Meng ni tal puac thun, labaih 60.000 labik ngak bruk palih ruah bahrau di ban raya dok cang urang ngak

Yaom lac gaok biak rilo kan kandah kayua jit Covid-19, min dalam 10 bilan thun 2021, dalam negar jeng hu 31 janih pandap pablei tabiak negar langiu hu labaih 1 tỷ USD, meblah 92,4% yaom pandap pablei tabiak negar langiu. Ini lac khaw tin meng jabat yaok pataom pakat negar harei 29/10. Ngak tui Sarak ka 128 di Rajaei, bruk pablei salih dalam negar saong pajeng ba pasiam veik dalam bilan 10. Yau nan min, bruk pablei pandap tabiak negar langiu daok gaok kan kandah kayua jit ruak, kuhria taong abih jien mek tame meng bruk pablei pandap tabiak negar langiu di bilan 10 trun 0,4% dut saong bilan 9 saong tagok 4% dut saong tukvak ini thun dahlau.

Harei ni (30/10), TP.HCM peih sàn giao dịch bruk ngak online haong 13 tỉnhban ĐBSCL duah bruk ngak ka bhap bini, pabak bruk caong hu urang ngak di doanh nghiệp. Anak tal, ban raya hu peih sàn giao dịch bruk ngak bahrau song rilo tỉnh, ban karei. Sở Lao động Thương và Xã hội ban raya HCM brei thau, urak ni hu labaih 121.300 doanh nghiệp di ban raya peih ngak veik, ngan song abih tih 1,8 triệu urang ngak. Meng ni tal puac thun, labaih 60.000 labik ngak bruk palih ruah bahrau di ban raya dok cang urang ngak.

Sở Du lịch tỉnh Bà Rịa-Vũng Tàu birau tabiak mbaok blah web điện tử dulich saong brei thau bruk ba tabiak ngak danak Nyaom darak Du lịch online tỉnh Bà Rịa - Vũng Tàu thun 2021. Ini lac bruk peih mbaok ka danak pachreih dulich, caga ka tuk hadei di pa-atah di gauk piah yaih khan angan dulich di tỉnh. Daok Nyaom darak Du lịch online tỉnh Bà Rịa - Vũng Tàu thun 2021 kuhria peih ngak di bilan 12 thun 2021 angaok blah web pablei salih điện tử dulich tỉnh ngan saong rilo pachreih ba, peih tabiak jalan ngak mbang pablei salih chreih chrai angaok online.

Yaom liu thu di tỉnh Bến Trẻ tagok khang veik . Dahlau di nan, kayua jit COVID-19, li u thu yaom meng 50.000-70.000 đồng 12 boh min urak ni yaom tagok jang 2 mbang, meng 120.000-130.000 đồng/12 boh. Taphia bruk blei rilo kayua dom sang mac ngak li u peih ngak veik , makna biak prong lac boh li u Bến Tre dok tabiak truh drak pasa Trung Quốc, pablei tapa labaih sang 50 taneh ia di dunya. Urak di tỉnh Bến Tre hu labaih 74.000ha li u, ngan song 645.000 tấn/sa thun

Bộ Tư lệnh TP.HCM brei thau: tui kuhria meng harei 1/11 brei kapol nyaom taduan drap ar, pandap pandar bo urang metai kayua jit Covid-19 caik veik; yaok pataom, padang angan; pacang veik, pruh jru pametai anek ruak, khik ramik drap ar, pandap panda. Gam haong nan, brei pambuak saong jabat chức năng, karja palei duah labik, gauk gar, baoh sang urang plang lahik piah jao veik. Ngan saong urang metai kayua covid-19 di tỉnh, ban karei, oh daok gauk gar di Ban raya, Bộ Tư lệnh TP pambuak saong Bộ Chỉ huy quân sự dom tỉnh, ban peih bruk jao veik pandap panda drap ar ka gauk gar di urang nan.

Tổng thống Mỹ Joe Biden dok jhul khang bruk pandar cai bahrau yaom 1,75 ribau tỷ đôla. Jalan ngak nan hu gam labaih 500 tỷ đôla buh ka bruk patrun phát thải khí sang camin. Langiu di nan, dalam tuk langik tasik dok kanyah jhak rah tabiak grauk labik dalam negar Mỹ dalam thun tapa ngak khat lahik yaok tỷ đôla, Tổng thống Biden kuhria buh tabiak 100 tỷ đôla ka padang ngak bruk pacang ia ndik ia sua, pandiak bhang song khuah glai.

Labaih 100 trieu urang Ấn Độ nduac dauk vaccine Covid-19 tuk klak oh klauk mbang 2, ba tal duh hatai ka bruk tamuh jit ruak birau. Langiu di bruk mbuan njom Covid-19, tapa nan meda ngak tayah bruk daok pamong tal di Rajaei Ấn Độ brei klauk jru ka taong abih urang dam dara di harei 31/12. Mentri Y te Ấn Độ daok pachreih dom bang langah bruk nan saong brei thau lac meng bilan hadei, urang gah y te nao tal yaok bao sang duah urang dauk klauk jru. Ấn Độ hu klauk jru mbang sa ka 725 trieu urang, sumu 77% dalam 944 trieu urang umo dam dara, saong mbang dua ka 316 trieu urang, sumu 34%.

Dom urang thiên văn học bahrau duah mboh hành tinh camereip di langiu dải Ngân hà. Yau nan, meunac sia dok yam jiak tal bruk duah thau dom labik ka oh thau tal di vũ trụ. Hành tinh oh ka hu angan meda lac di gah thiên hà xoắn ốc Messier 51, dok ieu lac thiên hà Xoáy nước, atah di boh taneh labaih 28 triệu thun ia harei. Meng di thun 1990 mbiah tal ni, dom urang thiên văn học duah hu labaih 4.000 hành tinh, min abih di nyu dok dalam dải Ngân hà

Urang lang: Ai Nghiem – Hani Pha – 30/10