaic saong roh duah ngak lập trình, pagam saong peih padam PLC.Bruk ngak nan biak pachreih, adei takre bac tui.”

Jaik 20 thun ngak bruk di Sang bac Cao đẳng Kỹ thuật Dak Lak, gru Trần Văn Dũng hu roh duah, ngak tabiak labaih 10 mo hinh, pandap pato bac biak lagaih. Dom pandap nan jeng hu mbaok tame dom mbang pakacah ngak pandap pato bac dom pakat, dalam nan hu 5 pandap mek hu giải pakat negar.  Yau pandap “Bàn thực hành đa năng PLC trang bị điện”, “Bàn  thực hành trang bị điện mạch điện máy mài mặt phẳn”, “Hệ thống kareik - peih pabah mbang tự động”. Dom bruk nan piah pato pasram ka dom sinh vien thau lập trình saong thau pambuak dom kỹ năng tame mon bac dalam danak dak pato bac gah điện, ngak jeng bruk pambuak gauk khang kajap piah ngak jeng pandap ba tame pandar dalam raidiuk yaok harei.

Birau ini, gru Trần Văn Dũng gam saong ayut sahabat hu roh duah, ngak hu “Hệ thống pataok radaih tự động pandar PLCS7 -200”. Pandap ini mek hu giải nhất Harei pataom pakacah ngak pandap pato bac pakat tỉnh, giải nhì Harei pataom pakacah roh duah ilamu tinh Dak Lak 2017. Ini lac pandap pandar cong nghe birau ngan saong dom pandap điều khiển lập trình PLC saong màn hình cảm ứng  HMI saong dom pandap điện piah điều khiển dom janih karei yau dây chuyền ngak tabiak pandap. Pandap ini, di harei17/4 meng blaoh, gru Dũng taduan mek hu giải Pakacah roh duah ilamu ky thuat pakat negar mbang ka 4 di Ha Noi. Gru Dũng lac:  “Pandap nan roh duah saong ngak tabiak dalam labaih 3 bilan. Mblang pataok radaih ini oh pambak tame manuac khik atau oh. Urang halei hu radaih oto ye hu pabak brei 1 mã số. Quẹt thẻ ye radaih hu ba tame piah, nao darak atau nao ngak bruk, tal tuk mek tabiak ye quẹt thẻ veik. Kuhria tui tukvak bo bayar jien. Pandap ini dahlak mboh siam jang saong takre di abih kayua oh lac pato bac saoh, bo caong khin khan brei thau ka sa taneh ia cak rok patagok, van minh, hadah hadai; oh meblah jalan, via he pataok radaih.”

Tui taong yaom di Thạc si Hoàng Minh Cương – Akok sang bac Cao đẳng Kỹ thuật Đắk Lắk, gru Trần Văn Dũng lac urang naih gheih yau kareih camin dalam bruk pakacah “pato gheih - bac joi”, lac sa urang naih joi roh duah dalam bruk ngak. Tapa nan, rik daong jhul patagok bruk roh duah ilamu saonmg ngak tabiak dom pandap pato bac di sang bac. Thac si Hoàng Minh Cương ndom lac, bruk ngak nan gam pasram patia bruk ngak ka dom gru pato bac, paglaong bruk pato bruk ngak, gam daong ka sang bac hu pandap piah pato bac dalam tuk kurang jien padai.

Jaik 20 thun kak kajap haong Sang bac Cao đẳng Kỹ thuật Đắk Lắk, gru Trần Văn Dũng hu rilo mbang taduan mek hu angan Gru pato naih joi pakat tỉnh, pakat negar. Meng hatai takre roh duah ilamu, ong ngak hu yaok pluh mo hinh lagaih pandar, hu Tổng liên đoàn Lao động Việt Nam alin brei harak Lao động hadah krah, Mentri Lao động Thương binh & Xã hội, UB bhap bini tinh Dak Lak alin brei harak meyaom saong harak Chien si thi đua pakat tỉnh. Tapa nan, gru Trần Văn Dũng hu ngak brei medeih tagok hatai takre roh duah di anek saih - sinh vien saong dom urang jakar, gru patao dalam sang bac./.