Harei ni haong harei paguh, nyaom roya pakat negar mbang ka 13 di Đảng daok ginum biai ka bruk menuac ngak. Bruk urang jaka yang yau bruk menuac ngak bruk di yaok mbang nyaom roya Đảng tuk halei jeng hu makna praong di taneh ia, hu Đảng drei thau lac bruk praong, pambuak pagam tal thar vak saong bruk pan akaok di Đảng, bruk daok atau lahik di chế độ saong bruk patagok di taneh ia. Rilo urang caong lac, mbang roya ni bruk menuac ngak hu caga biak siam, iek glaong, khang kajap, dân chủ, công tâm, meda pilih hu dom urang jaka naih gheih di abih.

Pamaong tal Nyaom roya Đảng pakat negar mbang XIII, dom urang taha palei, urang hu ngan je bhum urang bangsa takik di dom palei payua dom panuac anit ranam saong jia tame sa vaktu Nyaom roya birau.Taha palei Ynag Jiong, bangsa Churu, xã Tà Hine, huyện Đức Trọng, tỉnh Lâm Đồng jia lac Đảng brei palih ruah hu urang naih joi, diuk rai siam gheih tame ngak bruk. Ong Yang Jiong brei thau, dom thun tapa, urang bangsa takik daok di bhum atah bayah hu mbang tui rilo danak dak, sarak daong biak lagaih saong riadiuk. Mikva bangsa Chu Ru biak jia tame jalan tacei ba, sarak di Đảng. Daok sa-ai Điểu Dương, Urang hu angan je di bangsa Xtiêng, palei Bình Hà 2, xã Đắc Kia, Bù Gia Mập (Bình Phước) jia tame Nyaom roya palih ruah dom urang naih joi piah ngak bruk daong taneh ia. Sa-ai Điểu Dương caong khin Đảng sangka dahlau brei buh jien padai rilo jang ka bhum urang bangsa takik. Ngan saong ong Vòng Nhì Sập, Urang hu angan je bangsa Hoa, xã Bình Lộc, TP. Long Khánh (Đồng Nai), vaktu tapa, Đảng, Karja  ngak salah siam jang rilo bruk hu mak na praong dalam. Ong caong khin Nyaom roya mbang ini brei palih ruah dom urang jakar ngak praong brei iek praong bruk kein laba di taneh ia, bangsa dang akaok, thau anit ranam, sangka kuhria ka bhap bini.

Harei dam dara ba gauk ngak salam uan jak jeng di nyaom roya pakat negar mbang ka 13 di Đảng saong harei padang Đảng cộng sản Việt Nam meda hu peih tabiak di harei 3/2 anak tal di 3 labik lac: Hà Nội, Đà Nẵng saong ban raya Hồ Chí Minh, hu mbaok di rilo urang đoàn, dam dara di dalam negar saong dam dara di negar langiu. Hadei di tuk ba tabiak, 90 labik ngak salam uan di 63 tỉnh, ban saong 1 labik peih bruk salam uan di negar Cộng hòa Dân chủ bhap bini Lào meda hu peih tabiak ngan haong rilo asal kadha. 

Tỉnh Long An urak hu 12.000 hecta taneh pala thanh long, dalam nan labaih 10 hecta brei baoh. Thanh long daok trun yaom, ngak ka mikva pala thanh long gaok rilo kan kandah, dom urang tak klak bein thanh long, salih tapa pala phun karei. Tukvak anak tal, tỉnh brei patui veik bruk ptaom tame padang ngak bhum taneh thanh long pandar công nghe glaong di taneh praong 6000 hecta, brei peih ngak chỉ dẫn địa lý “Châu Thành Long An” ka baoh thanh long. Tui nan, brei ngak salah mã số labik pala piah thau asar, paglaong asar siam saong peih praong darak pablei baoh thanh long.

Dom harei tapa, rilo urang daok trọ di Bình Dương bui sambai tuk po trọ brei thau lac trun meteh yaom jien pah bilik dalam bilan 2/2021 – bilan padeih Tết nguyên đán thun sak kubau 2021. Bình Dương urak ni hu labaih 1,2 triệu urang ngak daok ngak bruk di dom doanh nghiệp, rilo meng lac mai meng dom tỉnh karei. Thun 2020, kayua kan kandah di jit Covid-19, rilo doanh nghiệp oh hu đơn hàng ba tal yaok rituh urang ngak lahik bruk, jien mek tame trun. Jien mek tame oh tani tanat yau nan ye raidiuk di  urang ngak daoh atah palei di Bình Dương biak kan kandah, dom urang nan biak duh hatai jang tuk Tết nguyên đán daok jaik mai tal. Kayua yau nan ye, ni lac bruk ngak hu makna daong ka dom urang ngak patak pataom jien, meng Tết hu siam mekre.

Rajaei Anh brei tame veik 3 taneh ia nan lac dom Tiểu vương quốc Ả Rập Thống nhất,  Burundi saong Rwanda tame angan dom taneh ia pakauk nao mai piah pacang caga njom pambak vi-rút Sars-Cov-2 salih karei. Akok Mentri Giao thông Anh Grant Shapps brei thau, adat pakauk hu peih ngak meng harei 29 bilan 1. Tui nan, taong abih dom tuai damuai oh njauk urang negar Anh, Ireland saong bhap bini negar ka klau  brei daok veik di Anh tal tuk atau daok piah tapa dom taneh ia angaok nan dalam 10 harei tapa oh brei tame negar Anh. Dahlau di nan, Anh jeng pakauk dom mbang nao dulich meng 22 taneh ia mbuah tamuh jit ruak glaong  ka vi-rút Sars-Cov-2.

Urak ni jit Covid-19 mboh yau daok tamuh gilac veik di France tapa bruk lac labaih 27 ribau urang njom bahrau yaok harei, tanut glaong abih di kreih bilan 11/2020. Dom urang tame sang iek ruak piah taong ruak saong mboh trak njauk taong ruak chip jeng daok tagok glaong dalam dom harei tapa. Tui kuhria rajaei France meda ba tabiak adat pacang cakak dalam negar mbang ka 3.

Ấn Độ lac sa dalam dom taneh ia nao dahlau di dunya dalam bruk ngak tabiak, pablei vaccine Covid-19. Ini lac panuac di Tổng thư ký Liên Hợp Quốc, Antonio Guterres khan saong gah mbao chi di jabat Liên Hợp quốc ở New York- Mỹ. Ong Antonio Guterres  brei mbih hatai caong khin ka bruk rik daong di Ấn Độ ngan saong danak dak klauk jru di dunya. Ấn Độ kham merat brei klauk jru ka labaih 300 trieu urang taha saong dom urang hu ruak dalam rup di kreh thun ini. Gam saong nan, Ân Độ patui bruk peih ngak sarak “ pambuak bruk blei vacccin”. Dom vaccin kayua Ân Độ daong hu di 8 taneh ia dalam bhum taneh./.

Urang lang: Ai Nghiem & Thu Thao - 30/01/2021