Kreik camin bác sĩ ranaih umo tuk halei jeng hu mbaok di dom labik pandiak piah rik dong jhul kandun likuh jit ruak
Bac tamat sang bac đại học Y Hà Nội, Bác sĩ Trần Anh Tú palih bruk pambuak pagam song bruk pasang iek ruak njom mbak di Viện Vệ sinh dịch tễ Trung ương. Bác sĩ Tú mboh nan lac bruk drei take. Jeng kayua Việt Nam lac negar pandiak, nan ye urang dịch tễ học rilo meng lac dom ruak njom mbak, meng jit sởi, tangin takai cambuai, pandiak tabiak drah song bahrau ni lac jit COVID-19... Tapa nan brei hu mbaok di rilo urang jakar y tế khik caga dịch tễ, dom bác sĩ ka ruak njom mbak.
Akaok thun 2020, Việt Nam mboh hu dom urang camereip njom COVID-19. Meng di tuk nan, bác sĩ, urang y tế hu mbaok tame bruk pacang jit. Dalam bruk nan, dok hu bruk dong pren di dom urang dalam kandang joa, samar drah piah duah tabiak jit ruak.
Meng pasak jit di negar daok di Sơn Lôi (Vĩnh Phúc), bác sĩ Trần Anh Tú halan hatain tame kapul ngak bruk pacang caga jit, di bhum jit hu labaih 10.000 urang pak ni. Tal bilan 4-2020, saai hu mbaok tapak tame pasang iek, dong pacang jit di Mê Linh (Hà Nội). Meng gah brak saai ba akaok nao dahlau tame Đà Nẵng, hu mbaok tame kapul pasang iek duah thau jit di kapul pacang jit COVID-19 di mintri Y tế. Song bahrau ni saai taduan bruk luac dalam tuk tết di bhum jit Hải Dương. Dalam sa thun,labik pandiak halei saia jeng hu mbaok, duah anek ruak, duah thau meng yaok urang, oh caik brei tapa "F1, F2". Jit ruak rah tabiak samar, oh hu tuk vak ka dom labik bahrau ngak randap song bruk ngak, bo brei hu ilamu ka anek ruak, bác sĩ Tú song urang jakar, urang ngak biak gleih glar duah menuac ruak. Yaok urang "nao tal dom boh sang, pasang iek dom jalan sit prong", ngak bruk gam gam oh lac harei atau melam. Dom urang ruak hu rilo, bruk duah labik pambak ruak dak kan jang biak rilo mbang.
7 thun hu mbaok dalam bruk pasang iek ruak njom mbak, taphia di bruk hu ilamu di urang nao dahlau, bác sĩ Tú dok duah thau, pandar công nghệ thông tin tame bruk ngak di drei, meng nan patak pataom hu pren yava ka dom urang ngak, dong ka bruk duah mboh urang ruak hu samar darah. Bs. Tú hu padang ngak danak dak, pandap panda, pato pasram, pasang iek duah thau song mek mẫu ruak dalam bruk pasang iek pakat negar, kuhria mboh dahlau urang njom virút viêm gan B song virút viêm gan C dalam nyaom urang prong di gah brak; hu mbaok padang ngak balik pacang jit chip pak di labik ni.
Saai khan lac: "Tuk jit ruak rah tabiak lac taduan bruk tagok jalan chip. Mbang halei nao tok dar ba tui dom blah khan aow, pandap pandar ka drei. Urak ni,duik anek jeng randap song bruk dahlak oh hu mbaok di sang, min hu rilo jalan piah taom gaok jang dahlau nan ye duik anek jeng hu sahanang hatai jang. Ngak bruk atah sang jeng mboh uan sang, min bruk dok ngak brei ngak hu siam mekre meng jeng"
Bác sĩ ranaih umo ni ndom lac meng hatai takre bruk nyu dong ka saai yam tapa kan kandah, tani tanat jang dalam yaok bruk sit sot di abih piah khik caga rup drei, klah nyaih njom mbak dalam bhap bini. Saai khan lac:” Langiu di ruak njom mbak ye dok dom ruak oh njom mbak atau bruk alam môi trường, khol hulin jeng ngak. Meda lac hu mbaok tame langyah abih bruk di bhap bini "./.
Urang lang: Hani Pha – 19/04
Viết bình luận