Patagok khik ramik pabak tapuk siphau saong harak tài liệu bac dalam dom sang bac, pasak pato bac phổ thông

Harei 7-9, di tuk pahadar  50 thun harei peih danak dak papar binguk camereip abih, Phó akaok negar  Đặng Thị Ngọc Thịnh lambaok  Đảng, karja jao  Huân chương Lao động hạng nhất brei rayo papar binguk Việt Nam (THVN). Harei  07/9/1970, meng sa balik  di rayo sap ndom Việt Nam, tín hiệu thaot binguk camereip hu par tagok, brei mboh bruk tabiak rai di gah papar binguk  Việt Nam. Rayo papar binguk Việt Nam tabiak rai dalam labik di rayo sap ndom VN, papar binguk di labik  58 Quán Sứ song gieng  ăng-ten glong 59m. Meng nan,  báo chí negar drei hu sa janih bahrau lac Báo hình lac janih biak lagaih di tuk nan oh hu hagait du samu. Brei panuac di tuk pahadar, Phó akaok negar brei mboh hatai jia lac meng hatung hatian abih drei ka bruk ngak, sami samar hadah krah , Rayo papar binguk VN tuk halei jeng BA akaok nao dahlau gah jalan sahneng, ilamu  song jabat pathau khan jalan ngak njauk caik hatai jia di  Đảng song karja ; dong pato pakai, paglong ilamu, pabak mbang ngui daok dang di bhap bini.

Thứ trưởng Mentri Pato megru Nguyễn Hữu Độ birau mbaoh tangin tame harak payua Yam ndoc dom Sở Pato megru brei patagok khik ramik pabak tapuk siphau saong harak tài liệu bac dalam dom sang bac, pasak pato bac phổ thông. Mentri iew oh pandar anek saih blei tapuk siphau bac tham khảo; amaik ame, anek saih blei tui bruk bac di nyu saong oh pacap blei; dom sang bac phổ thông brei pabak sumu, ginup khaw tin ka tài liệu tham khảo pandar di sang bac piah anek saih, amaik ame thau piah palih ruak njauk. Mentri Pato megru caong khin Sở Pato megru brei pasang iek, duah thau sang bac phổ thông dalam bruk pabak tapuk siphau saong tapuk tham khảo, samar thau saong langyah dom urang ngak suan. 

Rilo bruk ngak mbang, dalam nan hu quán bar, vũ trường di ban raya  HCM  hu brei adat peih veik di melam  7/9. Phó Chủ tịch Thường trực Ubbhap bini ban raya  HCM Lê Thanh Liêm brei thau, brei adat peih veik min brei khik kajap bruk caga pacang caga jit tui tacei pato di gah  y tế. Hu panuac kakei dom gah chức năng patagok bruk pasang iek pacang caga jit di dom labik ngak mbang dom bruk nan di ban raya. Njauk padang kapul hu mbaok di rilo gah piah tui iek duah thau  piah khik caga siam di abih bruk pacang caga jit  ruak Covid-19.

Phan Hòa lac xã hu rilo bhap bini bangsa Cam di huyện Bắc Bình, tỉnh Bình Thuận. Dom thun dahlau diah, Sang bac tiểu học Phan Hòa 2 di palei Aia Memih (Bình Minh), ralo bhap bini, sang bac, tal bac ralo lac pakat 4 tayak tayaic kayau ngak meng lavik mai. Anak bruk nan, puac thun 2011 Sở KH-ĐT hu mbaoh tangin tame harak pathau khan kinh tế - kỹ thuật buh jien tame padang ngak Sang bac tiểu học Phan Hòa 2, xã Phan Hòa ngan saong phun jien labaih 13 tỷ 625 triệu đồng. Thun bac 2018 -2019, Sang bac tiểu học Phan Hòa 2 hu ngak siam dom duk bilik bac tui tanut chuan. Meng hu sang bac  birau padang ngak praong yau nan ye, gru, anek saih saong amaik ame bui sambai, hu lagaih tame dom bruk jak ba di Jabat patao megru peih ngak.

Viện KSND ban raya HCM hu ngak salah cáo trạng, PAYUA hồ sơ vụ quán Phở Hòa (di jalan Pasteur, quận 3, TPHCM) njauk “khủng bố” ndok sre meng sơn, mesin hadang. Dom urang nan lac Phạm Phong Phú (ndik tapui 1972), Khương Đình Đồng (ndik tapui  1991) song  3 urang njauk truy tố ka duas meblah mek drap ar; Trần Anh Tuấn (anek metau di po quán Phở Hòa) njauk ka duas ngak ja  con dấu, harak tài liệu di jabat, kapul nyaom.

Dom vaccin Covid-19 Spút-ních Vê hu ngak tabiak camereip hu pandar dalam negar saong caga ka dom urang mbuan njom ruak glong di Nga lac dom bác sĩ, gru pato jaik hu brei klauk jru caga ruak. Dahlau di nan, harei 5/9 meng blaoh, Nga brei thau bruk ngak iek vaccin Sputnik V vaktu ka 1saong 2 di angaok tạp chí lavik rai saong hu angan je di Anh, lac blah Giơ Lan-xít, dalam nan hu dom bruk brei mboh cambaic laic ka taong abih dom urang halan hatian hu prein khang pacang ruak Covid-19. Oh mboh ruak hagait karei ngan saong dom urang hu klauk vaccin. Meda brei thau tukvak ngak iek vaccin mbang ka 3 di bilan 10 anak tal.

Rajaei Japon harei ni (8/09) brei adat buh tabiak labaih 671 tỷ Yên (tsamu labaih  6,32 tỷ đô la Mỹ) meng kadung jien khik caga bruk samar drah di karja piah blei vắc-xin Covid-19 meng negar lingiu tame ginup pabak ka bhap bini. Pok jien nan hu pandar rilo piah blei meng negar lingiu tame rilo vắc-xin meng  Nga song Trung Quốc, khik ginup vắc-xin piah pandar song khik piah di kreik thun hadei. Rajaei Japon ndom lac bruk klauk jru  vắc-xin Covid-19 di negar ni hu peih ngak brei saoh, pachreih tong abih bhap bini hu mbaok tame klauk. Taphia di nan, pok jien bahrau brei tapa jeng hu pandar piah dong ka bruk duah thau song ngak tabiak vắc-xin dalam negar

Kapul Hu-thi di Yemen brei thau, brei padeih taong abih mbang par di kapal haok  di Liên Hợp Quốc saong dom mbang par nao ngak pah hala tal ban ine  Xa-na meng harei paguh (9/9), kayua Yemen daok kurang xăng menyek biak khang. Mneg thun 2014, gah Hu –thi meblah ban ine Xa –na saong rilo ban praong di Yemen, hadei di tuk pajaleik karja hu dunya taduan. Meng nan, Kapul ini daok khik iek bhum langik di Yemen. Bruk brei padeih dom mbang par di kapal haok  ngak pahala tal Xa-na hu ba tabiak dalam tuk Yemen dang anak dom bruk kan kandah. Ini meda lac bruk ngak pamaong tal bruk kateik  gah bruk bol lin di Liên quân Arập daok si cagar veik Hu –thi./.

Urang lang: Hani Pha – Ái Nghiêm – 08/09 15:54:25