Patui danak dak ngak bruk di nyaom roya pakat negar mbang ka 13 di Đảng, bier harei 26/1, dom urang lambaok ginum biai tui kapul ka dom sarak di nyaom roya. Ndem ka dom bruk ngak praong abih hu ba tabiak dalam Harak pathau khan, dom urang nan ndom lac, njauk pataom tame cak rok patagok menuac ngak, abih di nyu nan lac menuac ngak hu ilamu, dahlau di abih lac menuac ka pan akaok ba jalan, khik ramik saong dom gah hu makna praong, pambuak haong sarak pilih ruah, ba pandar, daong urang naih joi, jhulk khang bruk roh duah, ba brei, pandar saong patagok ilamu - công nghệ; pamadieh tagok hatai kham merat yam tagok, patagok dom yaom glaong ilamo, prein khang di anek manuac Việt Nam dalam bruk padang saong daong khik taneh ia negar.

     Harei ni 27/1/2021 – lac harei ngak bruk ka 3 di nyaom roya pakat negar mbang ka XIII Đảng Cộng sản Việt Nam, dom urang hu mbaok ngak bruk di hội trường, tui veik ginum biai dom sarak di nyaom roya.

Thủ tướng Rajaei birau mbaoh tangin tame Sarak ka 118/QĐ-TTg harei 25/01/2021 ba tabiak Danak dak salih birau công nghệ Taneh ia tal thun 2030 eiw katut lac Danak dak. Bruk pamaong tal di Danak dak lac  ba mbuan lagaih, daong ka doanh nghiệp jao brei, salih birau, siam jang công nghệ, ngak tabiak dom pandap siam, hu yaom glaong; jhul pakhang bruk jao brei cong nghe ngak brei patagok gah ngak nong di bhum palei pala, bhum ceik, labik kinh tế -xa hoi daok kan kandah saong biak kan kandah; pato pakai urang ilamu saong cong nghe  piah jao brei, salih birau, ngak siam jang cong nghe. Tui nan, bruk pamaong tal thun 2025 doanh nghiep brei salih birau cong nghe, tagok yaok thun 15%.

  Dalam 2 harei 25, 26/1/2021, Nyaom biai pakat glaong di abih tui jalan online ka bruk palagaih haong salih bahrau di langik tasik piah ginum biai dom jalan langyah samar drak piah palangaih haong bruk biến đổi khí hậu daok dak harei dak ngak kan kandah khang tal abih negar di dunya hu peih tabiak. Dalam asal kadha payua tal mbang ginum biai, Thủ tướng Nguyễn Xuân Phúc brei thau Việt Nam lac sa dalam dom negar njauk gaok dom kan kandah abih di biến đổi khí hậu, dalam nan hu labik bhum tapen tasik saong bhum taneran, abih di nyu nan lac bhum taneran kraong Cửu Long. Thủ tướng ndem lac, piah palagaih haong bruk biến đổi khí hậu, taphia di bruk kham merat ramik veik bruk kinh tế tui jalan carbon bier, trun bruk tathuak nerak sang krieh, Việt Nam daok hu rilo jalan ngak piah paglaong bruk pacang caga saong patagok prein pacang saong palagaih di rahra, dom janih kinh tế saong hệ sinh thái; trun bier dom bala langik tasik saong khut khat kayua biến đổi khí hậu.

Patui bruk ngak meng lavik mai ba bui sambai pataom mbaok dalam baoh sang, brei lagaih ka dom urang ngak cong atah palei hu nai sang mbang Tết, thun 2021 Liên đoàn Ban raya HCM jak ba hu labaih 35 ribau blah vé anit ranam alin brei ka urang công đoàn. Kuhria tal tukvak ini, hu labiah 420.000 urang công đoàn, urang ngak, jakar di Ban raya HCM hu công đoàn dom pakat, dom đơn vị, doanh nghiệp sangka kuhria Tết, kuhria tui yaom jien abih tih labaih 194 tỷ đồng. Melam 26/1, labaih 800 blah vé kapal haok, radaih, radaih pui hu Liên đoàn Lao động TPHCM alin hadiah ka dom urang ngak bruk di dom doanh nghiệp daok di khu Chế xuất saong khu Công nghiệp Ban Raya.

Melam blaoh (26/1), di ban sit Trảng Bàng, Uỷ ban bhap bini tỉnh Tây Ninh peih pakak harei pataom ilamo – rivang main bruk ngak tapei racam pabu ia kakuan mbang ka 3 thun 2021. Ni lac bruk ngak hu peih tabiak 2 thun sa mbang piah daong khik saong cak rok patagok dom inem krung ilamo oh maong mboh pakat negar bruk ngak tapei racam pabu ia kakuan. Harei pataom peih tabiak tal harei 3/2/2021, hu labaih 230 kuan pandap hu parabha jeng rilo labik; parang iek dom janih pandap ngak meng tapei cam; peih ngak iek inum krung saong brei mboh veik dom palei ngak tapai cam; dom kuan pandap mbang, yaih khan ka thaot binguk, đặc sản, dom pandap mbang bhum palei meng kan di dom labik di tỉnh Tây Ninh saong dom tỉnh, ban karei yau ye Bình Phước, Bà Rịa – Vũng Tàu, TPHCM, Bình Thuận, Đồng Nai, gam haong 58 kan pandap panda di dom doanh nghiệp Thái Lan. Hu thau, bruk ngak tapai racam pabu ia kakuan Trảng Bàng hu pok brei angan lac inem krung ilamo oh maong mboh pakat negar.

Tổng thống Mỹ Giâu Bai-đừn (Joe Biden) harei kabroi brei thau meda blei gilac  200 triệu mbang jru vắc-xin Covid-19, patagok abih tih lac 600 triệu mbang piah pabah ginup vaccin ka bhap bini di bilan hè thun 2021. Dahlau di nan, karja Tổng thống birau di Mỹ blei tame 400 trieu mbang vaccin Covid-19 ngan saong 2 mbang klauk jru atah gauk sa adit ka bhap bini. Ngan saong vắc-xin hu blei pabah, labaih 330 triệu urang hu klauk jru caga ruak dalm tukvak anak tal. Bruk nan, ngak patagok angan je di Tổng thống birau Giâu Bai-đừn (Joe Biden) ngan saong bhap bini, gam saong panuac sanya brei pasiam veik dom bruk ngak suan ka  jit ruak Covid -19 di rajaei dahlau.

   Negar Anh jeng negar camriep abih di Châu Âu hu labaih 100 ribau urang metai kayua jit praong Covid-19.Tui pathau khan di Mintri Y tế Anh, kuhria tal puac harei kabroi (26/01), negar ni hu labaih 1 ribau 600 urang metai kayua Covid-19, patagok dom urang metai kayua jit praong tal labaih 100 ribau 100 urang. Kayua yau nan ye, ni lac negar hu manuac metai glaong abih di Châu Âu saong dang di ka 4 di dunya, hadei di Mỹ, Ấn Độ saong Bra-xin.

Muk  Kaja Kallas harei karoi hu tuyên thệ ngak Thủ tướng di Rajaei liên minh dua đảng birau di Estonia saong hu jeng urang kumei  ngak Thủ tướng akaok meti di taneh ia ini kuhria meng tuk mek hu bebat di thun 1991. Bruk muk Ca-lát tagok rai daok ba taneh ia Baltic hu jeng sa taneh ia di dunya hu Thủ tướng saong Tổng thống lac urang kumei. Jeng dalam harei  nan, jabat hukum di Estonia jeng njauk hatai brei tapa rajaei hu 15 urang di Thủ tướng Kallas ./.

Urang lang: A.Nghiêm & Thu Thảo  27/1/2021 10:44:20