Dom urang pal akaok hu mbaok di nyaom roya 

Harei ni (28/9), Đảng bộ Quân đội peih nyaom roya mbang ka  11. Meng bruk hu mbaok di 450 urang, Nyaom roya  Đảng bộ bol bala mbang ka  XI hu cong lac  Nyaom roya pambak prong dalam Đảng. Tổng Bí thư, akaok negar Nguyễn Phú Trọng mai hu mbaok song tacei pato nyaom roya. Dalam harak pathau khan Chính trị di nyaom roya  hu ndom tal  12 bruk piah dak padang bol bala  tal thun  2030 lac bol bala salih bahrau. Njauk caik hatai, piah peih ngak bruk ni, sa dalam dom jalan ngak hu ba tabiak lac jhul khang bruk công nghiệp quốc phòng, rik dong prong tame bruk salih bahrau  bol bala .

Dah page ni (28/9), ngak tui bruk ba tabiak di Ủy ban MT negar Việt Nam TPHCM; urang jaka, công chức, urang ngak bruk di dom jabat Thành ủy, HĐND, UBND hu rik tame sa harei jien bilan daong ka kadung "brei ka urang kathaot " di ban raya thun 2020. Tapa peih ngak, urang jaka, công chức ureang ngak bruk dalam jabat di dom Ban Thành ủy, Ủy ban pasang iek saong jabat Thành ủy halain hatian rik daong 495 triệu đồng. Jeng dalam harei ini, urang jaka, công chức, urang ngak bruk dalam jabat lambaok Quốc hội saong HĐND, Jabat UBND TP.HCM jeng ngak tui bruk ba tabiak, rik daong sa sa harei jien bilan daong kadung "brei ka urang kathaot" di ban raya.

Taong abih 6 anek saih di kapul negar  Việt Nam tame pakacah  Olympic Toán học dunya mbang ka  61 thun  2020 jeng mek hu  giải, dalam nan hu  2 Huy chương meh, 1 Huy chương pariak, 2 Huy chương ban  song 1 harak meyaom. 2  anek saih mek hu Huy chương meh lac adei Ngô Quý Đăng, anek saih tal 10 sang bac  Trung học phổ thông chuyên Khoa học Tự  nhiên song adei Trương Tuấn Nghĩa, anek saih tal 11 sang bac Trung học phổ thông chuyên Khoa học Tự  nhiên (ĐH Quốc gia HN). Mbang pakacah  Olympic Toán học dunya mbang ka  61 thun 2020 kayua Liên bang Nga peih ngak tui jalan pakacah online song hu mbaok di 616 anek saih di 105 negar song bhum taneh  

Dah page ni (28/9), urang jaka ban Vũng Tàu, tỉnh Bà Rịa- Vũng Tàu peih bruk katek mek veik labaih 7.700 m2 taneh kanja njauk urang lih mek ngak sang suan hukum. Taneh nan lac taneh kayua UBND tỉnh taduan chuyển nhượng meng gilang pariak Công thương. 3 baoh sang hu taduan mek jien daong 6 bilan pah sang saong jien panduan ba meng kanja min jeng daok meblah mek taneh kanja. Taong abih taneh hadei di tuk mek viek meda hu jao ka pasak patagok quỹ taneh di tỉnh piah ngak jeng quỹ taneh hacih rami ramik đô thị, cak rok patagok kinh tế- xã hội.

Đài khí tượng thủy văn bhum Nam Bộ rei thau bilan hajan thun ni mai te. Hajan di Nam Bộ meng harei  16 tal 18/5. Hu dom tỉnh yau  Vĩnh Long, Cà Mau bilan hajan meng puac bilan 5. Bilan ribuk thun ni jeng mai suai jang duh song rilo thun, tui kuhria meng ni tal puac thun hu  6-8 mbang ribuk angaok Biển Đông. Jeng tui kuhria mboh dahlau, tabung glong ia ndik thun ni  di krong Cửu Long di tanut beir, kayua yan nan ye akaok dom bilan thu ia njom mbak di bhum krong Nam Bộ mai avar jang, glong jang, khang jang thun bloh.

Dunya bahrau yam tal tanut biak pandik harao tuk hu labaih 33 triệu urang njom ruak Covid-19, dalam nan 1 triệu urang metai. Dom urang metai jeng daok tagok saong dom labik tamuh jit praong daok rahtabiak bahrau. Dom negar jeng daok jhul khang bruk ngak tabiak vắc-xin pacang caga Covid-19. Urak ni hu 9 janih vắc xin daok hu ngak iek di vaktu puac abih saong hu dom janih daok caong lac hu ba tame pandar di thun 2021. Min, dom chuyên gia brei thau lac, bruk siam di abih piah jhul kadun likuk jit Covid-19 jeng daok lac njauk pandar dom jalan pacang caga di dunya. 

Trung Quốc dok pablei veik rilaow pabui khik piah dalam gilang di harei page (29/9) tui jalan to yaom, piah khik tani tanat yaom kaom drak pasa dalam tuk padeih Quốc khánh song Trung Thu dui atah 8 harei. Ni lac mbang ka  35 dalam thun ni  Trung Quốc njauk pablei rilaow pabui meng gilang khik piah  Trung ương abih tih tagok tal  600.000 tấn. Oh lac yau nan, harei  22/9 meng bloh, Trung Quốc mbang camereip dok pablei rilaow kabec  song rilaow limo anak bruk tagok yaom  . Yaom rilaow pabui di dom drak pasa prong di negar ni lac  labaih 156.000 đồng Việt Nam sa kg.

Kuhria tal dah page ni, dom urang njauk bala dalam bruk jalieh tatua di gah langiu ban ine Mát-xcơ-va (Moscow) di Nga tagok tal labaih 50 urang. Tui hãng thông tấn Tass, hu jaik 20 urang njauk rambuac biak trak, urak ni oh ka mboh urang halei metai. Dahlau di nan, dah page 27/9, sa mbaik tatua ka urang nao takai glaong labaih 4m, atah 35m jalieh trun di labik peih kadha praong di sa công ty. Jabat jaka Liên bang Nga daok peih bruk pasang iek, duah thau makna ba tal bala ni./.

Urang lang: Thu Thảo -Hanipha