Dom urang pal akaok hu tangi sua di nyaom roya 

Hadei di 4 harei ngak bruk, mesup ini (30/9), Nyaom roay Đảng bộ quân đội mbang ka 11 vaktu 2020-2025 hu ginum biai mbang tamat. Nyaom roya njauk hatai haong dom harak văn kiện di Quân ủy Trung ương pok tagok Nyaom roya saong brei thau hatai kham merat dak padang Đảng bộ Quân đội hacih sa-at, khang kajap, hadah krah. Patui jalan padang Bol bala CM naih gheih, dak harei dak salih bahrau, tal thun 2025 ngak salah bruk rami ramik tui jalan mbuan, lagaih, khang. Kham merat tal thun 2030 dom quân, binh chủng, mek hu ilamu bahrau saong meng thun 2030 padang bol bala jeng gah dang akaok dalam dak padang quốc phòng toàn dân.

Patui danak dak mbang nyaom ka  18, mesup ni,  Ủy ban dom bruk xã hội di  Quốc hội ginum biai taong yaom pathau khan di rajaei  ka bruk peih ngak sarak  76 di  Quốc hội  brei jhul khang bruk patrun kan kathaot khang kajap  tal thun  2020. Tui  Bộ Lao động Thương binh song  Xã hội, urak ni bruk patrun kan kathaot oh khang kajap, bruk kathaot veik song boh sang kathaot dok glong  , abih di nyu nan lac di bhum ceik car, bhum mik va bangsa takik, bhum bhain gaok bala meng langik tasik, ia ndik iasua. Bruk njauk biai nan lac, bruk  kaya meda kan kathaot  dalam bhap bini dok tagok.

Tui Cục Y tế pacang caga – Mintri Y tế, thun 2020 ruak kayau sau gila kaik mboh daok hu rilo jang. Kuhrai tal abih bilan 8/2020, dalam taneh ia hu 48 urang metai kayua sau gila kaik di 22 tỉnh, ban, rilo jang 4 urang dut saong tukvak ini thun 2019. Makna lac kayua sau, mengiu oh ka hu klauk jru vaccine pacang ruak; bruk raong sau mengiu palai lingiu jalan oh hu khik iek. Bruk pathau khan paglaong akaok sahneng di bhap bini ka pacang caga ruak sau gila kaik daok takik hu. Menuac njauk sau mengiu kaik daok iek lap, oh nao tal dom bilai y tế piah hu tacei pato, hu klauk jru pacang nan ye mbuan ba tal gila blaoh metai.

Mesup ni (30/9), Mintri jalan mbak pajeng ba nao mai pambuak bruk song  Ủy ban bhap bini dom  tỉnh: Ninh Bình, Thanh Hóa, Bình Thuận, Đồng Nai peih bruk padang ngak  3 danak dak dalam  Dự án padang ngak dom labik jalan  cao tốc angaok jalan Bắc- Nam gah Pai  tuk vak  2017 – 2020. 3 danak dak nan lac  Mai Sơn – jalan roya 45, Vĩnh Hảo - Phan Thiết, Phan Thiết - Dầu Giây hadei di tuk ngak salah bloh hu ba tame pandar song tui kuhria dalam puac thun  2022, gam song dom danak dak karei, hu dak harei dak ngak jeng  jalan cao tốc Bắc Nam dhar gah Pai salih bahrau, hu pren khang, siam mekre, jalan peih nduac glong, pabak ka bruk pajeng ba. Jang yau pambua ksong dom pasak  kinh tế, chính trị abih di nyu nan lac  3 bhum  kinh tế prong

Kapul dam dara tỉnh Đắk Lắk pambuak bruk haong Hội Sinh viên tỉnh bahrau peih danak dak pataom mbaok sinh viên bangsa takik naih gheih thun 2020. Urak ini, Đắk Lắk hu 2.157 sinh viên DTTS daok bac di dom sang bac đại học, cao đẳng dalam taneh ia, dalam nan hu jaik 1.000 sinh viên bac megru  naih joi. Tapa nan, mBan Thường vụ Tỉnh đoàn, Kapul dam dara  tỉnh, Hội Sinh viên tỉnh Đắk Lắk hu alin harak meyaom brei ka 50 sinh viên DTTS hadah krah dalam thun bac.

Mbang ndom nyai nao mai tapak di  ong Donald Trump song  ong Joe Biden bahrau salah bloh. Bruk ni brei mboh bruk jak ba  tranh cử di 2  urang daok pakacah gauk ngak tổng thống thun 2020 dok yam tame tuk vak tabung glong . Kayua yau nan ye, 2 urang ini jeng kham merat  ndom jhak gauk, gam duah jalan meblah mek  bruk pachreih tui di  cử tri, abih di nyu nan lac dom urang urak ni oh ka ndih tui gah halei.. Chuyên gia bình luận hu angan di CNN Wolf Blitzer nbrei thau, ni lac mbang ndom nyai nao mai sarau kadau di abih bo ong dok mboh di anak meta song ba tal kan kandah ka 2 mbang ndom nyai nao mai tra hu batabiak di Tổng thống Trump song urang dahlau deih ngak Phó Tổng thống Biden dalam bilan hadei.

Hãng thông tấn negar Triều Tiên (KCNA) harei ini brei thau, Nyaom iai mbang ka 18 di Bộ Chính trị Ban Chấp hành Trung ương Đảng Lao động Triều Tiên ala bruk dang akaok di urang pan akaok Triều Tiên lac Kim Jong Unhu peih tabiak di harei kabroi. Ngan saong kadha ka bruk mesruh pacang Covid-19, dom urang dalam nyaom biai hu tacei tabiak dom labaih kurang dalam pacang cakak bruk njom tame di Covid-19 pak di Triều Tiên saong brei thau cambaih laih bruk pacang jit di rajaei. Mbiah tal urak ini, Triều Tiên jeng oh ka hu pathau khan halei ka bruk njom mbak Covid-19 halei.                              

Gilang pariak dunya  hu brei thau ka bruk dong  12 tỷ USD ka dom negar kathaot  piah blei song parabha  vắc-xin Covid-19. Tui nan, panuac ieu dom negar prong khik ramik bruk brei mesraiy  12 tỷ USD dong meng  12–18 bilan. Dahlau di nan, meng bilan  4 – bilan  6/2020, tuk rah tabiak khang khang jit  Covid-19, Gilang pariak dunya  hu dong pok jien glong di abih , tagok tal  45 tỷ USD ka rilo negar dalam tukvak gah kinh tế dunya laik tame bruk cuang kandah  ../.

Urang lang: Hanipha- Mousaphuong