Tỉnh Tiền Giang dok samar peih bruk tam drak bilan Xuân Hè

Harei ni (29/03), Quốc hội yam tame sa adit ngak bruk birau ngan haong rilo asal kadha hu makna praong. Quốc hội daok ginum biai di hội trường ka dom pathau khan ka bruk ngak tukvak 2016-2021 di akaok negar, rajaei. Abih di nyu nan lac, dalam adit Quốc hội meda pilih ruah akaok Quốc hội, akaok Hội đồng pilih ruah negar. Akaok Quốc hội bahrau meda tuyên thệ taduan bruk ngak anak Quốc hội. Dalam adit, Quốc hội meda miễn nhiệm akaok negar, Thủ tướng meng jalan buh phiếu kandauk. Bruk pilih ruah menuac pan akaok rajaei dalam mbang nyom ini hu peih ngak njauk adat di Đảng saong hukum di kanja, gam khik kajap jalan ngak di Đảng ka urang par akaok, ka bruk urang jakar dalam hệ thống chính trị, gam ngak njauk tui Hukum negar saong hukum ka bruk peih ngak di dom jabat kanja, khik tani tanat dalam bruk pato tacei padang ngak dom bruk cak rok patagok kinh tế - xã hội, quốc phòng, an ninh, đối ngoại... di taneh ia.

Panuac khan di Cục khik ramik iek ruak, mintri  Y tế brei thau, kuhrai tal mesup harei 29/3, dalam negar urak ni hu 44.833 urang taom gaok jiak song tame taneh ia meng bhum jit dok hu tui iek pren yava  Dalam dom urang ruak dok iek ruak  di dom labik y tế, 30 urang hu dut iek  âm tính mbang ka sa song SARS-CoV-2; 38 nurang âm tính mbang ka 2,  57 urang âm tính mbang ka 3. Khaw tin meng danak dak klauk jru  peih prong pakat negar  brei thau, harei 28/3, hu 862 urang hu klauk  vaccine COVID-19. Yau nan, tal harei  28/3, Việt Nam hu  45.140 urang lac urang jakar, urang ngak  y tế dok iek ruak tapak ka  urang ruak COVID-19, dom urang ngak y tế peih dom bruk yau dut iek anek ruak,  dut iek drah, duah urang ruak, urang dalam kapul COVID-19 bhap bini  song mban tacei jalan pacang caga jit hu klauk  vaccine.

Harei ni (29/3), Thủ tướng rajaei Nguyễn Xuân Phúc mbaoh tangin brei tabiak sarak tacei tabiak cambaih laih saong jalan peih ngak sarak ka 119/2020/QH14 harei 19 bilan 6 thun 2020 di Quốc hội ka ngak iek kanja đô thị saong dom sarak karei piah cak rok patagok ban Đà Nẵng. Tui sarak ni, urang ngak bruk di Ủy ban bhap bini phường daok dalam biên chế công chức di Ủy ban bhap bini quận di ban Đà Nẵng saong kayua Ủy ban bhap bini quận di ban Đà Nẵng khik ramik, brei bruk.

Urak ni, dom huyện, ban sit  pasang iek ia sua di gah pai tỉnh Tiền Giang dok samar yuak padai Đông Xuân, saong peih bruk tam drak bilan Xuân Hè. Meng hu yau nan, tal puac bilan 3/2021, dalam tỉnh trun pajaih hu 22.800 ha bilan  Xuân Hè, mek hu jiak 73% tanut batabiak ,. Mblang taneh dok veik daok samar hu trun pajaih song tui kuhria ngak salah bloh dalam dom harei akaok bilan 4/2021. Langiu di nan, mik va dok pala pabak 2.222 ha njam patam padai brah, 27.500 ha njam patam pandap mbang

Chi cục Kiểm lâm tỉnh Tây Ninh brei thau, kayua langik pandiak meng rilo harei tapa, jaik 70.000 ha glai di dalam tỉnh daok di tanut pakat V, lac pakat biak kan kandah. Urak ni chi cục hu pambuak haong dom kapul pambuak tal saong labik pasang iek pacang caga khuah glai hu 15 mbang di labik glai pakat negar Lò Gò - Xa Mát, labik glai pacang caga Dầu Tiếng, labik rivang main pakat negar ceik Bà Đen saong labik glai di 2 huyện Châu Thành, Bến Cầu.

Sa urang tong bom pametai rup eng hu ngak brei patuh baoh bom bak angaok rup di gah langiu sa  nhà thờ Công giáo di ban Makassar, Indonesia mesup 28-3. Bruk patuh nan rah tabiak tuk hu rilo menuac pataom gauk dalam nhà thờ, ngak takik di abih 14 urang njauk rambuac song 1 urang metai. Khaw tin Indonesia ba panuac khan di linh mục Wilhemus Tulak brei thau  urang tong tame khin peih radeih patuh tame mblang bein nhà thờ dahlau di tuk  brei patuk bom min njauk urang khik caga pacang veik. Tuk vak ni hu rilo menuac dalam  nhà thờ. Thaot binguk meng camera an ninh jiak nhà thờ brei mboh hadei di tuk njauk pacang veik di anak pabah mbang, urang nan brei patuk  bom ba tui rup  di gah langiu nhà thờ. Makassar lac ban prong di abih  angaok palao Sulawesi, hu rilo menuac tui agama Islam. Dom urang tui agama Công giáo hu biak takik di ban ni.

Tổng thống Vênêzuêla Nicolas Maduro harei kabroi hu panuac caong mek manyek piah biyar jien blei vắc-xin caga Covid-19. Pablei tabiak manyek tamo di Vênêzuêla la trun tanut bier di abih dalam dom piluh thun meng di tuk Mỹ taong phat Tập đoàn manyek pakat negar, pacang bruk pablei manjek tabiak di Vênêzuêla tal Mỹ saong ngak catang haong rilo taneh ia blei manyek di Vênêzuêla. Tổng thống Ma-đu-rô brei thau negar ni daok duah jalan biyar jien vắc-xin caga Covid-19  tapa dom paok jien di Vênêzuêla njauk kreik veik dalam dom paok jien di negar langiu saong meng manyek di negar ni.

Dom kham merat piah dui kapan Ever Given dok gar di kênh đào Suez, jalan pajeng ba biak prong dalam bruk palei salih Á-Âu, daok yam tapa  harei ka 6 bo oh ka ngak hu hagait. Labaih 360 kapan dok gar di Địa Trung Hải nao gah brak kênh đào song di  Biển Đỏ gah deih jang yau dom labik padeih pataok meng di tuk kapan Ever Given pacang gar kênh đào Suez harei 26/3. Dom urang ilamu kuhria mboh lac dompandap yaom abih tih meng 3 tal 9,6 tỷ USD dok mbleing mblang angaok tasik song mbuan gaok bala. Langiu di pandap panda, labaih 130.000 drei athur jeng dok cang angaok 11 sruh kapan meng Romania ngak brei oh takik urang suh sah ka pandap mbang saong ia menyum caga ka tapol athur ni meda thu abih kayua tuk vak dok gar veik biak suai lavik./.

Urang lang: Hani Pha – Thu Thảo – 29/03 15:59:32