Dom cei gru, nai gru “kak kajap haong puk palei” pato di bhum atah bayah, bhum kan kandah

Hadei di 6 thun peih tabiak, danak dak “klah rabha haong jru pato” hu pok manyaom 340 cei gru, nai gru naih gheih. Nan lac dom cei gru, nai gru “kak kajap haong puk palei” pato di bhum atah bayah, bhum kan kandah; dom cei gru, nai gru daok pato pakai di dom huyện pulao, xã pulao atah bayah; dom cei gru, nai gru lac dom urang jakar, urang lin Bộ đội Biên phòng daong veih takai dom adei nao tal sang bac; dom cei gru, nai gru pato anek saih lac dom adei bangsa takik saong dom cei gru, nai gru lac urang bangsa takik. Thun ini, hu 50 gru pato naih gheih, mai meng 48 tinh, bal hu pilih ruah piah pok manyaom.

Salam uan 39 thun harei gru pato Việt Nam (20-11-1982 - 20-11-2021), Sở pato megru ban raya HCM pambuak bruk song Công đoàn gah pato megru ban raya HCM peih danak dak taom gaok hu angan “Dom pok bingu hồng joa kandang ” thun 2021 piah pok meyaom dom urang hadah krah hu hatai siam, naih gheih dalam bruk pato pakai di kapul cei gru, anai gru dok ngak bruk di dom labik pato pakai urang jaoh jo ba drei tame pak di ban raya. Tapa nan, Công đoàn gah pato megru ban raya HCM jeng hu pok meyaom sing yaih khan dom kapul nyaom , menuac urang mek hu giải tapa dom mbang pakacah “Kapul nyaom công đoàn – bak hatai anit bilan jit”, Harei pataom pakacah vak kadha hu angan “Hatai anit di anek menuac mangaok jalan pacang caga jit Covid-19” song ngak video clip hu angan “Haniem phol harei mai veik sang bac”.

Hadei di labaih 1 bilan peih ngak, Kadung jien daong saong patagok Sinh viên Việt Nam taduan hu jaik 3 ribau harak tut angan likau jien bac học bổng meng 61 tỉnh, bal dalam taneh ia. Kapul pilih ruah học bổng di Kadung jien hu pilih ruah, brei jao học bổng alin ka 400 sinh viên sang kan kandah, ngan haong yaom jien daong abih tih lac 1,2 tỷ đồng. Dalam nan, hu labaih 33% sinh viên lac sang kan kathaot, sang jaik kathaot; jaik 12% sinh viên lac urang bangsa takik… Jeng dalam mbang ini, kadung jien daok hu pambuak haong Kadung jien Lee Việt Nam peih tabiak học bổng “Khang takei tal sang bac” thun bac 2021-2022, haong pok jien daong abih tih lac 5 tỷ đồng.

Urak ni, pok jeru brei ka F0 iek ruak di sang hu 3 pok A, B, C, kayua yau nan ye bhap bini taduan hu pok jru F0 brei ngak tui njauk tacei pato bo urang ngak gah y tế batabiak. Piah iek ruak siam mekre, dom bác sĩ hu panuac kakei: dalam pok jru B hu dom janih đặc trị, brei hu panuac tacei pato di bác sĩ. Pok jru B hu pandar dalam dom bruk biak trak, hu triệu chứng samar di suy hô hấp. Dalam tuk vak ni urang ruak njauk pambuak song bác sĩ piah hu dong brei. Bruk eng drei menyum jru corticoid oh tui tacei pato di bác sĩ meda ngak ka urang ruak trak song dui atah jang .

Cei jru Lê Anh Đông (umo 31 thun) daok pato di Sang bac Trung học Phổ thông Ngô Quyền di xã Long Hà, huyện Phú Riềng (Bình Phước) hu rilo urang thau tal, kayua abih hatung hatian ka bruk pato pakai, bo daok kayua hu rilo sahaneng duah, rilo ilamu dalam bruk pato pakai di sang bac bhum kan kandah, bhum bangsa takik. Meng thun bac 2016-2017 tal urak ini, cei gru Lê Anh Đông hu 5 sahneng duah bahrau công nhận pakat Sở saong hu pandar dalam bruk pato magru.

Công ty jalan pasei tapen tasik Asa di Japon bahrau brei thau sa janih radaih 2 chế độ mbang camereip di dunya meda peih nduac angaok jalan mbak song jalan pasei hu ba tame pandar dalam bilan tal di labik palao Shikoku. Radaih ni peih meng janih Diesel hu tong yaom glong ka bruk sami samar tuk dom mbang bala meng langik tasik yau megei boh taneh, meda ngak ka labik jalan mbak atau jalan pasei oh meda pandar hu

Labaih 2 triệu 600 ribau ranaih ala umo 12 thun di Mỹ (meblah jaik 10%) hu klauk vắc-xin caga Covid-19 camriep abih kuhria meng di tuk vắc-xin di Hãng jru Pfizer/BioNTech hu brei klauk ka ranaih di umo ni atah di ini 2 adit. Dalam tuk nan, labaih 80% bhap bini Mỹ meng umo 12 thun tagok hu klauk takik di nyu lac 1 mbang vắc-xin saong 31 triệu urang hu klauk mbang pabak viek./.

Urang lang: Thu Thao – Hani Pha – 20/11