Meng di bilan 6-1940, phong trào di huyện Tam Bình tỉnh Vĩnh Long patagok khang di tong abih dom gah. Huyện Tam Bình peih dom mbang mít tinh cagar veik bruk chap mek di kol khamang, oh pang tui kol tề làng, tabiak panuac ieu likei dam jui nao ngak lin mbang pah, ngak daning pacang ka kol nyu. Tapa bilan 7, dui atah tal bilan 8, bilan 9-1940, meng huyện lỵ tal dom xã, truyền đơn, băng cờ, biểu ngữ hu parai, tual di grauk labik song rah tui tapen krong, ribaong. Dom xã Mỹ Thạnh Trung, Tường Lộc, Phú Lộc, Song Phú padang dom kapul tự vệ, khik iek, brei thau, pathau khan, peih bruk pasram võ nghệ, megru tong melam, tong du kích, ngak lbaoh patuh meng xi măng, ngak phao ndao. Anak bruk dok patagok di drei di Tam Bình, kol khamang nyu pacang veik meng bruk kateik greik, chap mek.

Ong Tạ Uyên ( Châu Xương), Bí thư Tỉnh ủy dalam angan lac gru jru mai Tam Bình ngak bruk, tacei pato pasiam pakhang chi bộ Đảng meng nan phong trào biak khang, hu rilo jalan ngak meng nội dung tal hình thức, tuk tabiak mbaok, tuk pagam pambak tame bhap bini. Meng bruk dong, pacang di bhap bini bo Đảng bộ huyện Tam Bình hu pakhang, pasiam saong song patagok khang. Dom chi bộ Song Phú, Mỹ Lộc, Tường Lộc, Mỹ Thạnh Trung… hu padang Ủy ban hành động piah padang kadung jien saong ba harak tài liệu ka dom labik. Bruk đấu tranh cách mạng rah tabiak tui rilo jalan ngak jang

Di melam 22-11-1940, bruk Khởi nghĩa Nam Kỳ di Tam Bình patuh tabiak khang di ban sit Tam Bình, Mỹ Thạnh Trung, Ba Càng song Cái Ngang. Di ban sit Tam Bình cánh quân ka sa kayua ong Nguyễn Văn Nhứt (daok ieu lac Nguyễn Hiếu Tự) pan akaok 90 urang tong tame dinh quận song trại lin, uy hiếp ngụy quân, ngụy quyền. Cánh quân ka dua kayua ong Phan Văn Đáng ( Hai Văn) pan akaok 30 urang tong tayah trụ sở palei Mỹ Thạnh Trung, trại lin, tong tayah tatua di jalan Mỹ Thạnh Trung nao Ba Kè song cakak jalan dong di khol khamang meng Vĩnh Long tame quận Tam Bình. Lực lượng dok veik kayua ong Đặng Văn Đính ba akaok hu 30 urang tong tame Trà Luộc xã Loan Mỹ.. Hadei di rilo tuk mesruh metak yaom lac biak kham merat min phao ndao sit sot, khol khamang nyu daok dalam lubang nan ye lực lượng khởi nghĩa oh taong mek hu labik prong. Hadei di nan kol khamang meng Vĩnh Long mai pambuak veik tatua Ba Kè, daong ka ja quận trưởng. Drei njauk kadun mai Gò Cỏ Ống ( Mỹ Thạnh Trung) piah khik siam lực lượng. Di Ba Càng, Chi bộ patom bhap bini ba gauk mai về đồn Phú Trường Tây, khol khamang huac nduac klak, min tal tuk kol khamang meng Vĩnh Long dui gauk mai, drei njauk kadun mai Phú Yên piah khik siam mekre ka lực lượng.

Di Cái Ngang, bruk mesruh metak rah tabiak khang. Di labik ni, gah  drei hu labaih 100 urang kayua ong Gia ( Bí thư Chi bộ palei Phú Lộc) song du kích xã Mỹ Lộc kayua ong Nguyễn Văn Tiển ( Tám Thới) song lực lượng khởi nghĩa tong mek đồn, pacang ghe gilac di canah klau krong, pametai đồn trưởng Cái Ngang,, chap hu dom kol lin, mek hu dom phao ndao, bhap bini chreih chrai hak klak harak thuế thân song tame gah khởi nghĩa.       

Mboh huac anak bruk Cách mạng di bhap bini drei, thực dân Pháp nyu kateik greik, khủng bố biak khang. Dalam 4 thun (1940-1944), Tam Bình hu rilo urang Đảng song bhap bini njauk kol nyu chap mek, ba tame guk, rilo menuac di drei njauk khol khamang xử bắn. Min bruk kanjah jhak di khol khamang oh padam hu bruk mesruh metak anh dũng di bhap bini Tam Bình. Thun 1945, bhap bini Tam Bình song bhap bini dalam negar dang tagok ngak jeng Cách mạng bilan 8 prong glong, pajaleih kol thực dân phong kiến, mek hu bebas tự do.

Urak ni, patagok bruk hào hùng di Khởi nghĩa Nam kỳ, Đảng bộ huyện Tam Bình gam song bhap bini dalam negar daok kham merat patagok dom bruk ngak hu, peih ngak sarak mbang ka XII di Đảng saong Sarak Nyaom roya Đảng bộ huyện mbang ka XI, dong padang tỉnh Vĩnh Long song huyện Tam Bình dak harei dak siam mekre, kaya meda./.