Urang gaok bala taduan hu rilo pandap dong ba

Hadei labaih 2 harei kham merat duah daong, dom gah chức năng duah mboh 13 rup atau di Kapol jakar gaok bala di Sang mac Thủy điện Rào Trăng 3, tỉnh Thừa Thiên-Huế saong ba tame Sang eik ruak Quân y 268, ban Huế. Bruk duah thau angan dom urang jakar, urang lin di Kapol hy sinh dalam tuk ngak bruk daong duah urang gaok bala hu salah. Urak ini, daok 16 urang ngak ngak bruk di danak dak Thủy điện  Rào Trăng 3 lahik. Di danak dak Thủy điện Rào Trăng 3, baoh mbuan yaok ribau taneh, patau glut jaleih lam kateik jaik yau taong abih sang ngak bruk saong dom lán pacang ka urang ngak daok. Jalan tagok tal thủy điện Rào Trăng 3 daok rilo labik glut jaleih yau nan ye bruk daong dauh urang gaok bala rilo kan kandah. Tui dut thau dahlau  rubuk ka 8 meda tuh tame bhum kreh negar, yau nan ye, bruk duah daong urang lahik daok rilo kan kandah jang. Trung tướng Nguyễn Văn Sơn, Thứ trưởng Bộ Công an lac, Bộ Công an jak ba dom gah, pandap panda piah pambuak bruk duah dom urang lahik hu samar jang. Dalam harei ini 16/10, dom  đơn vị pataom tame  jhul pakhang bruk ngak jalan tame thủy điện Rào Trăng 3, duah urang daok lahik.

Dom jabat karja hu pambuak tal daok ngak dom harak gar oiah likau pok  Huân chương brei ka dom urang jakar, urang lin metai tuk nao ngak bruk. Tui nan, likau pokHuân chương Khik caga taneh ia hạng Nhất brei ka Thiếu tướng Nguyễn Văn Man, Phó Tư lệnh Quân khu 4; Huân chương Khik caga taneh ia hạng Nhì, Hạng Ba brei ka 9 urang jakar, urang lin dalam kapul, jabat karja pambuak tal jeng hu panuac likau pok angan Liệt sỹ saong tagok Quân hàm brei ka dom urang dalam kapul ngak bruk ini. Melam blaoh 15/10, Kapul dam dara CS HCM pakat negar hu pok Huy hiệu “Tuổi trẻ dũng cảm” brei ka 2 urang lin dalam kapul ngak bruk gaok bala di sang mac Thủy điện Rào Trăng 3. Nan lac Thiếu tá Tôn Thất Bảo Phúc (ndih tapui thun 1986), Akaok mban Công binh, Phòng Tham mưu, Bộ Chỉ huy quân sự tỉnh Thừa Thiên – Huế haong Thiếu tá Nguyễn Cảnh Cường (ndih tapui thun 1991), Đại đội trưởng Đại đội 6, Tiểu đoàn 2, Lữ đoàn 80 metai dalam tuk ngak bruk pacang caga, pasiam dom khut, tayah kayua hajan ia sua di dom tỉnh bhum kreh negar.

Tui Uỷ ban pakat negar caga bala meng langik tasik saong daong duah urang gaok bala, mbiah tal biar harei 15/10, di dom tỉnh bhum kreh negar hu 47 urang metai saong daok lahik 06 urang kayua ribuk hajan. Dom đơn vị bol lin hu 4.311 urang ngan saong 116 radaih, kapal haok, dom pandap panda, pambuak saong dom gah di labik pasiam veik dom bruk khut khat hadei ribuk ia sua. Bol lin Biên phòng dom tỉnh, ban tapen tasik meng Nghệ An tal Bà Rịa-Vũng Tàu jeng pambuak saong karja, po gaiy gilai brei thau saong tacei ba ka 58.881 kapal gilai thau áp thấp nhiệt đới di tasik biển Đông, piah plaik njiak tame labik hu salamat.

Brei panuac peih nyom roya Đảng bộ ban raya HCM mbang ka XI mesup 15-10, Thủ tướng Nguyễn Xuân Phúc ndom tal labik dang praong di ban raya HCM ngan saong dom labik karei dalam rtaneh ia. Thủ tướng  ndom lac 5 thun tapa, kinh tế ban raya tagok samar, tagok rilo biak njauk caik hatai. Thủ tướng caong lac :” Gam haong taneh ia, TP.HCM brei samar hu jalan langyah piah lang talaih dom tavak tavaiy, piah ka dom prein khang meng taneh riya, meng rahra, meng dom thành phần kinh tế saong meng gah lingiu hu peih talaih tabiak, tagok khang, njauk jalan. Meng dom siam lagaih di drei, TP.HCM brei hu danak, jalan ngak cambaih laih piah ba dom kadha, dom sarak nan jeng prein khang, jalan kajap ka patagok samar, khang kajap, rik daong ba sarak di Đảng tame dalam raidiuk.”              

Anak bruk ndem puac ka tapuk siphau Tiếng Việt tal bac 1 lac dom blah tapuk Cánh Diều kayua Giáo sư Nguyễn Minh Thuyết  cuah tavak, Nhà xuất bản Đại học sư phạm Thành phố Hồ Chí Minh ngak tabiak hu dom kadha oh lagiah, ngak tui bruk ba tabiak di Akok Mentri Pato pakai, Hội đồng pakat negar  pasang iek tapuk  Tiếng Việt tal bac 1 hu brei pasang iek, ngak bruk saong urang cih tavak tapuk Tiếng Việt tal bac 1 di dom tapuk Cánh Diều. Tui bruik caong khin taduan, bruk ngak, Hội đồng pasang eik  saong urang tavak hu njauk gauk taduan abih dom panuac tangi sua piah pasiam veik tapuk ka nyu lagaih jang.  Dalam tukvak anak tal, Mentri Pato megru caong khin taduan hu rilo jang panuac patao padar piah tapuk siphau dak harei dak hu siam jang, rik daong peih ngak siam bruk ngak hu jak jeng danak dak pato phổ thông birau.

Tui yaok pataom di sang bac Đại học Florida, labaih 17 triệu 800 rabau urang Mỹ hu buh phiếu tapak atau tapa jalan bưu điện tui panuac ieu di đảng Dân chủ saong kayua huac bruk njom mbak virus Sars CoV-2. Ini lac biak rilo kayua bruk bầu cử daok yam tame tukvak mek janeh gauk di Tổng thống urak ini, ong Donald Trump di đảng Cộng hòa haong urang di đảng Dân chủ, urang dahlau daih ngak Phó Tổng thống – lac ong Joe Biden, urak ini daok ba kaok tapa dom mbang duah thau hatai sahneng di menuac sia Mỹ. Abih tih 43 bang haong ban ine Oa-sinh-tơn hu peih dom labik buh phiếu aval. Jaik 75 triệu phiếu buh tapa jalan bưu điện, glaong jang dua mbang duk saong 33 triệu phiếu di thun 2016.

Tui jabat y tế Pháp brei thau, dalam 24 tuk mbiah tal melam harei 15/10, taneh ia ini hu veik tal 30 ribau 621 mbang urang njom birau vi rút Sars-CoV-2. Ini lac patui veik bruk kỉ lục birau ka urang njom mbak virut dalam sa harei. Dalam 24 tuk , Pháp hu 88 mbang urang metai pambak tal jit Covid -19, dalam tuk dut iek darah mboh dương tính tagok tal 12,6%.

Pambuak bruk dunya khang kadang dalam bruk patagok saong parabha vắc-xin caga Covid-19 meda jhul samar bruk pasiam veik kinh tế dunya saong patagok jien mek tame di dunya rilo jang 9 rabau tỷ đôla di thun 2025. Ini lac panuac hu ba tabiak harei kabroi di Tổng giám đốc điều hành Kadung jien dunya (IMF) Kristalina Georgieva./.

Urang lang: Mousaphuong- Ái Nghiêm -16/10