Thủ tướng hu tangi sua dom urang pak di mbang nyaom 

Harei ini (8/11), QH mbang XV yam tame mbang ka dua di mbang nyaom 2  peih tabiak dalam 6 harei, pataom tame ginum biai ka bruk kinh tế - xã hội saong tangi sua dom urang di Rajaei. Dom urang QH brei panuac ka bruk kinh tế - xã hội, kadung jien Karja saong bruk pacang caga jit Covid-19. Di var peih mbang nyaom ini, Thủ tướng Phạm Minh Chính brei thau bruk patagok kinh te 6 bilan akok thun mek hu 5,64%, min quý 3 trun 6,17%  kayua gaok kan kandah trak di mbang jit ruak ka 4; kuhria pataom veik 9 bilan GDP tagok 1,42%. Tukvak daok veik di thun 2021, Rajaei brei pataom prein tame glong abih ka bruk pacang caga jit, gam samar padang dom jalan ngak, bruk ngak lagaih saong bruk di anak meta.

UBND tỉnh Đồng Nai bahrau tabiak jalan peih bruk brei ka anek saih, sinh viên mai veik sang bac hadei di tukvak pa-atah di gauk piah pacang caga jit dịch COVID-19. Tui nan, sinh viên haong anek saih dom pakat hu mai veik sang bac meng harei 22/11 tal harei 1/12. Yaok huyện, ban pilih ruah meng 1-4 labik pato pakai peih bruk brei ka anek saih nao bac veik. Hadei di harei 1/12, dom puk palei pasang iek, taong yaom bruk brei ka anek saih nao bac veik di dom labik pato pakai saong tui bruk jit ruak di anak meta piah hu dom jalan ngak patui di nan.

        Dom urang birau njom Covid-19 dalam harei 7/11 di Tây Ninh tagok glong abih, ngan saong labaih 434 urang, kuhria abih tih urang njom ruak meng akok jit tal ini dalam tỉnh tagok 13.600 urang, dalam nan hu taong dhit ruak ka labaih 11.100 urang saong hu 163 urang metai. Tui taong yaom di gah chức năng, urak ini bhap bini oh ka thau cambaic bruk siam mekre birau, oh ngak njauk tui bruk pacang caga jit.

Tui mBan tacei pato pacang caga jit ruak COVID-19 tỉnh Bà Rịa-Vũng Tàu, kuhria tal biar harei 7/11, hu 7/8 huyện, ban (oh hu Côn Đảo) hu 105 urang njauk ruak dalam bhap bini, rilo meng lac pambuak tal dom menuac mai meng dom tỉnh Bình Dương, Trà Vinh, Đồng Nai, Tây Ninh haong TP.HCM; rilo menuac ruak lac urang ngak di dom labik ngak kong. Bà Rịa – Vũng Tàu hu panuac ieu dom sở, ngành, puk palei khik iek luac harei melam piah samar pacang jit ruak, patagok bruk tui iek dom menuac urang saong labik mbuan hu ruak piah saman pacang, padam jit.

Harei 8/11, Jabat Cảnh sát điều tra Mentri Công an brei thau ba tabiak kaoh tui hukum saong chap kareik, pasang iek labik daok di ong Nguyễn Minh Quân ndih tapui 1973, Yam ndoc Sang iek Ban Thủ Đức saong Nguyễn Văn Lợi ndih tapui thun 1986), Yam ndoc Công ty TNHH Pablei salih Dịch vụ Sản xuất Nguyễn Tâm ka bruk  “Ngak suan adat đấu thầu ba tal khat lahik trak”.Tui hồ sơ, dua urang nan pambuak gauk ngak suan Hukum đấu thầu dalam bruk blei pandap panda, pandap y tế di Sang iek ruak Ban Thủ Đức  ngak khat lahik trak drap ar Karja.

Thủ tướng Iraq Mustafa al-Kadhimi lac hu thau cambaih dom menuac dang gah likuk bruk khin pametai ong saong samar ba dom urang ini tabiak brei thau. Bruk taong tame labik daok di Thủ tướng Kadhimi dalam ban ine Baghdad, Iraq, tuk saboh mesup harei 7/11 meng 3 sruh kapal haoh oh hu menuac peih, dua dalam klau sruh nan njauk cuh laik. Ong Kadhimi oh njauk hagait, min 6 cận vệ njauk rambus. Bruk nan rah tabiak dalam tuk dak harei dak catang tagok bruk di gah an ninh Iraq haong dom kapul dân quân urang Shiite njauk gauk haong Iran, lac kapul oh taduan bruk pilih ruah di harei 10/10.

Dom urang njom ruak Covid-19 di Prang daok tagok veik dalam adit tapa. Kuhria dalam 7 harei tapa, yaok harei hu 7.230 urang nyaom birau di Pháp. Dom urang tame sang iek ruak  jeng yau dom urang tame taong ruak kuhria rah tapa yaok harei  tagok 13% saong 12%. Anak bruk njom ruak birau,  meng harei ini ( 8/11), Prang brei cuh pataik pacang papah di dom sang bac di 61 tỉnh, ban. Prang jeng brei jhul samar bruk klauk jru vaccine ka bhap bini.  

Gah pasang iek biên giới Australia brei thau lac bahrau mboh hu 16 kapal taong ikan suan hukum angaok bhum tasik taneh ia ini. Dalam nan, 3 kapal taong ikan di Indonesia njauk palai tayah. Dom kapal taong ikan negar lingiu tame bhum tasik Australia dak harei dak rilo. Kuhria dalam 3 bilan tapa, hu labaih 100 kapal gilai njauk pacang veik. Langiu di bruk taong cap ikan suan hukum, dom kapal gilai negar langiu daok ngak ka menuac sia huac lac palai pajoa  rạn san hô di Australia./.

Urang lang: Mousaphuong- Ái Nghiêm -8/11