Kapol pasang iek Mban tacei jalan pakat negar pacang caga jit Covid-19 birau hu var ngak bruk di Đồng Tháp

Dalam mbang ginum nyai di Phaok Thủ tướng Rajaei Vũ Đức Đam saong Mban tacei jalan pakat negar pacang caga jit Covid-19 Ban raya HCM peih ngak di page harei ini 23/4, Akok UB bhap bini Ban raya Nguyễn Thành Phong brei thau, meng akaok thun tal ini, jabat chức năng duah mboh 108 mbang urang tame negar suan hukum di Ban raya HCM, dalam nan hu 4 mbang urang njom ruak SARS-CoV-2. Urak ini Ban raya hu 41 khách sạn brei ngak labik daok karei hu mek jien; hu labik brei daok karei di gah bol lin; dom pasak brei daok karei di quận huyện daok ngak bruk. Urak ini, ban raya hu klauk jru vaccine ka 9.115 urang. Mbang ka 2, ban raya hu 56.520 mbang jru, meda brei klauk ka urang dahlau harein 30/4. Tui kuhria, ban raya daok kurang labaih 10.000 mbang jru meng ginup jru ka taong abih urang y tế.

Harei ni (23/4), Ủy ban MT negar Việt Nam ban raya HCM peih bruk jao harak gar saong angan dom urang hu tabiak mbaok piah pilih ruah ka Quốc hội mbang XV saong dom urang hu mbaok piah pilih ruah ka HĐND ban raya tukvak 2021-2026. Tui nan, akaok negar Nguyễn Xuân Phúc hu Trung ương ba mai ban raya HCM piah pilih ruah ka Quốc hội mbang XV. Gam haong 13 urang hu Trung ương yaih khan ka TPHCM piah tabiak mbaok brei ka urang piloh ruah ka QH mbang XV, hu 37 urang hu hiệp thương yaih khan ka ban raya. Yau nan, taong abih dom urang hu tabiak mbaok piah pilih ruah ka QH di ban raya HCM lac 50 urang, cử tri TPHCM meda pilih ruah tabiak 30 urang ka Quốc hội mbang XV.

Kapol pasang iek Mban tacei jalan pakat negar pacang caga jit Covid-19 birau hu var ngak bruk di Đồng Tháp saong Sóc Trăng. Tui UB bhap bini tỉnh Đồng Tháp, mbiah tal harei 19/4, tỉnh hu taduan 2.944 mbang urang tame negar. Kuhria taeng bruk tame negar njauk hukum saong suan hukum di pabah mbang negar peih tabiak haong Campuchia, hu 5 mbang urang njom ruak Covid-19. Tỉnh hu caga jalan padang ngak sang iek ruak dã chiến meng 300 -500 gaiy laneng ndih di 3 labik. Daok di Sóc Trăng mbiah tal ini oh ka hu thei njom ruak SARS-CoV-2. Urang ngak praong di Mentri Y tế kakei lac brei khik catang labik tapen negar, langyah catang dom urang tame negar suan hukum saong peih bruk brei klauk jru vaccine caga ruak hu salamat, sumu chip.

Jabat kapul urang QH saong HĐND tỉnh Bình Thuận brei thau: mbang nyaom ka 10, HĐND tỉnh meda hu peih tabiak di dah page 27/4, pataom tame dua asal kadha lac pamaong tame bruk ba tabiak sarak ka bruk pandar công nghệ thông tin saong công nghệ viễn thám dalam bruk khik ramik, daong khik glai saong khoáng sản. Ni lac pasang iek asal kadha puac abih di HĐND tỉnh dalam mbang X saong hu maong lac sa bruk hu makna biak praong di tỉnh dalam bruk tui iek, khik caga glai, khoáng sản.

Hadei di tukvak gar tavak khang di labik pasang iek an ninh, mblang kapal haok dunya Tân Sơn Nhất brei pagam veik 5 jamraih pasang iek, kuhria abih tih mac jamaraih di mblang kapal haok dalam negar hu 30 baoh. Meng patagok dom baoh mac nan, mblang kapal haok caga duh ka tuai damuai, langyah hu bruk gar tavak, abih di nyu lac tuk dom mbang par saong tuai damuai nao mai meda tagok glaong di tuk padeih harei 30/4 saong harei 1/5 anak tal.

Kham marat dui atah yaok pluh thun di danak dak jak ba piah salih bản đồ chính trị negar Mỹ bahrau mek hu jak jeng bahrau, hadei di tuk Hạ viện Mỹ brei tapa hukum ba ban ine Washington jeng tiểu bang ka 51. Ni lac mbang ka dua Hạ viện Mỹ brei tapa hukum ni. Tui nan, bang 51 ni di Mỹ meda hu sa hạ nghị sĩ saong dua thượng nghị sĩ. Bruk njauk biai nan lac, sa labik sit, lac labik di sang putih, baoh sang Quốc hội saong mblang bein pakat negar meda hu caik di ala bruk khik iek di rajaei liên bang.

Anak bruk dak harei dak sraw kadauk di jit ruak Covid-19, karja tỉnh Preah Sihanouk - Negar Campuchia ba tabiak adat pacang cakak abih tỉnh tal harei 6/5/2021. Urang hlei jeng oh brei tabiak truh sang atau labik daok urak ini langiu bruk drah samar chip. Ini lac ban ka klau njauk brei pacang cakak abih di Campuchia hadei di ban Phnom Penh saong ban Takhmao (tỉnh Kandal).Sa dalam dom tỉnh karei di Campuchia daok brei ngak tui lệnh giới nghiêm meng 20 tuk melam tal 5 tuk subuh page.

Anak bruk jit Covid-19 njom mbak praong di negar Lào, rajaei Lào hu tabiak sarak ka bruk kareih pabah mbang negar dunya, pabah mbang negar dom puk plei saong pabah mbang sit jalan haluk, jalan ia haong dom negar jaik taphia hu jit Covid-19 daok tamuh tabiak dalam rahra, hu pandar tal harei 5/5/2021. Sarak tacei lac tok brei adat ka rahra mai veik labik daok di Vientiane atau dom manuac meda tabiak truh labik daok piah blei pandap mbang saong pandap panda pandar yaok harei./.

Urang lang: Thu Thảo – Ái Nghiêm – 23/04  15:31:22