Harei ini, Quoc hoi ginum biai tamat mbang nyaom 11, QH Mbang 14. Dahlau di nan, QH pasang eik, brei pok ngak 2 Phaok Thủ tướng Rajaei saong 12 akaok mentri, akaok ngành. Gah langiu QH, dom urang QH brei mboh hatai caong khin dom urang pan akaok dom gah brei mboh bruk ngak, ilamu, jalan pasiam dom bruk daok tavak tavay dalam tukvak anak tal. Harei ini, QH yer tangin brei tapa Sarak brei pok ngak dom Phaok akok saong dom Uỷ viên Hội đồng palih ruah pakat negar saong Phaok akok saong dom Uy viên HĐ quốc phòng saong an ninh. 

Ban Bí thư tabiak kỷ luật brei tabiak truh  Đảng ngan saong ong Tất Thành Cang hong  ong Lê Văn Phước. Ong Tất Thành Cang dalam vaktu ngak Phó Bí thư thường trực Thành uỷ TPHCM ngak suan biak trak ka bruk  tập trung dân chủ, quy chế ngak bruk song dom sarak hukum di  Đảng, karja, ngak khat lahik biak prong. Dok ong Lê Văn Phước, lac Tỉnh uỷ viên, Bí thư Ban cán sự đảng, Chánh án Toà án bhap bini tỉnh Phú Yên ngak suan hukum di  Đảng ka dom bruk bo urang đảng oh brei ngak, ngak suan bruk khik iek jien ndua, ba tal khat lahik biak trak.

Tui Tổng cục  Gah ngak glai, Mentri Ngak nong saong Patagok palei pala, duh ka bruk pala glai thun ini dom tỉnh, ban hu caga 340 trieu pajaih phun pala yaok janih, sumu 152% dut saong tukvak ini thun blaoh. Dom bilan akok thun, dalam negar pala hu labaih 31.500ha glai, sumu 116% dut saong tukvak ini, pataom di dom tỉnh gah Barak, Bắc Trung Bộ saong Nam Trung Bộ. Tổng cục Gah ngak glai kakei, dom tỉnh caik hatai brei pacang caga dom janih halak palai pajua di phun glai ralo yau: ruak bruk gha, halak mbang hala, thu hala, bimao hala…

Công an tỉnh Tây Ninh bahrau khởi tố saong chap kreik Dương Tuấn Phong (daok di Đồng Tháp), Nguyễn Trịnh Hoàng Phúc (daok di An Giang) song Trần Phan Vinh (daok di ban raya HCM) ka bruk “peih bruk ba menuac tame tabiak negar suan hukum”. Dahlau di nan, công an mboh hu  3 radeih ô tô di dom urang nan dok pajeng 18 urang Trung Quốc tame VN suan hukum. Tong abih 32 urang Quốc hu ba nao daok karei di labik pataom praong.

Pambuak tal bruk 2 uranaih njauk kol dân phố taong di Sang bac THCS Nguyễn Văn Tố (quận 10), Sở LĐTB-XH TPHCM hu payua harak ka Yam ndoc Công an TP likau brei tacei pato jalan ngak bruk saong pambuak bruk langyah njauk tui hukum. Dahlau di nan, sa clip labaih sa minit di mạng xã hội tavak veik bruk urang khik iek dân phố  taong caoh tame rilo tame 2 ranaih. Bruk nan ngak duh hatai manuac sia.

Ủy ban Châu Âu (EC) harei ni brei thau hu parabha 123 triệu ơ-rô (samu 146 triệu USD) ka bruk roh duah samar dom anek ruak di virut SARS-CoV-2 ba tal jit prong Covid-19. Kadung jien ni hu rik dong tame bruk kham merat pacang cakak, patrun khat lihik song caga dom cuang kandah di anek ruak virut SARS-CoV-2. Gam haong nan, patagok bruk dong di dom urang roh duah dunya patagok bruk iek ruak Covid-19, gam song bruk parabha vắc-xin.

Biến thể Covid-19 hu mboh mbang akok di Anh urakini  lac chủng vi-rút SARS-CoV-2 ralo di  Mỹ. Pasak Pasang iek ruak kik saong Pacang caga Jit ruak brei thau, dom roh duah birau ini brei mboh biến thể  ini njom mbak khang jang chủng vi-rút SARS-CoV-2 camereip saong meda mbuan trak jang saong ba tal metai ralo jang. Tui kuhria mboh di Pasak Pasang iek ruak kik saong Pacang caga Jit ruak Mỹ, urak ini hu 16.275 mbang urang njom biến thể birau di 52 bang saong bhum taneh di Mỹ.

Labaih sa pluh urang metai hadei di tuk 2 sruh radeih  buýt pajeng dom jieng mỏ ginuh gauk jiak jalan tame labik kuac meh, pak di gah merong jalan tapen negar Mỹ-Mê-hi-cô di harei 7/4. Urak ni, tong abih menuac hu mbaok di angaok 2 sruh radeih  buýt tuk rah tabiak bala  mboh lac rahra Mê-hi-cô. 2 sruh radeih praong sit karei gauk song tong abih urang metai jeng dok di angaok sruhg radeih sit jang. Makna ba tal bala trak ni dok hu pasang iek, duah thau./.

Urang lang: A.Nghiem -H.Pha  8/4/2021  10:50:30