Danak dak roh duah vaccine jit tả pabui châu Phi urak ni hu siam lagaih song samar ba tame ngak tabiak, pablei salih

Hadei di sa harei meteh ngak bruk, mesup 17/1, Nyaom biai mbang ka 15 mBan CHTW hu tamat blaoh, ngak hu taong abih asal kadha ba tabiak. Di nyaom biai mbang ini, mBan CHTW hu brei tapa angan menuac mbang camereip hu ba tame mBan CHTW mbang XIII, pabak dom urang lac menuac dalam TW mbang XII hu ba angan tabiak piah pilih ruah tame mbang XIII saong dom urang mbang camereip lac bruk “biak karei” tame ngak UV TW chính thức; brei tapa angan urang lac UV Bộ Chính trị mbang XII lac bruk “biak karei” hu ba angan tabiak piah pilih ruah tame mbang XIII saong angan dom urang hu ba tame pan dom bruk praong abih di Đảng saong Karja tukvak mbang XIII ngan saong dom phiếu hu buh brei biak rilo. Brei panuac tamat nyaom biai, TBT – akaok negar Nguyễn Phú Trọng ndom lac, bruk caga ka nyaom roya mbang XIII di Đảng meda lac hu ngak salah bruk tui jalan ba tabiak.

Dalam tuk chreih chrai uan raok nyaom roya pakat negar mbang ka XIII di Đảng; pahadar 91 thun harei padang Đảng Cộng sản Việt Nam, 90 thun harei padang kapul dam dara Cộng sản Hồ Chí Minh (26/3/1931 - 26/3/2021), harei 17/1, Thành đoàn ban raya Hồ Chí Minh peih bruk “Xuân halan hatain” mbang ka 13 thun 2021.Bruk ini hu mbaok labaih 2.000 urang đoàn, dam dara, sinh viên lambaok ka labaih 31.000 urang Xuân halan hatain dok di ban raya Thun ni, bruk nan rah tabiak meng harei 17/1/2021 tal harei 9/2/2021. Labik peih bruk rilo meng lac di dom sang iek ruak, mái ấm, dom sang bac chuyên biệt, dom labik xã hội dok di ban raya Hồ Chí Minh; dom ký túc xá, labiik dok di sinh viên, labik dok di urang ngak, dom mblang radeih , drak pasa, labik hu rilo bhap bini dok song dom labik gaok kan kandah kayua bala meng langik tasik, ia ndik ia sua dalam thun 2020…  

Mintri jalan mbak pajeng ba brei thau, bruk padang ngak jalan nduac samar Biên Hòa - Vũng Tàu hu pabak tame danak dak di karja tukvak mbiah dalam vaktu 2021-2025. Dalam nan phun jien di kadung jien karja brei ka danak dak tapa Mintri jalan mbak pajeng ba tui kuhria lac 6.770 tỷ đồng.

Thứ trưởng imntri ngak nong song patagok palei pala Phùng Đức Tiến khan lac, danka dak roh duah vaccine jit tả pabui châu Phi urak ni hu siam lagaih song samar ba tame ngak tabiak, pablei salih. Ni lac bruk bui sambai oh lac ka gah rong glang Việt Nam song rai duik di labaih 2,5 triệu boh sang rong glang bo dok ka drak pasa rilaow dalam negar. Tui Cục rong glang, urak nitong abih tapon pabui dalam negar hu pasiam veik labaih 85% dut song dahlau di tuk jit tả pabui châu Phi rah tabiak, hu labaih 27 triệu drei. Tui kuhria meng ni tal Tết Nguyên đán 2021, bruk pablei salih pandap panda rong glang (abih di nyu nan lac ralaow, boh) meda tagok 5%-10% song meng dom tapol yau urak ni , thun ni oh kurang rilaow

Kurang menuac paik café yaom lac yaom pah tal 300 rabau đồng/ sa harei. Nan lac panuac khan ka bruk pah menuac paik café bo png Đỗ Hà Nam – Phaoak akaok kapul café ca cao Việt Nam brei thau dalam nyaom biai pataom iek veik bilan café thun 2019/2020. Sa doanh nhân gah café di Tây Nguyên brei thau, meyah kuhria kg that, ye piah paih 1 kg café that, yaom pah urak ini tagok tal 1.250 đồng, hu labik tagok tal 1.500 đồng/kg, lac yaom biak glaong duk saong dahlau daih. Makna di bruk kurang menuac pah paik café lac kayua anek kamuan di dom sang pala café hadei di tuk nao bac ye rilo meng daok di ban praong ngak bruk, takik mai palei. Dalam tuk nan, menuac pah piah tui bilan ye dak harei dak takik kayua urang daok hu dom bruk karei piah ngak.

Ai Cập harei kabroi hu brei thau yaok pluh bruk duah mboh bahrau hu kuac raok di sa labik roh duah Saqqara, gah merong ban ine Cai-rô. Bruk duah mboh bahrau di abih ni jiak Kim tự tháp di Patao Teti 22 lubang kubo di gah dalam dom paaop caik atau song rup atau. Dalam nan hu 54 paaop caik atau song dom pandap panda siam gheih yau kapak di sa urang lin. Langiu di nan nyaom duah thau jeng duah mboh dom rup patau prong song pandap main di urang Ai Cập klaak. Dom duah thau ni hu mong lac meda "vak veik dak rai " di taneh kubo Saqqara, abih di nyu nan lac dak rai di saman Tân Vương quốc, hu meng labaih 3 ribau thun dahlau”.

Tui hãng tin Bloomberg, dom menuac metai hadei di tuk klauk vaccine caga Covid-19 di Na Uy tagok tal 29 urang. Bruk ini ngak brei patagok dom suh sah ka salamat di vaccine ngan saong urang taha praong thun, urang hu ruak trak dalam rup. Karja Na Uy brei patrun umo mbuan gaok kan kandah tuk klauk vaccine trun daok 75 thun, oh daok lac umo 80 thun. Tui gah y tế negar ini, dom menuac metai kayua dom kadha karei ba tal hadei di klauk vaccine lac pandiak, taglaoh ta-ok, ngak brei urang ruak takik prein yava mertai. Dom urang lavang lavaih, prein yava oh daok khang kadang, jeng mbuan gaok kan kandah trak hadei di tuk klauk vaccine.

Tui Tân Hoa xã, 12 jieng raok njauk gar dalam mbang patuh ngak jaleih sa lubang meh di tỉnh Sơn Đông (gah pai Trung Quốc) atah di ni sa adit dok duik. Mbang patuh rah tabiak mon 14 harei 10/1 (tui tuk vak pak ni) di sa lubang meh ban sit Xicheng, ban Yantai. Labik patuh nan atah di jalan tame lubang labaih 240 mét dalam tuk di tuk vak nan ở 22 jieng raok dok ngak bruk atah di nan labaih 600 mét. Meng di tuk rah tabiak bala, urang jakar Trung Quốc hu ba gah dong duah tal pak nan piah dong ka dom urang dok gar veik. Akaok beir harei 17/1, hadei di tuk kuac sa jalan nding nyaom dong duah paoh tame jalan nding song taduan hu panuac preo. Meng haedei di nan gah dong duah hu ba 12 urang tagok meng ròng rọc. Urak ni pren yava di 10 oh ka siam veik./.

Urang lang: M. Phương - Hani Pha - 18/01/2021