Rilo kapul nyaom, urang hu mbaok di Nyaom roya mbang 13 

Harei ni (25/1), di Hà Nội, nyaom roya pakat negar mbang ka XIII di Đảng peih tabiak mbang ginum biai caga. Dahlau di nan, urang par akaok Đảng, kanja haong kapul urang lambaok tame ravang zirah Kalan Chủ tịch Hồ Chí Minh saong caik bingu di labik rup tau pahadar dom AHLS. Harei 26/1, nyaom roya hu peih tabiak, hu mbaok di 67 kapul hu 1.587 urang, lambaok ka labaih 5,1 triệu urang đảng dalam negar. Nyaom roya pakat negar mbang ka XIII di Đảng hu peih tabiak dalam 9 harei, meng 25/1 tal 2/2/2021.

Kuhria tal mong 8 melam 24/1/2021, labaih 10 ribau mẫu dut iek Covid-19 mbang ka 2 di dom urang hu mbaok di Nyaom roya Đảng saong taong abih urang jakar, urang ngak bruk duh ka Nyaom roya mboh âm tính saong SARS-CoV-2, yau mbang camereip. Bruk nan, khik hu siam salamat piah peih ngak Nyaom roya Đảng pakat negar mbang ka 13. Tui bruk ba tabiak, taong abih urang hu mbaok tame ngak bruk dalam Nyaom roya Đảng brei tapa dua mbang dut ika  Covid-19: mbang camereip dalm 7 harei dahlau di Nyaom roya saong mbanmg ka 2 dalam 1 tal 2 harei dahlau di Nyaom roya.

Salam Uan Nyaom roya Đảng pakat negar mbang ka 13, rilo danak dk praong di dalam negar hu ngak salah njauk tukvak ba tabiak saong ba tame pandar. Sa dalam dom danak dak praong abih di sang mac thủy điện Hòa Bình peih praong, abih tih jien buh tame labaih 9.220 tỷ đồng, meda hu tabiak điện thun 2024, ngan haong sản lượng tui kuhria labaih 488 triệu kwh/ sa thun. Jeng dalam tukvak salam uan nyaom roya Đảng pakat negar mbang ka 13, tatua Thăng Long Hà Nội brei radaih nduac gilac saong danak dak jalan pasei di jalan praong Cát Linh - Hà Đông jeng daok hu ngak jaik salah brei ka radaih nduac.

Cục pajeng ba meng jalan Kapal haok Việt Nam birau pok tagok Mentri jalan mbak pajeng ba danak dak  ieu pataom dom gah dalam xã hội buh jien tame ngak hạ tầng gah pajeng ba meng kapal haok. Dalam nan, ba tabiak bruk jak ba urang buh jien tame ngak tui jalan karja saong urang doanh nghiep ngan saong 6 mblang kapal haok, nan lac: Đồng Hới, Rạch Giá, Cà Mau, Sa Pa, Lai Châu, Quảng Trị. Anak meta, bruk buh jien tame ngak tui jalan karja saong urang doanh nghiep meda hu peih ngak iek ngan saong mblang kapal haok Đồng Hới (2021-2025), hadei di tuk ngak salah blaoh brei peih praong dom mblang kapal daok veik.

UBND TP Thủ Đức bahrau peih nyaom biai taom gaok, caik hatai pang dom kan kandah, tavak tavaiy di 34 phường dalam ban. Akaok UBND TP Thủ Đức Hoàng Tùng ieu kakei tal abih harei ni (25/1), dom phường pasang iek abih  dom bruk ngak pambuak tal bruk pandar con dấu, plaik njaik dom bruk bahrau tamuh tabiak pambuak tal con dấu klaak. Meng urak ni tal abih Tết sak kubao 2021, yaok bruk cưỡng chế brei padeih, daok meyah mboh padang ngak suan, ye khang hatai brei yah klaak.

Salam uan nyaom roya Đảng Cộng sản Việt Nam mbang ka 13, urang dang akaok Đảng Cộng sản Ai Cập, Đảng Xã hội Ai Cập, Đảng Liên minh bình dân xã hội chủ nghĩa Ai Cập hu payua harak tadhau yuh  nyaom roya jak jeng, saong ndom lac nyaom roya hu peih tabiak dalam tukvak hu makna praong prang, dang anak dom kan kandah biak praong saong lac sa bruk hu makna praong yau haong bruk cak rok patagok di Đảng Cộng sản Việt Nam.

Dom tỉnh di negar France giới nghiêm meng maong 6 melam harei dahlau tal maong 6 dah page harei hadei meng harei 2/1 brei mboh bruk daok siam veik. Min, di dalam negar jit Covid-19 jeng daok dak harei dak kan kandah. Yaok harei, France hu labaih 20 ribau urang dương tính haong SARS-CoV-2. Akaok kapul roh duah ilamo, lac kapul hu rajaei France sua tangi piah ba tabiak dom jalan pacang caga jit, brei thau lac negar Prang meda njauk pacang cakak mbang ka 3.

Gah y tế Mỹ brei thau rajaei Tổng thống Biden meda ba tabiak adat pakauk dom tuai negar langiu dahlau daih hu nao tal Nam Phi piah pacang caga bruk njom mbak di anek ruak bahrau di virus SARS-CoV-2. Dom janih vaccine urak ni lac oh ngak hagait hu chủng virus hu duah mboh di Anh. harei 25/1,Mỹ meda ba tabiak veik bruk brei patakik nao mai dom tuai dahlau daih hu mbaok di Braxin, Anh, Ai-len saong 26 negar di châu Âu./.

Urang lang: Ái Nghiêm- Thu Thảo -25/1