Haniem siam di  tangei prang

Đậu bắp ( tangei prang) lac sa janih njam mbang, hu tukvak cakrok katut, lagaih saong lingik tasik Viet Nam, meda pala hu luac thun, tui bhum taneh kol drei parabha bilan pala lagaih piah phun cakrok saong patagok siam, takik halak. Tangei prang daong pacang veik dom janih ruak kurang darah, me -ik saradang, hen suyễn, loãng xương saong caga ung thư. Dalam kadha “Urang iek ruak”,  kol dahlak hu kadha vak yaih khan ka haiem siam di tangei prang.

-Tangei prang hu takik calo saong rilo chat dinh duong, rilo phytonutrient, chất xơ, vitamin A, C saong folate. Nyu jeng hu rilo vitamin K, vitamin B, sắt, kali, kẽm, canxi, mangan saong magiê...siam ka pren yava. Abih di nyu nan lac, janih njam ini hu biak rilo janih pacang oxy hoá yau: lutein, xanthin saong beta-carotene. Nyu daong pasiam dom ruak ye: me-ik saradang, hen, kurang darah, ruak meta saong dom ruak karei.

Ala ini lac dom haniem siam di tangei prang:

-Kurang darah:

Mbang tangei prang, rup pabhap tamuh dom tế bào hồng cầu saong pacang caga kurang darah biak siam.

-Pacang ung thư:

Janih njam ini pacang hu oxy hóa daong patagok hệ miễn dịch. Nyu khik caga rup pabhap plaih dom gốc tự do saong pacang caga bruk đột biến di dom tế bào, kayua yau nan ye nyu meda pacang hu ung thư.

Suyễn

Janih ritak ini hu rilo Vitamin C saong dom janih pacang oxy hóa, rup pabhap trun takik dom mbang hen suyễn.

-Pacang caga loãng xương:

Tangei prang hu folate daong ngak brei talang khang kajap saong pacang caga loãng xương. Ini lac sa dalam dom haniem siam ka pren yava dang akaok di janih njam ini.

Cholesterol

Njam ini hu  xơ hòa tan ngak trun cholesterol jhak, meng di nan daong cakak chứng xơ vữa động mạch, pacang ruak tim.

-Aih khang:

Tangei prang hu hàm lượng chất xơ glaong saong dom janih ngak nhuận tràng daong tiêu hóa mbuan. Mbang janih njam ini yaok harei drei trun bruk mbuan ba tal ung thư pruac taha.

-Ruak me-ik saradang:

Janih njam ini tamuh insulin, daong patrun saradang dalam darah. Drei njauk mbang 6 tal 8 baoh njam yaok harei.

Hadah meta

Tangei prang pabak beta carotene, lutein saong xanthin siam ka meta. Nyu jeng daong pacang caga dom bruk dalam meta ye: đục thủy tinh thể saong paglaong nhãn áp./.