Rilo jalan mbak di Hải Duong oh hu urang halei nao mai 

Harei ini 1/4 lac harei tỉnh Hải Dương padeih bruk  pacang cakak abih dalam tỉnh, salih tapa yau bhian harei dalam tukvak birau. Bhap bini hu gilac veik saong bruk ngak mbang, pala drak, langiu di dom gah dịch vụ pablei salih oh njauk pandar yaok harei brei padeih. Dom nhà hàng, kuan mbang pablei mbang di labik, min njauk brei ngak tui dom jalan pacang caga ruak saong mbaoh tangin saong karja palei meng brei peih ngak gilac. Jeng meng harei ini 1/4, anek saih dom pakat bac dalam tỉnh Hải Dương nao bac gilac veik. Hải Dương patui bruk pakhang, brei ngak tui saong paglaong  bruk ngak hu siam di dom Kapol pasang iek Covid-19 di bhap bini saong Kapol khik salamat pacang Covid-19 dalam dom jabat, đơn vị, doanh nghiệp…

Pambuak tal bruk vaccine pacang COVID-19 di Việt Nam, di mbang họp báo rajaei yaok bialn beir harei 31/3, Akaok Mintri, akaok jabat rajaei Mai Tiến Dũng brei thau: Gahh y tế dok peih ngak siam bruk blei vaccine meng negar lingiu, tal urak ni blei hu 117.600 mbang, klauk ka jiak 50.000 urang; saong daok blei tame 1,37 triệu mbang dalam tuk vak anak tal; bruk roh duah vaccine dalam negar jeng hu jhul khang.

Harei 31/3, di pabah mbang negar pakat dunya Mộc Bài (Tây Ninh), lambaok Đại sứ quán Viet Nam di Campuchia pambuak saong Cục Pasang iek saong ngak tui hukum, Tổng cục Di trú, Mentri Nội vụ Campuchia saong Đồn biên phòng pabah negar dunya Mộc Bài jao brei saong taduan 12 urang Viet Nam dalam nan hu uranaih kumei umo 2 thun veik mai negar. Hu thau, 12 urang Việt ini lac menuac dalam sa baoh sang, tapa ngak bruk di Campuchia. Hadei tuk ruak Covid-19 , dom urang nan hu jabat Y tế Campuchia taong ruak saong birau hu mai sang. Tui kuhria dahlau adit anak tal, Đại sứ quán Viet Nam di Campuchia pambuak saong negar ini brei daong ba dom urang Viet Nam hu taong dhit ruak Covid-19 blaoh daok veik mai negar tui njauk bruk ba tabiak di hukum negar Campuchia saong Viet Nam.

Meng harei ni, thẻ bảo hiểm y tế  hu salih karei, atah 85,6 mm, gar 53,98 mm, sit yeu thẻ ATM, dalam tuk thẻ klaak atah 98mmm, gar 66 mm. Thẻ bahrau hu in plastic, salih ka baar  yau urak ni. Mã số thẻ hu 10 chữ số. Mbaok gah likuk tacei pato pasang iek yaom jien iek ruak, khaw tin thẻ song dom tangi sua pambuak pagam song Bảo hiểm xã hội tỉnh, huyện ngak thẻ atau Tổng đài 19009068, khaw tin ni mẫu thẻ dahlau deih oh hu. Bảo hiểm xã hội dom tỉnh hu brei thẻ tui mẫu bahrau tuk pandar abih phôi thẻ klaak, oh salih mẫu bahrau meyah thẻ klaak dok vaktu pandar.

Page ini, Balai thu phí jalan raya Hà Nội, TPHCM brei mek jien gilac veik ngan saong radaih ô tô piah bayar phun jien buh tame peih praong jalan raya Hà Nội saong jalan raya 1. Yaom ve meng 25.000 -140.000 đồng sa vé tui radaih praong atau sit. Yaom lac, gah buh jien tame ngak jalan hu peih 8 jalan piah kak jien tự động oh padeih min ralo dom radaih tapa balai daok blei harak vé ngak gar jalan di gah timur Ban raya page ini meng canah pak RMK tal tatua Rạch Chiếc. Tui gah buh jien tame ngak jalan, meng 4 jalan radaih, danak dak peih praong mbaok jalan raya Ha Noi tagok meng 12 tal 16 jalan radaih ngan saong phun jien buh tame ngak labaih 4.905 tỷ đồng, hu ba tame pandar  meng thun 2012, tukvak mek veik pabak phun jien buh tame ngak lac 17 thun 9 bilan.

Tui panuac khan hu ba tagok angaok angaok  rayo papar binguk karja MRTV, bol bala Myanmar ieu dom nyaom pan phao ndao bangsa khik kajap sron mbon saong bol bala eng drei brei padeih cuh meng harei 1/4 tal harei 30/4. Bruk nan hu batabiak dalam tuk rah tabiak dom bruk mesruh gauk di bol bala Myanmar song takik di abih 2 nyaom bangsa takik hu phao ndao di jalan tapen negar.. Min, bruk padeih cuh ni oh pandar song dom urang ngak srau kadau an ninh trật tự song bruk khik ramik di rajaei, hu mong lac ndom tal dom bruk trun jalan cagar veik karja.

Trung Quốc daok cagar veik dom hukum taong phạt pamaong tame Mi-an-ma (Myanmar) saong ndom lac bruk ini ngak brei kandah gauk trak jang, patagok bruk pagar gauk saong oh pabak siam ka gauk. Langiu di khik tamo bruk cagar veik bruk taong phạt Myanmar, Đại sứ Trương Quân, Akok kapol Trung Quốc di Liên Hợp Quốc  jeng iew taneh ia ini brei khik siam ka bhap bini saong doanh nghiep negar langiu hadei di tuk yaok pluh sang mac kayua Trung Quoc buh jien tame ngak mbang njauk paui khuah palai pajua.

Bier harei kabroi (tui tuk vak Mỹ), sa mbang cuh phao rah tabiak di  quận Cam, bang California, Mỹ ngak brei takik di abih  4 urang metai song 2 urang karei njauk rambuac, dalam nan hu urang medhi lac menauc cuh phao .Urak ni bruk nan daok pasang iek hu, oh dok ngak kan kandah hagait ka bhap bini taom dar labik rah tabiak bruk nan. Dom urang njauk rambuac hu ba tal sang iek ruak jiak di abih piah cấp cứu. Makna ka bruk cuh phao dok hu pasang iek ngak brei cambaih laih./.

Urang lang : Hanipha- Ái Nghiêm- 1/4