Phaok Bí thư Thành ủy TP Võ Thị Dung brei panuac di var ginum biai

Dom halau janeng meng bruk ngak di drei, dalam thuyết giảng hu pandar giáo lý di Đức Phật, di chúa Giê Su, di Aluah (Thượng đế), pathau khan meng hatai jia piah ba tame dalam rai diuk, paglaong akaok saneng di mikva tui agama dalam bruk khik caga langik tasik, pacang khik baoh taneh. Dom baoh baha jak ba Phật tử takik am cuh  vàng mã, patrun bruk cuh nhang tuk tame baha kakuh Phật. Bhap bani Công giáo jak ba giáo dân takik pandar pandap nhựa, yaok adit peih bruk brei ka mikva giáo dân puh ramik labik daok di drei. Tapa langyah pato pakai, dom linh mục jak ba mikva pandar cai patak pataom, takik pandar dom pandap kan ralai lahik. Meng angan je di drei, dom mục sư Tin lành lingiu di thuyết giảng  daok hu pambuak haong mikva tui agama ba gauk ngak dahlau piah ngak kareih camin, jak ba bhap bani ba gauk khik caga môi trường, abih di nyu lac bruk jak ba oh parah hareik ban glai ban klo tui bruk ba tabiak di bal raya.

Brei thau ka jalan ngak di drei, Đại đức Thích Nguyên Chiếu, urang dang akaok Tu viện Kim Cang, xã Lê Minh Xuân, huyện Bình Chánh brei thau: dalam dom mbang thuyết pháp jeng hu kakei Phật tử tuk nao jalan mboh hareik ye dhul buh tame (dhung) thùng; parabha hareik hữu cơ saong vô cơ pak di labik. Langiu di nan, dom harei puac adit dom đại đức di Tu viện meda gam haong dom phật tử nao dhul pataom hareik di gah langiu jalan jeng yau di angaok dom kraong ribaong: “Pak palei khaol dahlak, mikva thei jeng abih hatai pachreih tui. Dahlau diah, Kênh A biak nerak tachauk, aia juk khit saong bak hareik. Min urak ini baoh ribaong ini biak siam paje! Khaol dahlak jeng jak ba mikva pala bingu di angaok takai kraong, hu mikva puk palei saong baoh sang Phật tử biak pachreih tui.”

Piah ka bruk khik ramik haci hacih hu jeng kadha bhian randap yaok harei, Linh mục Đinh Ngọc Lễ, Chánh xứ Giáo xứ Hà Nội, hạt Xóm Mới (quận Gò Vấp) brei thau: dom urang dang akaok dom xứ đạo, họ đạo, xóm đạo…hu nao tal yaok baoh sang piah tacei pato giáo dân buh hareik tame njauk labik, jalan neh rabha hareik; dom harei tabung glaong yau nao lễ Chủ nhật, Noel…hu urang dang tabiak kakei lac taong abih gauk juai parah hareik ban glai bal klo: “Tuk adei sa-ai giáo dân pataom mbaok, abih di nyu lac harei adit, ye dahlau di abih lac ngan haong anek naih, khaol dahlak pathram ka dom adei sit buh hareik tame dhung (thùng). Taphia di nan khaol dahlak ndom lac pak nhà thờ brei ka adei sa-ai giáo dân pathram ngak randap haong bruk oh parah hareik tabiak jalan, tame mbrong. Drei hu caik dom dhung hareik vin taom dhal nhà thờ, jaik di nan hu darak, piah ka urang pablei, manuac blei saong tuai damuai nao mai hu labik piah buh hareik, ngak brei ka jalan mbak hacih sa-at.”

Oh lac tok pathau khan jak ba mikva dalam agama, bo anak meta mboh lac, dom halau janeng jeng mboh hu dom kadha daok cuang kandah, ba tabiak dom jalan ngak piah peih ngak siam Chỉ thị 19 di bal raya HCM ka bruk oh parah hareik tabiak jalan, ribaong kraong, patrun aia dauk. Dalam nan hu rilo panuac lac biak njauk yau: patagok bruk taong phạt ka nyu catang; padang kapul pataom mek hareik; palaghaih ka mikva tuk nao sinh hoạt di labik công cộng ye hu labik buh hareik; sangka tal sarak brei ka urang ngak vệ sinh…

Giáo sư Lê Thị Đan, Phaok Akaok Ban đại diện Hội thánh Cao Đài – Ban chỉnh đạo di bal raya HCM ndom lac njauk hu jalan taong phạt biak catang ngan haong bruk bik ba-ar phát tờ rơi angaok jalan: “Bruk phat tờ rơi jeng yau bruk cuh vàng mã, khaol dahlak jak ba oh cuh vàng mã min tờ rơi laik bak angaok jalan, labik halei jeng mboh. Yau nan njauk hu biển pakauk saong xử lý catang, plaih bruk phat tờ rơi ngak brei ô nhiễm jalan mbak.”

Tui amuk Võ Thị Dung, Phaok Bí thư Thành ủy TPHCM, bruk hu mbaok di dom halau janeng, chức sắc dalam dom agama hu rik daong tame bruk paprong gul pataom taong abih bhap bani dalam bruk peih ngak danak dak patrun ô nhiễm môi trường di bal raya. Yaom lac oh ka pataom hu abih labaih 2,6 triệu urang tui dom agama angaok bal raya HCM min akaok mereip mboh hu dom salih bahrau biak siam: “Bruk ngak hu nan biak njauk pok meyaom. TPHCM ngan haong labaih 25% urang tui dom agama ye ini lac sa kadha pambuak bruk biak siam mekre. Meyah taong abih dom kapul nyaom thei jeng tame bruk, abih di nyu lac dom urang tui agama te mikva hu hatai jia, ngak bruk bo hatai jia pachreih tui nan lac kadha biak mbuan laghaih caik ka bhap bani bal raya, abih di nyu lac dom agama peih ngak siam bruk jak ba di khaol drei urak ini.”

Piah ka bhap bani saneng mboh ginup ka yaom glaOng di bruk pacang khik alam môi trường ngan haong rai diuk, cnjauk hu bruk ba tangin tame ngak di dom jabat, đơn vị, dom kapul nyaom, dom urang tui agama saong abih di byu lac bhap bani. Tuk yaok manuac sia ba gauk ngak ye danak dak patrun ô nhiễm môi trường di bal raya HCM meng hu salih bahrau./.

Urang lang: Thụy Sĩ -15/11