Tổng Bí thư Nguyễn Phú Trọng dang kaok nyaom biai

Harei ini 24/11, Nyaom biai Ilamu pakat negar peih ngak sarak Nyaom roya XIII di Đảng peih tabiak di Hà Nội. Tổng Bí thư Nguyễn Phú Trọng dang kaok nyaom biai saong hu mbaok di 600 urang lambaok ka dom mentri, dom gah, urang nghe si saong lambaok ka dom kapol nyaom chinh tri - xa hoi dalam negar. Nyaom biai piah taong yaom bruk peih ngak jalan tacei ba, dom sarak, panuac tacei tabiak di Đảng ka bruk ilamu, văn nghệ tukvak tapa; bruk padang ngak ilamu, anek manuac Viet Nam hadei di 35 thun peih bruk salih birau taneh ia saong ba tabiak jalan ngak, bruk ngak praong ka bruk ilamu, văn nghệ dalam vaktu 2021 -2026, pamaong tal thun 2045. Nyaom biai jeng lac var piah pang saong lac piah pachreih dom urang ilamu, trí thức, văn nghệ sỹ brei patagok jalan sahaneng jum pataom, njauk gauk sa jalan sahaneng, bruk ngak.

Akaok Đại hội đồng UNESCO hu taih kapak brei tapa sarak, tui nan UNESCO hu gam pok meyaom saong hu mbaok tame pahadar thun ndih tapui song harei lahik di 2 urang cuak ariya Việt Nam lac Hồ Xuân Hương song Nguyễn Đình Chiểu. Ủy ban pakat negar UNESCO Việt Nam tong yaom, bruk brei tapa sarak gam haong pahadar harei ndih tapui song harei lahik di danh nhân Nguyễn Đình Chiểu song urang kamei cuak ariya Hồ Xuân Hương mbang ni brei mboh bruk tong yaom glong di dunya ka dom yaom glaong gah ilamu, pato pakai di Việt Nam, jang yau rik dong yaik khan ka dom jalan patagok bebas tự do, samu gauk song abih di nyu lac samu gauk dalam pato pakai ka tong abih menuac sia bo UNESCO dok jhul patagok.

Tui khaw tin meng Mentri Y tế, urak hu 3 doanh nghiep jru dalam taneh ia daok hu jalan ngak saong daok tame bruk ngak tabiak jru pacang virus Molnupiravir nan lac jru hu pandar piah taong ruak Covid-19 hanjol saong oh mboh ruak hagait. Kayua dalam negar oh ka hu jru Molnupiravir hu brei số tut angan brei ba tabiak pandar yau nan ye Mentri Y tế daok pok panuac tagok Rajaei brei số tut angan ba tabiak pandar jru pacang virus nan dalam tuk pacang caga jit samar drah. Dahlau di nan, puac bilan 8/2021, Mentri Y te peih danak dak ngak iek taong ruak hu pasang iek jru Molnupiravir ka dom urang njom ruak COVID-19 hajhol saong oh mboh ruak di sang.

Dom urang njom Covid-19 di tỉnh Bà Rịa Vũng Tàu dok tagok khang, dalam harei kabroi, hu 709 urang njom bahrau, dalam nan hu 412 urang njom langiu bhap bini. Anak bruk kan kandah di jit ruak, tỉnh Bà Rịa – Vũng Tàu hu panuac ieu bhap bini, doanh nghiệp, dom puk palei jhui iek lap, min biak sami samar, bình tĩnh peih ngak khang bruk pacang caga jit COVID-19. Jang yau hu panuac kakei doanh nghiệp test samar COVID-19 ka urang ngak tui định kỳ, doanh nghiệp gam hu bruk pacang caga gam peih pabah mbang, pih patagok kinh tế min jeng brei palagaih.

Melam 23/11, bala rah tabiak di radaih otô 16 gaiy saong radaih container angaok jalan cao toc TPHCM – Long Thành – Dầu Giây ngak brei 5 urang njauk rambuac. Tapa duah thau mboh lac, urang peih radaih angan N.T.T. peih radaih ô tô 16 gaiy bien so BKS 72B - 033.14 peih angaok jalan cao tốc meng Ban raya HCM nao huyện Long Thành. Tuk radaih peih tal xã An Phước, huyện Long Thành, tỉnh Đồng Nai ginuh tame radaih container katung rơ-moc. Bala ngak brei urang peih radaih ôtô 16 gaiy daok metai saong 4 urang njauk rambuac , dalam nan hu 2 urang njauk rambuac trak hu ba tame sang iek ruak Long Thành. Kayua dom radaih khut padeih kreh jalan yau nan ye gar tavak jalan. Thau bruk bala nan, C08 ( Mentri Công an) saong dom đơn vị pambuak tal hu mbaok, brei pacang jalan, pasang iek ngak brei cambaic laic bala nan.

Dom kham merat ngoại giao di Ba Lan hu jak jeng dalam bruk pacang hu menuac urang di cư tuh tame Bê-la-rút song cong khin tame Liên minh Châu Âu. Min Thủ tướng Ba Lan Ma-tê-ớt Mô-ra-uých-ki ndom lac, bruk srau kadau urang di cư di jalan tapen negar oh ka samar padeih. Dalam rilo bilan tapa, dom taneh ia châu Âu hu panuac lac Bê-la-rút “padang tabiak” bruk srau kadau urang di cư meng bruk ba urang di cư mai meng Trung Đông song kateik greik dom urang nan duah jalan nao suan hukum tame Liên minh châu Âu. 

Dalam kham merat ngak brei trun yaom xang menyek daok tagok khang dalam tukvak tapa, Tổng thống Mỹ brei buh tabiak 50 trieu thùng menyek meng gilang khik piah suai lavik di negar. Dahlau di nan, Nhà Trắng brei thau bruk ba tabiak yaok trieu thùng menyek meng gilang khik piah suai lavik, tapa bruk pambuak haong Trung Quốc, Ấn Độ, Hàn Quốc, Nhật Bản saong Anh piah trun yaom xăng menyek, hadei tuk dom gah ngak tabiak di nyaom OPEC + gam gam brei tapa panuac iew brei parilo menyek tamo. Nhà Trắng brei thau Tổng thống Mỹ brei pandar abih quyền di drei piah pambuak saong dunya piah khik tani tanat bruk pabak tuk bruk kinh te hu pasiam veik meng jit praong Covid-19.

Jabat gah Y tế dunya (WHO) di châu Âu kuhria mboh dahlau lac labik ni meda hu 700.000 urang metai kayua COVID-19 di bilan xuân tal. WHO brei thau mboh hu bruk trun prein pacang caga COVID-19 anak bruk njom mbak ruak, kayua yau nan ye dom taneh ia châu Âu brei peih ngak dahlau bruk klauk pabak ka dom nyaom urang mbuan njauk ruak di abih. WHO labik châu Âu hu panuac lac rilo taneh ia châu Âu meda dang anak bruk tapa prein dalam dom labik iek ruak. Meyah jit ruak trak dok rah tabiak, tong abih urang metai di châu Âu meda tagok tal 2,2 triệu urang dalam bilan xuân tal. Kayau yau nan ye, rajaei, gah y tế song yaomk menuac urang brei ngak khang piah pasang iek jit ruak./.

Urang lang: Hani Pha – Bhumi – 24/11 10:30:00