Nyaom roya pakat negar pakat negar Kapol gru jru Việt Nam mbang ka IV, tukvak 2020 -2025

Brei panuac di var hop mbao hadei di tuk tamat mbang nyaom 43 di Ủy ban 2 Rajaei Việt Nam –Lào, Thủ tướng Nguyễn Xuân Phúc ndom lac, mbang nyaom peih nga hu jak jeng, mek hu rilo siam mekre praong rik daong ka talei rohim Viet Nam – Lào kahng kajap jang. Dua gah hu ba tabiak rilo jalan ngak khang njauk saong raidiuk, abih di nyu lac pacheih dom palei, mentri, dom gah daong ka gauk tui jalan lac “ asar sara paik jeng dua, sa gar njam jaoh meteh” anit ranam gauk di dua taneh ia Việt – Lào. Ndem ka mbang ginum biai, Thủ tướng Nguyễn Xuân Phúc brei thau, dua gah njauk sa jalan pambuak gauk di taong abih gah di dua taneh ia dalam 5 thun tapa saong thun 2020 hu rilo bruk cak rok patagok biak siam yaom lac bruk rah tabiak di dunya saong dalam bhum hu rilo kan kandah, abih di nyu lac khat lahik trak kayua jit Covid-19, bala ia hajan ribuk sua, dalam luac tukvak tapa.

Harei ni, 7-12, mbang nyaom ka 23 HĐND TPHCM mbang ka IX hu peih rabiak, tui kuhria hu dui atah tal abih harei 9-12. Di mbang nyaom, dom urang hu ginum biai ka bruk kinh tế - xã hội thun 2020 jang yau bruk ngak, jalan ngak patagok kinh tế - xã hội thun 2021 gam song rilo asar kadha prong karei karei yau pasang iek dom sarak di UBND TPHCM song klaak dom danak dak njauk mek veik, danak dak hu salih bruk pandar taneh pala padai di ban raya; harak pathau khan ka bruk patabiak yaom mek jien pandar danak dak kết cấu hạ tầng, danak dak dịch vụ, tiện ích công cộng labik pabaah lamgge tasik do di TPHCM. Mbang nyaom jeng hu tong yaom bruk peih ngak kadha thun 2020 “Jhul khang bruk ilamu song padang rai duik ilamu bahrau”; danak dak patrun kan kathaot khang kajap TPHCM tuk vak 2021-2025…

Tapa hu 5 harei blaoh, Ban raya HCM oh hu urang halei njom ruak Covid-19 dalam bhap bini. Pasak Pasang iek jit ruak Ban raya HCM mek 3.263 mẫu darah di dom urang hu taom gaok dom urang dương tính piah dut iek ruak, dalam nan 861 mbang urang taom gaok jaik, taong abih lac âm tính. Ban raya brei patui veik bruk pasang iek kapol urang ba tuai ndik kapal haok di dom mbang par nao negar langiu hu daok veik dalam ban; peih praong bruk dut iek dom kapol nyaom urang mbuan njom mbak ruak glaong, brei urang negar langiu tame mai daok karei tui bruk ba tabiak di karja, tui iek dom urang brei daok karei di dom tỉnh, ban karei mai labik ini.

Mintri Y tế dok dong saong ba mbuan lagaih ka dom gah ngak vaccine yau patrun patakik di abih dom harak gar song langyah samar bruk tut angan tame, brei adat ka pandap. Taphia di nan bruk samar jhul pasamar tuk vak ngak tabiak vaccine dalam negar, hu ginum biai, njauk gauk haong dom gah di negar langui piah Việt Nam samar hu vaccine Covid-19. Mintri Y tế hu panuac ieu dom tỉnh ban peih ngak dom jalan pacang caga jit Covid-19: pasang iek urang taom gaok song urang hu dut iek vi-rút SARS-CoV-2 dương tính; peih ngak catang bruk sàng lọc, brei dok karei song dut iek drah tong abih dom urang halei medhi song patui ngak siam Bộ tiêu chí iek siam mekre pacang caga Covid-19 song dom jit ruak viêm jalan suah yava . Pathau khan tacei pato bhap bini peih ngak ginup dom panuac kakei pacang caga jit dalam tuk vak bahra, peih ngak siam 5 bruk lac: (patiah pacang - pametai anek ruak – paatah di gauk – oh pataom rilo menuac – khan brei thau bruk y tế).

Di Nyaom roya pakat negar pakat negar Kapol gru jru Việt Nam mbang ka IV, tukvak 2020 -2025, ribau peih pakak di Hà Nội harei 6/12, Trung ương Đoàn Dam dara CS Hồ Chí Minh, Trung ương Kapol Liên hiệp Dam dara Việt Nam meyaom 10 gru jru daok ranaih umo naih gheih thun 2020. Ini lac giải thưởng bhian thun hu peih ngak meng thun 2008 piah meyaom ka dom bruk ngak siam, naih gheih di dom gru jru dalam bruk iek ruak, khik caga preih yawa bhap bini, roh duah ilamu, halam tian abaih hatai daong bruk iek ruak ka bhap bini.

Hãng jru Pfizer di Mỹ bahrau lakau adat brei pandar vắcxin pacang Covid-19 di Ấn Độ (negar dok lac bhun jit prong ka 2 di dunya).Vắcxin kayua Pfizer ngak tabiak bahrau di ni hu karja Anh brei pandar. Tui dom urang jakarc Ấn Độ, jabat khik ramik jru di Ấn Độ, bhian di nyu abih 90 harei piah tabiak bruk brei adat ka vắcxin min bruk vắcxin di hãng Pfizer meda hu jhul samar jang. Ân Độ urak ni hu labaih 9,57 triệu urang njom Covid-19, dang ka 2 di dunya hadei di Mỹ song jiak 140 ribau urang metai

Rajaei Hàn Quốc birau brei patagok bruk pa-atah di gauk di labik đô thị tagok pakat ka 2 kayua urang birau njom ruak Covid-19 yaok harei tapa 600. Tui nan, tanut glaong pakat 2 dalam bruk brei thau dahlau 5 pakat hu ba tame pandar di bhum ban ine Sơ-un dalam 3 adit, meng harei paguh 8/12. Jalan ngak nan meda ba tal hukum pakauk oh brei pataom rilo manuac meng 50 urang tagok. Dom siêu thị praong saong labik peih phim thaot binguk pakauk hadei mong 9 tuk melam. Harei 6 bilan 12, dom urang njom ruak yaok harei di Hàn Quốc tagok 631, glaong di abih dalam 9 bilan.

Hu tkik di abih 13 urang metai kayua ia sua tagok glong di tỉnh Nakhon Si Thammarat, gah merong Thái Lan. Dalam rilo harei tapa, tỉnh ni hu hajan biak khang. 6 tỉnh gah merong njauk dauk trak kayua hajan dui atah meng puac bilan 11.Abih tih hu labaih 321.050 boh sang di 2.680 palei di 66 huyện dalam 6 tỉnh hu ia ndih ia sua. Karja pak ni dok kham merat pabak dom jalan dong duah chip./.

Urang lang: Ái Nghiêm – Hani Pha - 07/12 10:44:55