Biar harei sup 22-5, Đặng Minh Trí (umo 24 thun, palei daok di Quảng Bình) hu nao tal bal Bắc Giang hadei di tuk nao tapa labaih 500km meng bal Đồng Hới, tỉnh Quảng Bình piah hu mbaok tame kapul y tế Bắc Giang pacang jit. Sruh radaih di Trí bahrau mai tal pabah mbang Sở Y tế Bắc Giang, ong Nguyễn Xuân Tình, chánh văn phòng Sở Y tế Bắc Giang, hu thaot veik saong vak chip dom panuac brei thau hatai sahneng  angaok blah Facebook di drei.

Hadei di nan, kadha vak ka urang likei daok ranaih umo palei Quảng Bình halar hatian nao tal Bắc Giang pacang jit pachreih hu yaok ribau menuac klah rabha, pok meyaom saong iek prong bruk ngak di urang likei ini.

Ong Nguyễn Xuân Tình ndom lac: "Trí nduac radaih meng mon 3 melam saog tal Bắc Giang jaik mon 5 biar harei. Ayut ndom lac, jit ruak daok tamuh khang nan ye caong khin rik daong pren yava di drei tame bruk pacang cakak jit dalam tỉnh. Dahlak biak iek prong bruk halar hatian di Trí. Jeng dalam biar harei nan, dahlak hu jao bruk ka dom gah ramik ramik labik ndih, daok ka Trí piah ayut sahanang hatai  gam haong bhap bani Bắc Giang pacang jit COVID-19".

Đặng Minh Trí khan lac: "Drei mahit lac Bắc Giang daok njauk kan kandah trak kayua jit COVID-19. Dalam harei 21-5, drei vak harak likau Cty brei njim sa sruh radaih cứu thương dalam kapul radaih piah nao tabiak Bắc Giang daong ka dom urang jakar, urang lin daok pacang jit. Melam mbang huak blaoh, drei hu ndom bruk ini haong amaik ame. Nao hu meteh jalan, payo iew phon, habar sa-ai nao bo oh ndom haong adei. Drei tok klao,  ndom glai dom baoh panuac, blaoh nao chip" .

Trí brei thau, sa-ai peih radaih cứu thương langiu tỉnh rilo nan ye hu ilamu dalam bruk mong iek dahlau jalan nao, kuhria caga jien padai… saong oh kurang hu siuk pabang mbaok, dom blah khan ao pacang caga piah nao tal labik meda "daong hu chip".

Trí lac: "Ndom biak, drei jeng mboh huac. Min rup drei tuk halei jeng saneng tal bruk nao pacang jit. Blaoh saneng lac drei daok ranaih, daok hu prein yava khang kadang bo daok hu Cty (company) daong br 7/6/2021ei radaih. Nao tal labik ye hu dom sa-ai di Sở Y tế saong CDC Bắc Giang daong nan ye jeng mboh sahanang hatai. Pajeng ba urang ruak, ba mẫu ruak nao dut iek… Bruk hagait drei jeng oh kanda. Abih jit ye drei veik nao sang".

Dahlau di tuk hu mbaok tame bruk ngak, urang halar hatian meng tỉnh ayut hu mek mẫu dut iek COVID-19 piah khik kajap siam mekre salamat dahlau di tuk ba drei tame bruk pacang jit./.

Urang lang: Jasi -  7/6/2021