Ong Nguyễn Phú Trọng hu pok ngak Tổng bí thư Mban chập hành TƯ Đảng 

Hadei di 8 harei ngak bruk biak tari tareng, samar drak, dah page ni 1/2/2021  di pasak ginum biai pakat negar Mỹ Đình – Hà Nội, nyaom roya pakat negar mbang ka XIII di Đảng hu tamat abih danak dak ngak bruk saong ginum biai mbang tamat.

Ngan haong asal kadha "jumpataom - Dân chủ - Kỷ cương – roh duah jalan bahrau – cak rok patagok,” nyaom roya hu ginum biai biak chreih chrai, ndem tapak, dân chủ saong brei tapa dom sarak hu makna praong yau pathau khan Chính trị, pathau khan tamat padang ngak jalan cak rok patagok kinh tế-xã hội dalam 10 thun 2011-2020, padang ngak jalan patagok kinh tế-xã hội 10 thun 2021-2030; pathau khan taong yaom dom bruk ngak hu dalam bruk cak rok patagok kinh tế-xã hội 2016-2020 saong jalan ngak, bruk ngak patagok kinh tế-xã hội thun 2021-2025; pathau khan pataom iek veik padang Đảng saong peih ngak sarak di Đảng tukvak nyaom roya XII; pathau khan kiểm điểm bruk ba akaok, pato tacei di Ban Chấp hành Trung ương Đảng mbang XII…

Dahlau di nan, nyaom roya hu pilih ruah Ban chấp hành Trung ương Đảng mbang XIII hu 200 uỷ viên; di mbang ginum biai mbang akaok meti Ban Chấp hành Trung ương Đảng mbang ka XIII hu pilih ruah Mintri Chính trị hu 18 urang. Ong Nguyễn Phú Trọng patui veik hu pilih ruah ngak Tổng Bí thư Ban Chấp hành Trung ương Đảng mbang XIII. Ban Bí thư hu dom urang Ủy viên Mintri Chính trị hu Mintri Chính trị parabha bruk ngak hu mbaok tame Ban Bí thư saong 5 đồng chí hu pilih ruah di ginum biai. Ủy ban pasang iek Trung ương hu 19 urang.

Dah page harei 31-1, ginum biai mbang camriep Ban Chấp hành Trung ương Đảng mbang ka XIII peih mbang ginum biai piah pilih ruah Mintri Chính trị, Tổng Bí thư, Ban Bí thư, Ủy ban pasang iek Trung ương Đảng, akaok Ủy ban pasang iek Trung ương Đảng.  Ong Nguyễn Phú Trọng hu njauk hatai pok ngak Tổng Bí thư Ban Chấp hành Trung ương Đảng Cộng sản Việt Nam mbang ka XIII.  Ban Chấp hành Trung ương Đảng mbang XIII ginum biai mbang camriep pilih ruag Mintri Chính trị, Tổng Bí thư, Ban Bí thư, Ủy ban pasang iek Trung ương, akaok Ủy ban pasang iek Trung ương.

        Dah page 1-2, Mintri Y tế brei thau, Việt Nam duah mboh veik 2 urang njom mbak dalam rahra lac urang di quận Nam Từ Liêm saong sa urang di quận Cầu Giấy, Hà Nội.  Urak ni gah chức năng daok pasang iek dom urang taom gaok paih pacang cakak saong ba dom urang F1 nao daok karei. Dahlau di nan, bier harei 31-1,  tỉnh Bình Dương mboh sa urang ruak (BN1801) daok di huyện Phú Giáo hu asal njom mbak meng Hải Dương.  Ni lac urang njom Covid-19 dalam rahra camriep di Bình Dương. Kuhria tal bier harei ni 31/1, dom jabat jaka di tỉnh Đồng Nai hu peih bruk brei daok karei abih tih 385 urang mai meng bhum jit di negar langiu, 46 urang mai meng bhum jit dalam negar saong 27 urang taom gaok haong urang ruak 1653.

Melam 31/1, Phó TT Vũ Đức Đam, Akok Ban tacei pato pakat negar, pacang caga jit COVID-19 hu nao ngak bruk di Hải Dương  saong Quảng Ninh piah pasang iek bruk taong ruak jeng yau bruk pacang caga ruak jit ruak di dua tỉnh nan. Pak di xã Đông Triều, tỉnh Quảng Ninh, Phó Thủ tướng Vũ Đức Đam taong yaom glaong bruk ba tangin tame di abih gah saong bruk pachreih tui di bhap bini hu ngak biak catang, siam lagaih dom jalan duah urang hu taom gaok, pacang caga labik hu urang ruak, brei daok karei. Yau nan min, jit mbang ini karei jang dom mbang dahlau kayua hu dom mbang urang F3, F4 jeng F0 di Quảng Ninh, Hà Nội yau nan ye dom urang jakar pacang caga jit saong bhap bini brei sa hatung hatian haong gauk ngak njauk tui bruk kakei di gah y tế, abih di nyu lac dom labik pacang, labik pataom brei daok karei atau di sang. Phó Thủ tướng jia lac, ngan saong dom jalan pacang caga samar chip saong catang hu 2 tỉnh nan peih ngak,  jit ruak  pacang cakak hu abih dahlau Tết nguyên đán.

Anak jit ruak Covid-19 daok tamuh, Mentri Công thương tacei pato dom tỉnh, ban, doanh nghiep brei caga dom bruk meda rah tabiak, hu jalan  parabha pandap panda meng dom labik pabak pandap, dom labik ngak tabiak pandap, parilo pandap pablei ka dom tỉnh, ban hu jit ruak, brei daok karei atau pa-atah di gauk. Meyah hu bruk hagait rah tabiak jeng brei pabak ginup pandap pandar yaok harei, oh caik rah tabiak bruk sraw kadau raidiuk bhap bini./. 

Urang lang: Thu Thảo -Ái Nghiêm -1/2