Hakiem  A Ly - urang daok taduan mek pandap 

Khol hulin song Đại úy Nguyễn Hữu Hàn, Chính trị viên phó Đồn Biên phòng cửa khẩu Long Bình nao tal sang megik Mukarromah piah taom gaok hakiem A Ly, tuk ong hakiem dok sambahyang. Mboh khol hulin, ong bui sambai lac: “Dom cei BĐBP mai tal ni biak uan lô. Dahlau di tuk sambahyang, hulin hu khan brei mik va thau dom sarak di Đảng, hukum di karja, tacei tabiak bruk oh lagaih piah padeih bruk hu dom imkva tapa Campuchia pah taneh pala drak, tong chap ikan suan hukum”.

Dalam adit, Hakiem A Ly bhian caik harei sut piah pathau khan, jak ba mikva dalam palei oh pang tui dom panuac pachuk pajarah di khol kanyah jhak… parabha talei jum pataom, jak ba bhap bini kham merat  ngak mbang patagok kinh tế, xã hội. Abih di nyu nan lac, ong bhian pathau khan pIah mikva hu mbaok khik ramik jalan tapen negar, cột mốc taneh ia, abih drei pambuak bruk song BĐBP, tuk hu bruk hagait rah tabiak dalam palei yec khan ka Đồn Biên phòng cửa khẩu Long Bình thau piah langyah. Hakiem A Ly jeng hu kakei mikva oh pablei salih pandap cấm, pandap lậu, pandap giả... Yaok mbang họp rahra, ong jeng hu daa urang jakr Biên phòng mai hu mbaok, gam pambuak bruk pathau khan, meng nan ngak brei kajap jang talei rohim di bhap bini bangsa Cam haong urang jakar, urang lin đồn Biên phòng. 

Luac rai pambuak pagam song bhum taneh in, lac urang hu taneh pala drak jaik taphia jalan negar yau nan ye ong A Ly thau cambaih meng phun kayau tal mblang hamu taphia jalan tapen negar. Tuk Chỉ thị ka 34 thun 2003 di Bộ Tư lệnh BĐBP ka “Bruk bhap bini hu mbaok tame khik iek jalan tapen negar, cột mốc song an ninh trật tự puk palei  bhum tapen negar” hu peih tabiak, ong lac urang camereip di abih pachreih tui, hu mbaok ngak siam di abih. Sang ong lac boh sang ba akaok nao dahlau dalam bruk tut angan tame sinya, bloh ong pathau khan, jak ba mikva urang Chăm dalam xã, abih di nyu nan lac dom boh sang hu taneh pala drak jiak tapen negar mbaoh tangin song BĐBP hu mbaok tame khik ramik jalan negar, cột mốc, samar pasang iek, pathau khan ka karja song BĐBP dom bruk biak karei rah tabiak di jalan tapen negar piah hu jalan langyah siam lagaih. Ong jak ba urang Chăm hu mbaok tame dom kapul  khik iek jalan negar, cột mốc, ong jeng hu mbaok tapak tame bruk khik iek jalan tapen negar, puh ramik haci hacih labik mốc quốc giới. Hakiem A Ly bhian peih ngak dom bruk kak kajap talei jum ptaom song urang gah daih jalan tapen negar, dong khik ramik an ninh trật tự, dong bhap bini di 2 gah  tapen negar duik rai siam mekre jum pataom gauk. 

Ong A Ly brei thau: “Hulin tuk halei jeng pahadar rup drei duik rai siam ka dunya mekre ka agama, tuk halei jeng ba pren yava, hatai sahaneng tabiak pabak ka rai duik di mikva Chăm, rik dong tame bruk patagok di xã hội”. 

Thượng tá Nguyễn Hoài Linh, Chính trị viên Đồn Biên phòng cửa khẩu Long Bình brei thau: “Hakiem A Ly lac urang hu angan je hu pakat ủy, karja puk palei, BĐBP song bhap bini biak jia hatai. Meng angan je di ong, urang jakar, urang lin di đơn vị tuk halei jeng dok jiak mik va Chăm, thau jang ka adat cambat, tanarakun, hatai sahaneng, rai duik di mikva piah ba sarak di Đảng hukum di karja dom văn bản hukum jalan tapen negar mai song bhap bini, dong ka bhap bini salih jalan sahaneng, jalan ngak piah patagok kinh tế, khik ramik janih ilamu bangsa, dak padang jalan tapen negar sron mbon, siam mekre, pambuak gauk patagok haong taneh ia Campuchia”.

Labaih 22 thun ngak hakiem, kak kajap hong bhum taneh tapen negar, tuk halei jeng pambuak bruk haong karja palei, hong BĐBP, ong A Ly hu alin brei dom Kỷ niệm chương: “Kayua chủ quyền an ninh jalan tapen negar”, “Kayua bruk patagok dom bangsa ”, “Kayua bruk jak ba bhap bini”... Langiu di nan, ong dok hu pok brei rilo harak meyaom, Giấy khen dom janih di pakat ủy, karja dom pakat, Bộ Chỉ huy BĐBP An Giang, Công an tỉnh An Giang./.

Urang lang: Hani Pha - 29/1