Haniem siam di tangei prang dalam raidiuk

          -Daong siam kalik, jangaih mbuk:

Vitamin C, K saong dom vitamin karei hu dalam tangei prang ngak jeng colagen saong sắc tố kalik daong meda kalik. Langiu di bruk pandar tangei prang yau sa pandap mbang, mikva jeng meda papat klik saong tauk tagok mbaok tangei prang  2 mbang dalam adit piah samal hu klik hadah saong mịn.

-Daong ka drei mboh trei:

Tangei prang hu chất xơ dreih yau baoh payen (baoh lanaong) yau nan ye meda daong ka mikva mboh trei suai jang. Tuk mbang tangei prang, mikva meda takik mbang tuk melam. Tapa nan, drei oh daok huac mbang rilo calo jang

-Hu takik calo:

Drei tuk halei jeng caong duah dom pandap mbang takik calo piah pabak tame var mbang di drei, nan ye njauk pilih ruah tangei prang. Yaom lac hu takik kalo, min nyu jeng daong ka drei trei tian, meng nan drei oh daok huac tagok kilo.

-Siam ka meta:

Chất dinh dưỡng di tangei prang yau vitamin C saong A nyu daong patrun bruk mbuan ba tal đục thủy tinh thể saong thoái hóa điểm vàng.

-Pasiam hatung hatian:

Sa roh duah meng Đại học Khoa học y Mazandaran brei mboh tangei prang meda ngak brei pasiam hatung hatian, ka akaok sahneng, biak siam ka dom urang daok gaok trầm cảm

-Pacang Caga ruak gan:

Sa roh duah thun 2011 brei mboh tangei prang meda pacang caga hu ruak gan meng hu chất caga oxy hóa dalam tangei prang.

-Daong ngak ka talang khang:

Meng vitamin K saong folate, tangei prang jeng pacang caga hu lihik talang saong caga ruak limin talang, racam talang./.

Thúy Linh