Akaok QH Vuong Dinh Hue hu panuac ndom pak di mbang nyaom 

Phó Thủ tướng Phạm Bình Minh birau iew UB Bangsa samar pambuak bruk saong dom mentri, dom gah piah ngak salah dự thảo Sarak di Thủ tướng Rajaei patabiak jalan ngak, tanut parabha phun jien di kadung jien karja piah peih ngak Danak dak pakat negar cak rak patagok kinh te - xa hoi bhum urang bangsa takik saong bhum ceik vaktu 2021-2030 saong pok tagok Rajaei patabiak dalam bilan 12 ini piah sumu peih brei phun jien di karja. Dalam danak dak ini ba tabiak bruk brei paglong jien mek tame ka urang bangsa takik  tagok labaih 2 mbang dut saong thun 2020; ba baoh sang kathaot dalam bhap bini bangsa takik yaok thun trun labaih 3%; kham merat hu meteh dom xã, palei tabiak truh angan biak biak kan kandah…; Khik ramik saong patagok dom ilamu siam gheih meng kan di dom bangsa.

Harei ni,rah tabiak mbang 2, Mbang  nyaom ka 6 di Ủy ban thường vụ quốc hội (TVQH). Dalam mbang nyaom ni, Ủy ban TVQH pasang iek dự thảo sarak ka bruk jien padai, jien dong peih ngak danak dak pasiam song patagok  kinh tế - xã hội; Pasang iek bruk ramik veik  sarak di  Ủy ban TVQH ka dom bruk cai pandar ka bruk ngak di  Quốc hội; pathau khan bruk dân nguyện bilan  11 di Quốc hội; pasang iek brei tapa danak dak , bruk ngak thun  2022 di Ủy ban TVQH. Gam haong nan, brei panuac ka dự thảo sarak ngak iek dom bruk biak karei ka  patagok ban Cần Thơ.

UB Mặt trận Negar Viet Nam Ban raya HCM birau taduan paok jien rik daong tame Kadung jien “Daong ka urang kan kanthaot” meng dom kapol  nyaom, D.N, menuac urang ngan saong yaom jien jaik 56 tỷ đồng piah kuhria Tet thun anek sak Rimong 2022 ka bhap bini  hu raidiuk kan kandah. Muk Tô Thị Bích Châu- Akok Uỷ ban Mặt trận Negar Việt Nam Ban raya HCM brei thau: meng pok jien ini, Uỷ ban Mặt trận Negar Việt Nam Ban raya peih bruk sangka daong mbang Tet thun anek sak Rimong 2022 ka urang bangsa takik hu raidiuk kan kandah; baoh sang jaik kan kathaot; urang taha daok sa drei; uranaih metui medhar kayua Covid-19 …yaok paoh pandap yaom 1 trieu dong. 

Dom tỉnh ban di bhum  Đông Nam Bộ dok samar klauk vaccine Covid-19 ka urang ngak mai ngak bruk veik piah samar pabak urang ngak tame ngak bruk. Urak ni, urang njom COVID-19 di bhum Đông Nam Bộ tagok veik dalam tuk vak jiak di ni, sa binah makna di nyu lac kayua njom mbak meng urang ngak mai ngak bruk veik. Min, dom urang ngak ni, kayua rilo makna  jeng oh kahu klauk ginup vaccine. Kayua yau nan ye, gam haong bruk kuhria caga menuac urang piah klauk mbang ka 3, dom tỉnh ban di  Đông Nam Bộ kham merat klauk abih jru ka urang ngak. Tui kuhria  Đông Nam Bộ hu labaih  530.000 urang ngak mai ngak bruk veik  meng ni tal hadei di Tết Nguyên đán..

Dom harei jiak ini, tỉnh Cà Mau tuk halei jeng hu labaih 1.000 mbang urang njom Covid-19, daok dalam nyaom hu urang birau njom ruak rilo abih dalam negar. Piah patrun patakik urang njom ruak dalam bhap bini, Akok UB bhap bini tỉnh Ca Mau tacei pato dom huyen, ban sit Cà Mau brei pasang iek, pathau khan cambaic laic kayua halei jaik abih dom urang ruak ini oh ka hu klauk jru vaccine. Langiu di nan, brei padang angan dom urang hu ginup prein klauk vaccine min oh klauk jru, brei ngak harak sanya, meyah njom Covid-19 ye brei buh jien tabiak piah iek ruak saong oh brei hu mbaok tame dom bruk ngak hu rilo manuac tui bruk ba tabiak pacang caga jit bo bhum palei daok ngak tui. Tui nan, iew Sở Y tế samar padang ngak veik bruk  mek mẫu dut iek ruak saong bayar harak dut iek ruak tui jalan takik harak gal, samar drah jang. 

Biến thể Omicron dok njom mbak samar di dunya tuk jiak  90 taneh ia, bhum taneh hu dom urang njom biến thể bahrau, Tổng Giám đốc gah  Y tế dunya (WHO) ndom lac, biến thể njom samar jang duh song  biến thể Delta song dom urang klauk pacang  vaccine atau pasiam veik tuk abih ruak COVID-19 rilo meda njom atau ruak veik. Dahlau di nan, WHO hu ba Omicron tame angan  "dom biến thể njauk huac” di  virus SARS-CoV-2, hadei di tuk duah hu  biến thể ni. Min, urak ni,  bruk njom mbak  ngan song tanut trak damak di dom urang biến thể ni dok oh ka  thau hu cambaih laih.  

Ban ine Washington D.C. di Mỹ hu tabiak bruk samar chip, kayua urang njom Covid-19 tagok biak rilo. Tui nan, bruk pacap bhap bini cuk pataih pacang mbaok di dom labik công cộng dalam sang abih labik dalam ban hu peih ngak veik. Langiu di nan, bruk pacap klauk jru njauk brei ngak ngan  saong urang jakar palei jeng hu peih ngak. Tui Yam ndoc Sở Y tế Washington D.C, urak ini hu 97% urang ruak Covid-19 di ban njom biến thể Delta saong labaih 3% njom bien the OMICRON. Tui kuhria mboh dahlau, biến thể Omicron tagok rilo dalam dom adit anak tal.

Dom harei puac thun  2021 ni, dom taneh ia bhum Đông Nam Á gam khat lahik trak meng dom bruk  meng langik tasik . Rabuk  Rai jeng ribuk khang di abih nao tapa Philippines dalam thun ni, urang metai yam tapa tanut  370, labaih  500 urang njauk rambauc. Dalam tuk nan, rilo labik di Malaysia dok dang anak sa dalam dom mbang  ia sua trak di abih oh ka mboh dalam rilo thun mai ini . Labaih  22.000 urang di  8 bang song bhum palei di Malaysia njauk panduan ba nao labik salamat.Bruk boh taneh pandiak tagok hu mong lac makna ngak ka ia ndik iasua dak harei dak trak song kan kandah bo anek menuac daok njauk dak harei dak cambaih laih jang./.

Urang lang: Hanipha- Ái Nghiêm -21/12