Dom palei Cham dok cag ngak har pei nung piah uan raok Ramuwan

Njauk di Harei ngak bruk siam di dunya – Good Deeds Day 2021 (11/04), biar harei kabroi, di Hà Nội, Mintri pato Megru, kapul dam dara CSHCM pakat negar, Kapul Chữ thập đỏ Việt Nam pakat negar, danak dak Hệ tri thức Việt số hoá pambuak gauk peih tabiak danak dak “Kadha caong khin brei ka adei”. Danak dak nan piah yaih khan, pambak tabiak saong ieu pataom jien padai daong ka bruk pato pakai di dom bhum kan kandah, bhum atah bayha, bhum bhap bini bangsa takik. Tui nan, dalam vaktu camereip danak dak pataom tame daong 6 kapul “kadha caong khin”. Nan lac daong padang ngak dom labik pato bac, sang công vụ, bilik bac ka dom sang bac dalam bhum  biak kan kandah; padang bahrau atau pasiam veik jaman, ngak jalan điện, ia hacih, daong var mbang jala ka anek saih bán trú piah pasiam bruk bac da-a, pabak pandap bac da-a ka anek saih, pandap pasram piah pakhang prein yava, rup pabhap ka anek saih…Urak ini hu jaik 2.000sang bac di 39 tỉnh tut angan daong angaok Cổng ngak pahal pakat negar, jaik 5.000 sang bac hu dữ liệu tut angan daong dom kadha caong khin.
         Harei 11/4/2021 (lac harei 29/8 saka islam), bhap bini Chăm Bà Ni daok di Bình Thuận ba gauk nao gur di urang Chăm atau daok ieu lac Động Đỏ (xã Phan Rí Thành, huyện Bắc Bình) piah ngak adat cambat rivang muk kay drei, peih akaok ka harei Ramưwan meng kan di urang Cam Awal daok di Bình Thuận. Harei rivang kubo ong muk kay lac sa adat cambat tanarakun di urang Cam Awal piah pahadar, thau dhar phol muk kay, ong kaok ong kar.

Kuhria tal mesup ini, VN hu 2.696 urang njom Covid-19, dalam nan hu abih tih 1.570 urang njom dalam taneh ia. Dom urang njom bahrau kuhria meng harei 27-1 tal urak ini, lac 910 urang. Abih tih dom menuac taom gaok jaik saong tame negar meng bhum hu jit daok hu tui iek prein yava, brei daok karei lac 37.938 urang. Pambuak tal bruk klauk jru vaccine Covid-19, kuhria tal biar harei 11-4, hu 58.418 urang lac urang jakar, urang y tế daok ngak bruk taong ruak ka urang ruak Covid-19, dom urang daok ngak bruk mek mẫu bệnh phẩm, dut iek, duah urang ruak, urang dalam mBan tacei pato pacang jit hu klauk vaccine Covid-19.
Tal tukvak ni, dom phường xã, ban sit di ban raya HCM hu ngak salah dom nyaom biai cử tri labik daok paih muk panuac saong hatai jia di cử tri yau haong urang hu pilih ruah dalam Quốc hội (ĐBQH) mbang XV saong HĐND dom pakat, tukvak 2021-2026. Abih tih 50 urang hu pilih ruah ngak ĐBQH, 169 urang lambuak HĐND TPHCM, 12 urang pilih ruah di dom tỉnh ban karei hu labik daok di ban raya HCM, gam haong rilo urang pilih ruah HĐND dom pakat di TPHCM, hu cử tri cbrei panuac saong biểu quyết pachreih tui. Dahlau di nan, tui jalan ba tabiak, dom jabat, kapul lac labik hu urang pilih ruah ngak bruk jeng hu peih mbang ginum biai labik ngak bruk saong labik daok lac sa bruk hu makna praong dalam bruk dân chủ piah ka cử tri “pilih mbaok payua ameh” ka manuac naih joi.

Anh hu peih dom bruk pahadar Thân vương Philip, urang birau metai di umo 99 thun – lac pasang di Nữ hoàng Elizabeth II saong lac sa dalam dom urang dalam Hoàng gia Anh hu rilo urang anit ranam. Dom jabat di rajaei, viện roh duah, jabat ngak bruk…di London hu tuan “cờ rũ” tal harei ngak ndam di Thân vương.Rilo bhap bini Anh jeng hu nao tal Điện Buckingham saong Lâu đài Windsor piah caik bingu pahadar. 

Campuchia brei kreik pabah mbang dom labik du lịch hấp chrteih chrai abih dalam negar ini, lac Ăng-co-vát dalam 2 adit piah pasang iek jit Covid-19. Bruk kreik pabah mbang labik hu angan di dunya ini, lac jalan ngak bahrau di abih dalam dom jalan ngak bo Campuchia brei ngak hadei di tuk dom menuac njom Covid-19 tagok rilo meng bilan 2. Jabat khik iek Ăng-co-vát (Apsara) brei thau, bruk padeih raok tuai, lac tuai dalam taneh ia saong tuai dunya tal harei 20-4 lac bruk njauk ngak piah pacang jit. Thun 2019,  Ăng-co-vát di tỉnh Xiêm Riệp pachreih hu 2,2 triệu tuai negar lingiu, min thun blaoh, bruk du lịch di pak ini gaok kan kandah trak kayua jit Covid-19./.

Urang lang: Thu Thảo -Mousaphuong- 12/4