Du lich Hàm Thuận Nam hu tuk gaok kan kandah kayua tavak danak dak padang ngak cảng Kê Gà. Hadei di rilo thun oh ngak, thun 2013 Rajaei hu panuac brei padeih danakdak nan kayua oh kein lagaih. Dalam bruk tacei ba jalan cak rok du lich ka Hàm Thuận Nam jeng hu pambuak pagam tui jalan patagok dom labik dulich cao cấp saong patagok dom labaik bhap bini ngak dịch vụ du lịch.Tui nan, labik Hòn Lan patagok dom khu dulich cao cấp 4-5 patuk; labik Hải đăng Kê Gà patagok labik bhap bini daok gam ngak dịch vụ dulich; labik tapen tasik Thuận Qúy patagok dom resot, labik Suối Nhum patagok dịch vụ, dulich bhap bini.

Urak ini di huyện Hàm Thuận Nam hu 77 dự án du lịch ngan saong taneh praong labaih 754 ha, phun jien buh tame ngak abih tih 6.427 tỷ đồng. Dalam nan, 23 danak dak hu ba tame ngak bloh, 29 danak dak daok ngak saong jaik si ngak; 25 danak dak oh ka ngak saong birau brei quyết định buh jien tame ngak.

Langiu dom danak dak hu ba tame ngak atau daok peih ngak ye dalam huyen daok hu rilo danak dak oh ka ngak, ba tal palai payua jien padai taneh riya ngak dulich. Anak bruk nan, UB bhap bini tỉnh hu tacei pato Sở Kế hoạch saong Đầu tư dang tabiak ngak, kham brei pambuak bruk  haong dom sở, ngành saong puk palei, ngak bruk saong po đầu tư dom danak dak oh ka peih ngak piah sumu pasang iek, ba tabiak jalan langyah dom tavaik tavaiy, kan kandah piah jhul samar  tukvak peih ngak dom dự án; brei mek veik dom danak dak suai peih ngak bo oh hu hagait tavak praong. Tui nan,sở hu harak pathau khan UB bhap bini tỉnh bri mek veik 12 danak dak suai peih ngak di huyện. 

Piah ka du lich Hàm Thuận Nam patui jalan cak rok patagok khang kajap, bruk pataom tame buh jien padai padang ngak kết cấu hạ tầng, jalan mbak nao mai ba mbuan lagaih ka dom urang buh jien tame ngak veik jeng yau dom danak dak hu ba tame ngak lac bruk njauk ngak chip. Kayua Yau nan ye, di var ngak bruk saong urang pan akaok tỉnh Bình Thuận, Thủ tướng Nguyễn Xuân Phúc njauk hatai brei daong meneing phun jien meng kadung jien caga di Kế hoạch đầu tư công trung hạn thun 2016 – 2020 phun jien negar piah ngak danak dak jalan tapen tasik pakat negar tapa tỉnh Bình Thuận. Danak ngakhu ngak  birau jalan tapen tasik ĐT.719B meng Phan Thiết - Kê Gà saong danak dak peih praong jalan ĐT.719 meng Kê Gà - Tân Thiện.

  Tui Sở Giao thông Vận tải, urak ini, sở daok pambuak saong Sở Xây dựng, Sở Kế hoạch saong Đầu tư kuhria iek veik taong abih jien buh tame ngak dự án, phun jien glaong atau biar di dua danak dak saong jien to yaom quỹ taneh dua gah jalan  ĐT.719B piah likau UB bhap bini tỉnh pasang eik, tacei pato piah ngak salah hồ sơ liaku Trung ương daong phun jien. Hadei Mentri Kế hoạch saong Đầu tư brei panuac daong phun jien, sở likau UB bhap bini tỉnh pioah pathau khan ka HĐ bhap bini tỉnh tacei brei jalan buh phun jien tame saong peih ngak harak gal tui quy định./.