Dah page ni, mbang klauk jru camriep di ban raya HCM hu peih tabiak di sang iek ruak Quận 11

Harei ni (24/3), mbang nyaom ka 11 Quốc hội mbang 14 peih tabiak di Hà Nội. Ni lac mbang nyaom puac abih di Quốc hội mbang 14, nan ye lingiu di bruk padang ngak hukum, pasang iek, langyah dom bruk prong di taneh ia, Quốc hội dok caik tuk vak ka pataom iek veik bruk ngak di dom jabat karja, Quốc hội song rajaei. Abih di nyu nan lac, di nyaom biai ni, Quốc hội jeng caik rilo tuk vak ka bruk ba menuac tagok pan akaok karja.

Dah page ni, mbang klauk jru camriep di ban raya HCM hu peih tabiak di sang iek ruak Quận 11. Dom vaccine nan hu pasak pasang iek ruak kik ban raya payua mai pasak Y tế quận 11 saong ba tame khik iek tui njauk adat. Tui pasak pasang iek ruak kik ban raya, danak dak klauk jru mbang ka 1 hu ngak salah dahlau di harei 19/4, ngan haong jalan ba tabiak lac 95% urang hu mbaok tame pacang caga jit Covid-19 di TPHCM hu klauk vaccine.

UBND tỉnh Bình Thuận bahrau hu pathau khan, caong Ủy ban bangsa pok tagok Thủ tướng rajaei pasang iek, patui bruk brei angan ka xã Phan Dũng, huyện Tuy Phong daok dalam xã bhum III tuk vak 2021-2025. Langiu di nan, dok hu panuac likau ka 5 xã lac: Phong Phú, Phú Lạc (huyện Tuy Phong) song Phan Sơn, Phan Lâm, Phan Điền (huyện Bắc Bình) daok dalam xã bhum II tuk vak 2021-2025. Bruk likau rajaei brei angan ka dom xã nan daok dalam bhum II song III piah taduan hu bruk sangka di karja, piah hu buh jien brei ngak dahlau jalan mbak nao mai, lagaih ka rai duik, patagok pren khang song dom sarak khik siam mekre raidiuk ka bhap bini.

Sở Y tế Đồng Nai daok pasang iek duah thau makna di bruk ba tal metai urang kumei manek hu angan A YĂCH (umo 21 thun, daok di ban sit Dầu Giây, huyện Thống Nhất, Đồng Nai). Harei 18/3, urang kumei nan tame sang iek ruak cang manek di sang iek ruak Đa khoa Cao su Đồng Nai (daok hu ieu lac sang iek ruak Suối Tre) dalam tuk prein yava daok tani tanat. Tal bier harei 21-3, urang kumei ni manek 1 anek kamar likei trak 3,3kg ye njauk tabiak darah. Hu payua tagok sang iek ruak Đa khoa Long Khánh (atah di ni labaih 1km) taong ruak chip ka urang ruak nan min oh tapa truh. Anek kaman likei daok hu iek ruak di sang iek ruak uranaih Đồng Nai.

Harei 23/3, Đồn Biên phòng pabah mbang negar mblang tasik An Thới (Kiên Giang) brei thau hu jao 5 urang song pandap panda ka jabat An ninh điều tra Công an tỉnh pasang iek ka bruk ba urang karei nduac tabiak negar langiu, atau dok veik negar langiu suan hukum. Dahlau di nan, melam 14/3, Kapul ngak bruk duah mboh kapan dui (oh hu số hiệu), meng Bãi Xếp (ban Phú Quốc) hu 23 urang likei, quốc tịch Việt Nam. Dom urang nan khan lac dok angaok jalan nao tapa negar Campuchia.

Rajaei France daok kham marat jhul samar bruk mek hatai jia di bhap bini tame dom danak dak klauk jru dalam negar di dalam tuk bruk njom mbak ruak Covid-19 mbang ka 3 daok pacang jalan pasiam veik oh njauk lac di France saoh bo daok gam dom gah kinh tế praong karei di châu Âu. Meng di tuk puac adit ini, dom urang mangaok 70 thun hu klauk vắc-xin, oh cang tal kreih bilan 4 yau bruk ba tabiak dahlau di nan. Di kreih adit dahlau, rajaei France hu brei ba 16 tỉnh di negar ni tame dom labik pacang cakak abih di mbang ka 3 dalam takik di nyu lac 4 adit piah pacang caga bruk njom mbak samar drah biến thể di vi-rút SARS-CoV-2.

Đảng Licoud di Thủ tướng Ixraen Benjamin Netanyanhu hu dang akaok dalam mbang palih ruah Quốc hội rah tabiak harei kabroi di negar ni, min oh hu ginup menuac piah padang rajaei. Urang dang akaok gah cực hữu Naftali Bennett daok jeng urang hu labik dang praong piah Ixraen padang hu sa rajaei tani tanat, min ong ni, tal urak ni jeng oh ka thau lac tui gah halei. Ni lac bruk palih ruah Quốc hội mbang ka 4 di Ixraen dalam jiak 2 thun, hadei di 3 mbang plaik phiếu song jayah oh cambaih laih di 2 đảng phái.

Triều Tiên bahrau cuh tagok dua tên lửa hành trình tabiak tasik, yau brei mboh bruk cuh iek phao ndao camriep abih hadei di jaik sa thun. Mayah bruk nan lac biak, ni meda lac mbang cuh iek camriep abih di Triều Tiên meng di tuk negar ni cuh tagok rilo tên lửa hành trình katut tabiak tasik di bilan 4 thun blaoh. Triều Tiên njauk paklauk cuh iek hạt nhân saong tên lửa tagok glaong meng puac thun 2017. Oh yau tên lửa đạn đạo, tên lửa hành trình oh njauk dom adat taong phat tui sarak di Hội đồng Bảo an Liên Hợp Quốc./.

Urang lang: Thu Thảo – Hani Pha – 24/03 10:30:40