Rilo jalan ngak hu batabiak dong ka urang ngak dalam tuk jit covid 

Harei ini, di Hà Nội, Tổng Liên đoàn Lao động Việt Nam ginum biai online saong Liên đoàn lao động dom tỉnh, ban ka bruk urang ngak gaok kan kandah kayua Covid-19. Kuhria mbiah tal harei 16/5, dalam taneh ia hu 336 urang ruak SARS-CoV-2 lac urang ngak di dom doanh nghiệp saong labik ngak kong di 6 tỉnh, ban, ralo abih lac di Bắc Giang, Đà Nẵng, Bắc Ninh. Tổng Liên đoàn lao động Việt Nam hu buh tabiak  labaih 2,5 tỷ đồng piah blei pandap alin ka urang  ngak gaok kan kandah saong daong ka 10 sang iek ruah daok njauk pacang cakak.

Mintri Y tế jala pandiak harei 17/5 khan lac hu gac 30 urang dương tính, dalam nan hu 28 urang dalam taneh ia jeng daok di labik daok karei saong 2 urang tame negar hu brei daok karei chip. Jeng dalam harei ni, Tiểu ban taong ruak, mban pato tacei pakat negar pacang caga jit Covid-19 hu brei thau ka manuac metai ka 37 saong lac urang ka 2 meng akaok jit covid -19 mbang ka 4 tal urak ni, nan lac urang likei umo 34 thun, daok di Bắc Ninh. Dalam tuk nan, ban ine Hà Nội bahrau hu gac 1 urang duong tinh haong SARs CoV -2, lac urang ngak gah kỹ thuật di sang iek ruak Phổi Trung ương.

Piah samar daong ka Bắc Giang saong Bắc Ninh pacang jit ruak Covid-19, Mentri Quốc phòng brei parilo menuac, radaih dut iek ruak cơ động di Pasak Nhiệt đới Việt - Nga saong Học viện Quân y, mek mẫu dut iek ruak di labik hu jit. Kuhria tal harei 16/5, taong abih bol lin hu klauk jru jaik 82.000 mbang vaccine. Bol lin daok peih ngak di 72 labik brei daok karei,tui iek ruak ka jaik 16.000 urang. Di jalan taphia negar, daok hu 1.800 kapul khik iek ngan saong labaih 12.000 urang jakar, urang lin.

Harei 17/5, pasak pasang iek ruak kik ban raya HCM brei thau, meng harei 30/4, pasak hu peih praong bruk mek mau dut iek piah pasang iek ngẫu nhiên dom labik mbuan njom ruak yau ye sang iek ruak, labik rivang main, darak pasa, mblang kapar haoh, pambah lamnge, pasak pablei salih, nhà hàng, quan mbang, khu chế xuất… Kuhria tal urak ni, labaih 31.300 mẫu hu dut iek mboh âm tính SARS-CoV-2. Urak ni ban raya hu ngak salah bruk klauk vaccine mbang ka 2 saong daok caga ka mbang ka klau. Tal urak ni, ban raya HCM hu 270 urang njom Covid-19, dalam nan hu 14 urang daok taong ruak.

Harei ini 17/5, di Hậu Giang, Huyện đoàn Châu Thành A peih bruk jak ba tabiak ngak “Kapol radaih dam dara” pathau khan bruk palih ruah urang ka QH mbang XV saong urang ka HĐ bhap bini dom pakat vaktu 2021 -2026. Kapol radaih hu 79 dam dara, yaok urang peih sa sruh radaih hu tuan hala dok, pano, áp phích, khẩu hiệu ka bruk palih ruah saong hu loa bluetooth, pambuak saong smart phone. Meng ini mbiah tal harei palih ruah, kapol radaih ini brei papar sap saong brei harak pathau khan ka bruk palih ruah; jak ba urang peih ngak ginup dom jalan pacang caga jit Covid-19.

Dalam tuk dom urang njom ruak daok trun khang, rilo negar di châu Âu daok brei klaak dom bruk pacang cakak. Meng harei ni (17/5), negar Anh brei adat ka dom rạp chiếu phim peih pambang gilac, meda pataom 30 urang. Rajaei France jeng klaak adat pakauk bruk rivang main; Đức daok patrun bruk pacang cakak; Tây Ban Nha padeih bruk báo động dui atah 6 bilan tapa … Min, gah y tế di rilo negar châu Âu hu panuac lac, bruk pacadu dom jalan pacang caga jit meda lac biak aval, kayua mayah jit ruak ngan saong dom chủng bahrau tamuh tabiak ye biak kan piah pasang iek hu.

Harei 17/5,Thái Lan hu 9.635 urang birau njom Covid-19, glaong di abih kuria meng dahlau mai. Dalam dom urang nan hu 6.853 urang ruak lac urang guk. Kuhria taong abih urang njom Covid-19 di Thái Lan urak ini lac 111.082, abih tih urang metai lac 614. Daok di Malaysia, Mentri Y tế taneh ia ini brei thau dom sang iek ruak trung ương di labik ini jaik abih laneing gaiy ndik iek ruak ka urang njom Covid-19 kayua urang ruak trak mbuan metai tagok rilo.

Jabat khik ramik kênh đào Suez (Ai Cập) brei thau lac daok peih bruk kuac raok piah peih praong labik gah maraong di kênh đào, piah brei ka dom sruh gilai  nao tapa dua gah di jalan ia dunya ni. Danak dak ni meda ngak salah dalam 2 thun anak tal saong hu peih praong, kuac dalam 40km jalan ia. Binah hu peih praong hu gam labik bo kapal praong Ever Given njauk gar veik, ngak gar jalan di bilan 3 meng blaoh./.

Urang lang: Thu Thảo -Ái Nghiêm -17/5