Ini lac jalan lagaih ka dom D.N yaih khan pambak praong kaya pandap di drei

Tui danak dak Mbang nyaom oh kuhria dahlau mbang ka sa, Quốc hội mbang XV, harei ini, QH ginum biai tapa online ka dự thảo Sarak ka jien padai, jien ndo piah daong Danak dak pasiam saong patagok kinh tế - xã hội haong Dự thảo Srak peih ngak iek dom jalan tacei ba, sarak karei patagok ban Cần Thơ. Dahlau di nan, dalam mbang nyaom biar harei kabroi(6/1), ndem ka Dự thảo Sarak ngak iek dom jalan tacei ba, sarak karei patagok ban Cần Thơ, dom urang QH pataom tame brei panuac ka: Bruk njauk brei tabiak Sarak; khik iek taneh riya, quy hoạch; jien mek tame di urang jakar, công chức, viên chức; Danak dak kuac gam meik veik jalan kraong Định An- Cần Thơ; labik pambuak gauk ngak tabiak pandap, kaya kan saong pablei kaya nong di bhum Taneran krong Cuu Long di Cần Thơ…

Tỉnh Bình Phước bahrau taduan harak dak angan inem krung sajarah pakat negar labik Khmer đỏ pametai rahra dalam mbang mesruh tapen negar Tây Nam di huyện Bù Đốp. Pak ni, harei 16/3/1978, kol Pôn Pốt nyu tapa jalan tapen negar , tame palei Xa Trạch, xã Hưng Phước song palei 6, xã Thiện Hưng, huyện Bù Đốp, pametai 247 bhap bini drei, dalam nan hu rilo urang kamei song uranaih. Thun 2018, huyện Bù Đốp buh jien tabiak padang ngak labik pahadar ni hu angan ieu Sang pahadar menuac metai dalam bang mesruh tapen negar Tây Nam taneh ia. Urak ni, huyện Bù Đốp duah hu angan je di 81 urang metai dalam tong abih 247 urang.

Hadei di rilo mbang brei padeih kayua jit Covid-19, harei ini ( 7/1) Festival padai brah Việt Nam mbang V thun 2021 hu peih tabiak di Vĩnh Long. Ini lac jalan lagaih ka dom D.N yaih khan pambak praong kaya pandap di drei; daong D.N duah thau bruk caong khin blei di urang piah ngak brei salih birau, paglong asar pandap. Langiu di nan, piah jhul patagok bruk ngak tabiak padai brah siam bingi pahe, paglong kein laba dalam bruk ngak tabiak padai brah, pamaong tal bruk ngak tabiak padai hữu cơ, khik brei ginup padai brah hacih sa-at, lagaih saong bruk bien doi khi hau di bhum taneran kraong Cuu Long.

Jit ruak Covid-19 di tỉnh Tiền Giang dok trun, urak ni dalam tỉnh tok dok ban Mỹ Tho lac pakat 3 (bhum katam). Yaom lac yau nan, min tui tong yaom di mban tacei jalan pacang caga jit Covid-19 tỉnh Tiền Giang, jit Covid-19 dok rah tabiak srau kadau, nan ye bruk pacang caga jit njauk patagok, dalam nan iek prong bruk klauk vắc xin dalam bhap bini song jak ba menuac urang ngak catang tui 5 paka di mintri y tế. Urak ni, Tiền Giang dok peih bruk klauk mbang ka 3 vắc xin pacang Covid-19 ka urang meng 18 thun tagok.

Dalam harei kabroi 6/1, Jabat Cảnh sát jalan ia Công an tỉnh An Giang chap hu 4 mbang pajeng ba pakao hla negar langiu tame hu padauk biak kandauk tapa kraong di dom tapen gaiy, kapal dalam tỉnh. Tuk mboh cong an pasang iek, dom urang nan nduac klak caik veik pandap panda. Kayua oh hu urang mai taduan dom pandap, nan ye gah cong an jalan ia ngak harak khik veik piah duah thau ngak brei cambaic laic, langyah tui hukum karja.

Meng dalam dom harei akaok thun bahrau 2022, bruk srau kadau biak khang di abih kuhria dalam 10 thun tapa rah tabiak di Kazakhstan. Dom mbang trun jalan piah piah cagar veik bruk yaom khí đốt di Kazakhstan tagok jang jaik 2 mbang, meng 0,14 tagok 0,28 USD/sa lít. Dom kapul nyaom khủng bố blah mek dom labik praong, dalam nan hu mblang kapan haoh di ban Almaty song 5 kapan haoh. Anak bruk yau nan, rajaei Kazakhstan brei tabiak bruk samar drah dalam taneh ia, patrun bruk nao mai. Bruk tong paoh gauk jeng ngak ka labaih 1.000 urang njauk rambuac. Tổng thống Kazakhstan hu panuac ieu bruk dong di dom taneh ia dalam Hiệp ước An ninh haong gauk.

Tổng thống Phi-líp-pin brei tabiak hukum pakauk bruk tok diuk tok pasang umo sit. Tui hukum birau, brei taong phạt guk tagok tal 12 thun ngan saong dom urang lakhah atau urang umo ala 18 thun daok haong gauk yau diuk pasang dahlau lakhah. Dom urang dui ba atau peih bruk brei lakhah ka urang umo ala 18 thun jeng brei kaoh tui hukum dreih yau nan. Urak ini, Phi-líp-pin hu uranaih tok diuk tok pasang umo sit dang dhi 12 di dunya, kuhria rah tapa 6 urang kumei dara hu 1 urang tok pasang umo sit. Tui Kadung jien Nhi đồng LHQ, di dunya hu labaih 500 trieu uaranaih kumei saong urang kumei lakhah umo sit, dalam nan pataom ralo abih lac bhum taneh Hạ Sahara di châu Phi saong Nam Á.

Harei 6/1, Australia tabiak harak brei thau bruk klaak visa nhập cảnh di urang dane angan gah quần vợt lac Novak Djokovic, menuac Serbia kayua oh pabak hu bruk pasang iek Covid-19. Harak nan ndom lac: "Urang oh lac menuac Australia meyah oh hu visa atau njauk klaak visa, njauk chap khik song pateok tabiak truh Australia". Novak Djokovic lac urang cagar veik bruk klauk vaccine pacang Covid-19. Dom mon dahlau di tuk urang jakar Australia ba tabiak harak khan brei thau nan, Djokovic trun kapal haoh di mblang kapan haoh Melbourne piah hu mbaok di giải quần vợt Australia peih prong, labik saai hu 9 mbang dang akaok.

Urang lang: Hani Pha – Bhumi – 07/01