Tuk dok duik, Chủ tịch Hồ Chí Minh tuk halei jeng sangka tal taong abih gah di XH. Wa jeng biak sangka tal moi truong song thau hu yaom glaong di moi truong sống. Wa pachreih ba tong abih bhap bini kham merat pala phun ngak ka taneh ia hajao, hacih, mekre. Harei 28/11/1959 Chủ tịch Hồ Chí Minh hu kadha vak “ Tet pala phun” angaok harak mbao Nhan Dan dalam angan Trần Lực, ieu yaok urang, yaok boh sang, yaok kapul nyaom, puk palei pakacah gauk pala, iek glang phun hajao song hu panuac brei peih ngak sa harei “ Tet pala phun” dalam negar, jeng sa adat cambat siam, jeng sa bruk ngak ilamu biak hu makna tuk tet mai. Dalam kadha vak, Wa tacei brei mboh cambaih kein laba di bruk pala phun nan lac “ abih takik jien padai bo kein laba rilo”, tong abih bhap bini gah barak, yaok urang pala sa atau 2, 3 phun song iek glang ka nyu siam. Di tuk vak nan, Wa kuhria mboh lac “ di gah barak hu labaih 14 trieu, dalam nan labaih 3 trieu lac uranaih, dok 11 trieu urang meng umo 8 thun tagok jeng meda pala phun…. Yau nan, yaok tet pala hu 15 trieu phun. Meng thun 1960 tal thun 1965, khol drei meda hu 90 trieu phun, gam phun mbang boh, phun hu bingu, gam phun ngak gheng sang. Song dalam 20 thun, negar drei dak harei dak hadah mekre jang, langik tasik siam jang, phun kayau ginup jang. Bruk nan hu rik dong biak prong tame bruk salih bahrau rai duik di bhap bini drei”. Puac kadha vak nan, Wa Hồ vak: Tet pala phun “jeng lac sa bruk pakacah gauk suai lavik min biak hanjul bo tong abih menuac urang, meng dom urang taha tal dom uranaih meda hu mbaok tame”. Bruk nan brei mboh, makna di tet pala phun biak siam, biak prong.

Mesup harei 11/1/1960, bruk tet pala phun camereip abih uan Dang uan Xuan biak chreih chrai. Chủ tịch Hồ Chí Minh song bhapbini ban ine hu pala phun di mblang bein Hồ Bảy Mẫu (urak ni lac mblang bein Thống Nhất). Di labik ni, Wa pan caleing, kuac haluk pala phun đa sit. Pala phun bloh, Wa ndom nyai song bhap bini ka bruk kein laba di bruk pala phun. Wa ndom lac, dom thun dahlau labik ni dok lac labik tuh hareik, meng hu pren ngak di menuac urang bo harei ni phun kayau tamuh hajao siam. Harei padeih, dom anai, dom cei ba anek taco tabiak main, mong bingu, iek phun bui sambai. Ni jeng lac bein bingu di dom cei dom anai. Nan ye khol drei njauk ngak bruk ka nyu siam, drei ngak ka drei song ka anek taco harei hadei. 

56 thun kuhria meng di harei nan, mblang bein Thống Nhất harei ni jeng sa labik main bui sambai giải trí prong di ban ine Hà Nội.Phun đa sit dahlau deih Wa pala urak ni jeng sa phun đa praong bak hala hajao siam, pacang halui luac thun.

          Labaih 50 thun tapa, “ Tet pala phun” kayua Chủ tịch Hồ Chí Minh ba tabiak song dom panuac kakei di Wat ka bruk khik ramik moi truong sinh thai siam mekre, khang kajap ngan song rai duik anek menuac dak hu makna prong song cambaih laih. Bruk diukrai siam, jiak song alam moi truong, jalan sahneng, jalan diukrai siam ka bruk khik caga cảnh quan môi trường sinh thái song drap ar meng lingik tasik piah patagok khang kajap di Chu tịch Hồ Chí Minh hu jeng jalan piah ngak njauk ka dom rai hadei ni song miet miet ka harei hadei./.