Meng rilo bhum palei karei tame huyện Đak Glong, tỉnh Dak Nong padang mbang ngui hu labaih 20 thun, oh khin daok dalam gom menyek sup melup di bhum ceik glai atah bayah, jua la-ar, dom baoh sang di palei 10, palei 6 xã Quảng Khê jak gauk rik jien tame blei talei điện saong padang gheng kayau dui talei điện meng pasak y tế huyện.

Kayua talei sit, bruk pandar điện rilo nan ye điện oh tani tanat. Piah pasaim veik bruk nan, thun ini Điện lực huyện Đak Glong (Cty Điện lực Dak Nong) hu buh jien tame piah ngak pasiam veik jalan talei điện, padang rilo balai biến áp,  nan ye pasiam hu bruk pandar điện. Sa-ai Nguyễn Thị Thìn daok di palei 6, xã Quảng Khê khan lac:“ Dahlau diah, piah hu điện ye drei dui talei eng. Điện yếu lô nan ye bhian klaoh cầu giao. Njuk pruh ia saong papah khan ao meng jariak brei ngak tuk takik manuac pandar, daok tuk ralo urang pandar ye  klaoh điện. Harei ini điện khang jang, hadah  jang. Daok hàn pasei hu gac. Điện truac hadah yaok bilan 350 ribau, daok điện 3 pha piah mbơm njuk pruh ia, tui drei pruh takik atau rilo.”

Jalan talei điện birau nao tapa anak sang, sang amuk Nguyễn Thị Mừng daok di palei 10 saong dom baoh sang dalam palei rik jien tame blei gom điện truac hadah jalan pambuak dom palei, gam khik siam mekre puk paga gam ba bui sambai tuk jaik tame thun birau. “ Dom thun dahlau anek di dahlak dui talei điện meng gheng kayau mek điện meng huyện tame ; hu bilan abih 1,3 triệu, hu bilan abih 1trieu. Meng harei hu talei điện ini tame tal sang, jien abih takik veik.”

Dom thun dahlau, dom palei 1,2,3 di xã Dak R’mang tok hu labaih 2.000 menuac lac urang bangsa Mông, min gah điện njauk buh tame yaok tỷ đồng padang talei điện 220 Kv atah 20km tapa ceik, glai ba điện mai ka mikva truac hadah, ngak mbang pala drak

          Thun ini, palei 5 saong palei 6 hu Karja buh jien ngak danak dak pabak điện palei pala meng jalan điện negar. Ong Giàng A Chu – Phaok akaok palei 5, xã Dak Rmăng, huyen Dak Glong brei thau, dalam palei hu labaih 800 menuac, rilo meng lac urang bangsa Mông meng gah Barak negar tame ini daok meng thun 2001 mbaih tal ini.

“ Tuk birau mai daok oh hu điện mikva truac menyek. Hadei di nan, điện ngak meng ia harei mikva blei eng daok điện negar oh ka hu. Thun ini, Karja meng ngak, ong akaok xã lac Tết ini hu điện. Hu điện ye ngak bruk hagait jeng lagaih. Yau ye mac njuk pruh ia ka phun caphe. Kuac bingun brei mac patuh menyek diezen min oh lagaih yau điện.

Ong Đỗ Văn Triều - Akok Điện lực Đắk Glong (Công ty Điện lực Đắk Nông) brei thau, tui kuhria dahlau Tết Nguyên đán thak thau ngak hu labaih 25 balai biến áp, piah pabak ginup điện dalam tuk Tết saong dalam bilan bhang anak tal. Ong Đỗ Văn Triều – akaok Điện lực Dak Glong lac: “Piah ginup điện pandar dalam bilan bhang thu ka bhap bini huyen Dak Glong, Điện lực  Dak Glong  daok jhul pasamar bruk ngak, pambuak haong dom đơn vị padang ngak piah pabak điện ka bhap bini pandar dalam bilan thu thun 2018.”

Lac bhum palei praong, ralo ceik glaong, menuac sia tagok samar, abih di nyu lac meng labik karei mai daok dalam gali, min piah hu grap tanat saong cak rok patagok, gah điện Dak Nong jeng yau Điện lực huyện Dak Glong daok kham merat yam tapa dom kan kandah piah bruk dui ba điện hu siam di abih. Mbiah tal ini, 80% dom palei, buôn hu điện, ngan saong 95% baoh sang hu điện pandar tani tanat. Meng nan, raidiuk bhap bini di huyện biak kan kandah ini hu salih birau biak rilo./.