Akok Quoc hoi Vương Đình Huệ brei panuac di var nyaom biai

Page ini, UBTV Quoc hoi peih mbang nyaom ka 57. Ndem ka harak pathau khan pataom iek veik camereip bruk palih ruah urang ka QH mbang 15 saong urang ka HĐ bhap bini dom pakat vaktu 2021 -2026, dom urang lambaok taong yaom, mbang akok meti dalam dom vaktu QH tapa, urang QH ngak bruk chuyen trách hu gam tame glaong, sumu 38% kuhria taong abih urang QH. Abih di nyu, mbang akok meti dalam dom mbang QH, urang hu pilih ruah tame QH lac urang bangsa takik hu 17%, glaong abih kuhria meng dahlau mai ini saong jeng lac mbang akok meti dalam 75 thun tapa, hu 2 bangsa biak takik manuac nan lac bangsa Lự saong bangsa Brâu hu urang tame Quoc hoi.

Jala pandiak ni (14/6), mintri Y tế brei thau, dalam 6 mon tapa, dalam negar drei hu 100 urang njom bahrau Covid-19, lac di Bắc Giang (69), TPHCM (26), Hà Nội (4), Hà Tĩnh (1); dalam nan 94 urang hu mboh di dalam labik daok karei atau labik pacang veik. Kuhria tal mon 12 harei 14/6, Việt Nam hu abih tih 9.093 urang mboh dalam taneh ia saong 1.637 urang tame negar; dom urang njom bahrau kuhria meng harei 27/4 tal urak ni lac 7.523 urang. Hu 22 tỉnh tapa 14 harei oh mboh urang njom bahrau. 

Brei panuac tamat mbang nyaom di Mban tacei jalan pacang caga Covid-19 di Ban raya HCM page ini 14/6, Akok UB bhap bini Ban raya Nguyễn Thành Phong ba tabiak bruk brei pa-atah di gauk dalam ban raya tui Sarak 15 di Thu tuong Rajaei 2 adit tra. Tui yaok pataom, meng harei 18/5 tal harei 13/6, Ban raya HCM hu 821 uang njom Covid-19; jit ruak njom pambak praong  tal abih 22 quận, huyện saong Ban Thủ Đức. Urang ngak praong di Ban raya  brei panuac ieu, kakei dom quận, huyen saong Ban Thủ Đức patagok bruk pasang iek, langyah catang dom bruk oh ngak tui jalan pacang caga jit. 

Sang iek ruak Bệnh Nhiệt đới TP.HCM brei thau hu gac 2 urang ngak gah y tế saong 7 urang gauk gar dut iek mboh dương tính SARS-CoV-2. Yau nan, sruh njom mbak ni, tal urak ni hu 67 urang. Dom urang dương tính urak ni daok brei daok karei piah taong ruak di bilik Njaom ruak A-D, oh mboh hagait karei dalam rup. Urak ni daok hu 126 urang Covid-19 daok taong ruak di sang iek ruak Bệnh Nhiệt đới TP.HCM, dalam nan hu 18 urang ruak trak. Sang iek ruak ni daok hu pacang veik dalam 1 adit, padeih taduan urang ruak Covid-19.

Urang ngak praong pan akaok Cục An ninh mạng saong pacang caga  tội phạm pandar công nghệ glaong (A05), Mentri Công an brei thau, dom gah nghiệp vụ daok  pasang iek, duah thau, ngak brei cambaic laic nyaom manuac ngak khut Mbao điện tử VOV. Dahlau di nan, urang ngak praong di Mentri Thông tin saong Truyền thông hu tacei pato Viettel saong VNPT samar ngak pasiam bruk Báo điện tử VOV khut. Harei 12/6, Báo điện tử VOV di  rayo sap ndem Việt Nam hu ba dua kadha vak pambak tal bruk amuk Nguyễn Phương Hằng lac diuk di ong  Huỳnh Uy Dũng, po labik du lịch Đại Nam, hadei di nan chip, dom urang njauk yau pachut, padang dom tài khoản ảo piah tame ngak khut rilo gah di Báo điện tử VOV. Kuhria tal biar harei 13/6, Báo điện tử VOV meng peih hu veik.

Harei ni (14/6), gah không quân Mỹ saong Indonesia hu peih bruk pasram mesuh haong gauk hu angan ieu lac “Baoh daning gah ia harei trun 2021” di sa labik không quân di Indonesia. Bruk pasram mesuh haong gauk nan hu mbaok di 6 sruh kapal haoh mesuk F-16 di Mỹ saong dom sruh kapal haoh di không quân Indonesia. Langiu di bruk pabak, klah rabha ilamo, bruk pasram ini hu peih tabiak piah patagok bruk pambuak gauk gah quân sự di 2 taneh ia. Bruk pasram mesuh hu dui atah dalam 2 adit saong ngak catang gah y te ka pacang caga jit Covid-19.

Hadei di dua thun klaih klaoh kayua jit ruak praong Covid-19, nyaom biai pakat glaong dom taneh ia ngak kong patagok G7 hu peih tabiak di Anh dalam 3 harei, meng harei 11 tal harei 13/6. Hu 3 bruk praong ba tabiak hadei di tuk nyaom biai tamat, nan lac pasang iek jit ruak Covid-19 meng halei mai, parabha vaccine saong bruk ngak kayua bien đoi khi hau. Dom taneh ia G7 hu njauk gauk  ka bruk Trung Quốc, iew Trung Quốc iek praong quyền anek manuac saong dom quyền tự do cơ bản, abih di nyu lac bruk pambuak tal Tân Cương saong Hong Kong.

Italy pasang iek, brei ngak bruk padang sa jabat an ninh mạng hadei di tuk Thủ tướng Mario Draghi brei thau makna praong njauk padang chip jabat ni piah daong khik kein laba di taneh ia, jang yau bruk pasiam veik dom dịch vụ saong chức năng thiết yếu di taneh ia anak bruk taong tame mạng. Pathau khan di kapul Clusit di Italy ka bruk daong khik khau tin brei mboh, tội phạm mạng di negar ni tagok 12% di thun 2020, dalam nan dom urang hu duas ngak gián điệp saong palai pajoa tagok 30%./.

Urang lang: THU THAO –A.NGHIEM