Rilo labik di bhum palei Nghe An hu yaih khan 

Harei ini 25/12, di Nghệ An, UB Ilamu, Pato megru di Quoc hoi pambuak saong Mentri Ilamu, Padhih saong Dulich gam haong tỉnh Nghệ An  peih Ginum biai dulich thun 2021 ngan saong kadha “Dulich Viet Nam pasiam saong patagok”. Nyaom biai hu mbaok, dang kaok nyaom biai di Urang pan akaok QH, Rajaei; gam haong dom Mentri, dom mban, ngành Trung ương saong bhum palei; dom urang ilamu, urang roh duah, D.N gah dulich gam haong jabat truyen thong. Var ginum biai lac piah ka dom urang hu mbaok ndem biai nao mai, taong yaom dom bruk di jit ruak Covid-19 ngak kan kandah tal gah dulich, dom mbuan lagaih saong kan kandah ngan saong gah dulcih Viet Nam tukvak “hadei Covid” , tui nan ginum biai ka jalan sahaneng, tacei pato, jalan langyah piah pasiam veik bruk patagok dulich dalam tukvak anak tal. Tui nan, pok panuac tagok Q.H , Rajaei hu jalan lang talaih sumu dom kan kandah, ba tabiak dom sarak lagaih piah pasiam saong patagok gah dulich.

  Yaok pataom meng dom  gah ngak pandap brei thau, bruk pablei tabiak negar langiu bilan  12 ni di taneh ia drei  mek hu labaih  33,5 tỷ USD, tagok 5,1% dut song bilan dahlau, tagok  21,1% dut song tuk vak ni thun dahlau.  Yau nan, kim ngạch pablei tabiak negar langiu thun  2021 meda tagok  18,6%, yam tapa 13,6% dut song tanut  rajaei jao lac  4-5%

Jalan bingu Nguyễn Huệ Tết thun sak ramaong 2022 ngan saong kadha Xuan palei negar, ba hatai anit ranam gauk, brei mbooh veik sa vaktu sajarah kan var hu di Ban raya HCM daok dak harei dak siam veik hadei rilo bilan lac pasak jit ruak praong  di negar. Di jalan bingu hu padang veik thaot binguk “ patao di ceik glai ram” glong 4,6 m, atah 10m pagam biak gheih di camin cường lực, mica saong phun hareik, ngak jeng drei rimaong tuk mboh tuk pandauk. Jalan bingun pandar rilo pandap lagaih haong moi truong saong meda pandar gilac veik yau kreim, havey, la-ar, kiak, halam njol…gam haong labaih 80 janih bingu, jaik 97.000 phein bingu, yot bingu yaok janih.  Jalan bingu thun ini peih pabah mbang brei tame ma-in xuan, bui sambai di  bhap bini Ban raya saong tuai  meng 19 tuk harei 29/1 tal 17tuk  harei 4/2/2022 (lac meng harei 27 bilan Mat tal 4 bingun Tet).

Tỉnh Bình Dương bahrau peih labik iek ruak ka urang ruak  COVID-19. Labik iek ruak hu padang di balik  iek ruak Đa khoa di  An Phú (phường An Phú) song hu  200 papan, dalam nan hu  68 papan  urang ruak trak  (tal 2) kayua pasak  Y tế Thuận An khik ramik  Meng di tuk ba tame pandar, labik ni taduan iek ruak  ka  58 urang ruak  COVID-19. Urak ni,  Bình Dương dok peih prong dom labik iek ruak caik ka urang ruak  COVID -19 di dom pasak  y tế huyện, ban sit, ban prong tui jalan  “4 di labik ” piah patrun bruk ba urang ruak tagok sang iek ruak praong song trun bruk urang ruak metai. Urak ni, Bình Dương hu labaih  50.000 urang ruak COVID-19, dalam nan rilo meng hu iek ruak di sang.

Gah chức năng Ban raya HCM samar daong hu ka 6 urang gal dalam apui khuah di jala pandiak harei 24/12, di sa sang daok di tal 12, chung cư Tecco, phường Tân Thới Nhất, Quận 12, TP.HCM . Kayua apuh khuah di tal glong yau nan  ye  tuk mboh sauk jhuk par tagok mikva oh tame hu piah padam apui. Công an Quận 12 gam saong Kapol padam apui saong daong urang gaok bala bhum 3 (Phòng PC07) Công an TP.HCM brei rilo radaih padam apui  gam haong yaok pluh urang jakar, urang lin tame tal labik piah padam apui, pandar kanyan ba 6 urang trun ala hu salamat. Tui duah thau camereip, apui khuah kayua sa uranaih umo 12 thun, meruai cuh ghe sofa ngak apui khuah.

Rajaei Japon brei tapa sarak kadung jien ka thun  2022 yaom  107,6 ribau  tỷ yên (samu  940 tỷ USD). Ni lac tanut glong di abih dalam thun ka 10 gam gam.  Dom pok jien cai hu pataom tame ka bruk pacang caga jit prong Covid-19, jien  an sinh xã hội song pandar cai  quốc phòng.  Dalam nan, bruk pandar cai prong di abih lac an sinh xã hội, tagok labaih  440 tỷ yên, tagok tanut glaong di abih lac 36,27 ribau  tỷ yên song meblah labaih  sa binah klau abih kadung jien . Makna lac kayua bhap bini Japon taha tagok  jhul bruk pandar cai  y tế song  phúc lợi tagok glong.

Viện Hàn lâm khoa học saong nghệ thuật điện ảnh Mỹ brei padeih bruk jao giải Oscar danh dự Governors Awards kayua huac bruk njom mbak biến thể Omicron ba tal jit ruak COVID-19. Tui kuhria tuk camereip, var jao giai hu peih ngak di harei 15/ 1/2022 di Los Angeles. Tukvak peih ngak bruk nan meda brei thau hadei. Bruk jao giai Oscar tal urak ini jeng daok hu khan brei thau lac peih ngak di harei 27/3/2022.

Tal bilan 12 yaok thun, tuai meng dom labik tuh mai  palei Banovci di  Đông Bắc Slovenia- labik hu angan lac "palei  Giáng sinh"- piah mong iek dom bruk padang ngak brei mboh veik  tuk  Chúa giáng thế.Thun ni, labaih  30 boh sang di palei Banovci, jiak tapen negar Hungary, hu padang dom mô hình meng dom janih kayau, sáp ong, har jamen song talei bua, caik anak bein sang  piah duh ka tuai mai rivang main.Thun ni, kayua kan kandah di jit COVID-19, bhap bini oh hu adat  pabak pandap mbang song menyum  ka tuai damuai song dom tuai mai rivang jeng trun daok takik. Min, bruk ramik pasiam song ngak brei labik ni jeng sa palei  Giáng sinh biak biai, song dom pandap trang trí biak siam hu bhap bini khik ngak tui jalan meng kan, tuk dom bruk karei karei brei padeih kayua jit ruak./.

Urang lang: Hanipha- Ái Nghiêm -25/12