Rilo anek saih hu padeih dahlau di tuk tết 

Dah page ni 1/2, di pasak ginum biai pakat negar (Mỹ Đình, Hà Nội), nyaom roya pakat negar mbang ka XIII di Đảng ginum biai mbang tamat. Tacei ba  mbang ginum biai, akaok Quốc hội Nguyễn Thị Kim Ngân lambaok ka kapul pan akaok nyaom roya dhar phol dom urang đảng, dom kapul nyaom saong dom negar saabat di dunya, dom jabat lambaok ngoại giao di Hà Nội, menuac urang daok dalam saong langiu negar hu payua panuac tadhau ayuh tal nyaom roya, brei mboh bruk jum pataom gauk, anit ranam gauk saong bruk sangka, pachreih tui biak praong ngan haong Đảng, kanja saong bhap bini Việt Nam. Tapa nan brei mboh talei pambuak bruk đối ngoại, dak harei dak hu peih praong saong khang kajap di Đảng CSVN haong dom chính đảng, kapul nyaom saong dom ayut sahabat di dunya.

Lambaok mBan Chấp hành Trung ương Đảng mbang 13, Tổng bí thư, akaok negar Nguyễn Phú Trọng hu panuac dhar phol  nyaom roya, dhar phol dom urang hu mbaok di nyaom roya hu jia tame, pilih ruah 180 urang ngak ủy viên trung ương saong 20 urang piah caga tuk kurang, lac jabat par akaok glaong abih di Đảng di  dua mbang nyaom roya. Ni lax sa bruk hu makna praong glaong saong biak hadah mbaok meta .

Harei ini, dom tỉnh gah Meraong negar yau Bà Rịa - Vũng Tàu, Bình Dương, Bình Phước...brei anek saih padeih bac piah pacang caga jit ruak. Sang bac THPT Bùi Thị Xuân, Q.1, Ban raya HCM jeng hu brei jaik 100 anek saih, gru pato padeih bac hadei di tuk hu sa urang maik nao kapal haok VN213 hu urang ruak Covid-19. Dalam tuk nan di Hà Nội, rilo sang bac salih tapa bac online hadei di tuk ban ini hu mboh rilo urang njom Covid-19, dalam nan hu 1 anek saih…2 tỉnh Hưng Yên, Hà Nam padeih cuk phao bingu uan raok thun birau, oh peih ngak darak xuân…piah pacang caga jit Covid-19 daok rah tabiak dalam srau kadau.

Gah y tế TP.HCM daok taduan bruk pathau khan, mek mẫu dut iek dom urang mai meng Hải Dương, Quảng Ninh, dom labik kayua Mitri Y tế brei thau di ban raya. Gah  y tế jeng daok pasang iek dom urang taom gaok jaik haong urang ruak, langyah pacang caga jit tui adat dom urang bahrau njom, gam tui di nan jeng pasang iek dom labik daok karei di khách sạn, di sang iek ruak, dom labik brei daok karei pataom rilo manuac di quận huyện, labik brei daok karei di ban raya.

Page ini, ong Lê Quang Trung - Phó akok Sở Y tế Đồng Nai brei thau, hu labaih 70 mbang urang meng labik hu jit ruak mai saong F1 di dom urang njom Covid-19 dut iek mboh âm tính saong virus corona. Dahlau di nan,  Đồng Nai samar brei duah dom urang hu taom gaok, peih bruk brei daok karei 46 urang mai meng dom labik hu jit ruak dalam taneh ia, 27  urang hu taom gaok jaik urang ruak Covid-19 ( F1), 4 urang nao kapal haok VN213 meng Ha Noi tal TPHCM… Langiu di nan, Đồng Nai brei daok karei 385 urang Viet Nam meng negar langiu tame.

Tui pasak kuhria mboh dahlau bruk langik tasik pakat negar, ia njom mbak meng harei 11 tal 25/2 (Tết Nguyên đán sak kubau) di bhum taneran kraong Cửu Long tagok glaong, mbak di dom bilai glaong jang dut saong tukvak ni thun blaoh meng harei 1 tal 10-2. Bruk njom mbak dalam tukvak ni di bhum taneran kraong kraong Cửu Long trun dalam dom harei akaok adit, hadei di nan tagok di puac adit. Dalam tukvak meng harei 3 tal 8-2, kayua ia trun biar, njom mbak meda trun, dom tinh ban di bhum taneran kraong Cửu Long njauk caga ia taba piah pala drak saong piah pandar.

Bruk njom mbak jit ruak Covid-19 di dunya mboh yau dang veik, tuk rilo taneh ia daok peih bruk klauk jru caga ruak, gam haong rilo jalan pacang caga ruak hu peih ngak catang. Yau nan min, di dom taneh ia châu Á saong châu Phi, jit ruak daok tagok glaong saong urang njom ruak rilo tagok. Ini lac bruk haduh hatai di Gah Y tế dunya WHO urak ini.

Di Mỹ, lac negar njauk kan kandah trak abih di jit praong, pasak pasang iek saong pacang caga ruak kik (CDC) hu tabiak adat ieu bhap bini dalam negar cuh pataik pacang pambah tuk ndih radaih hu rilo manuac piah khik siam mekre salamat ka rup drei. Adat ini hu ba tame pandar di angaok kapal ahaoh, gilai, radaih pui, radaih bus, taxi, phà,... Dahlau di nan, Tổng thống Mỹ Joe Biden hu mbaoh tangin tame harak adat ieu bhap bini cuh pataik pacang pambah tuk nao mai di dom bang.

Rayo papar sap papar binguk karja Mi-an-ma MRTV page ini (1/2) brei thau lac daok khut nan ye oh peih hu. Bruk nan hu khan angaok blah Facebook di rayo saong hu ba tabiak hadei dom mong tuk đảng pan akok Liên minh taneh ia kayua dân chủ cầm quyền (NLD) brei thau Cố vấn karja Ang Xang-xu-ki (Aung San Suu Kyi) saong dom urang jakar ngak praong njauk bol bala Mi-an-ma chap mek di page ini. Bruk kandah gauk catang tagok birau ini  di rajaei dân sự saong gah bol bala Mi-an-ma ngak ka rilo urang haduh hatai ka bruk mbuan rah tabiak sa bruk pajaleih karja. Đảng pan akaok karja Liên minh taneh ia kayua dân chủ cầm quyền (NLD) di muk Xang-xu-ki jayak praong dalam mbang palih ruah di bilan 11 thun 2020. Yau nan min, bol bala saong đảng cagar veik lac bruk palih ruah nan hu bleik saleik./.

Urang lang: Thu Thảo -Ái Nghiêm- 1/2