Mintri jalan mbak pajeng ba bahrau hu sarak brei ramik veik danak dak patagok kênh Chợ Gạo, tỉnh Tiền Giang (tuk vak ka 2)

Harei pataom ilamu khan bai Việt Nam mbang ka 2, meda peih ngak di melam 24/11 ngan saong kadha “Harei pataom ilamu du lịch – Gheih mekre Phương Đông”. Ini lac tuk piah ka dom nghệ nhân saong bhap bini hu taom mbaok, ndem meyai nao mai, bac megru, pachreih dom nghệ nhân saong bhap bini paglaong akaok sahaneng dalam bruk khik ramik, patagok ilamu siam gheih di dom bangsa, rik tame bruk dak padang saong patagok ilamu Viet Nam ndung bak ilamu bangsa. Tapa Harei pataom nan, mban peih bruk saong bhap bini tỉnh Dak Nong caong khin yaoh khan saong ayut sahabat dalam saong langiu negar ka prein khang cak rok patagok dilich saong dom yaom glaong inem krung ilamu bangsa di Dak Nong dalam tuk yam tame dunya saong cak rok patagok. Dalam tukvak peih tabiak harei pataom , dom palei ngak saong nghệ nhân hu mbaok tame bruk ngak tabiak dom baoh tapuk, dom kaya pandap mỹ nghệ ngak meng tangin dalam khan bai pablei ka tuia dulich dalam bhum Công viên địa chất toàn cầu Unessco Đăk Nông.

Mintri jalan mbak pajeng ba bahrau hu sarak brei ramik veik danak dak patagok kênh Chợ Gạo, tỉnh Tiền Giang (tuk vak ka 2) saong hu peih ngak dalam thun 2021. Tui nan, danak dak patagok kênh Chợ Gạo, tỉnh Tiền Giang (tukvak ka 2) kayua mintri jalan mbak pajeng ba ngak po ngan song dom kadha yau : kuac raok jalan brei kapal peih gah meraong kraong Chợ Gạo atah jiak 10km; padang ar pacang; jalan nao mai song 2 boh tatua… Tong abih phun jien buh tabiak ka danak dak lac labaih 1.300 tỷ đồng meng kadung jien karja. Ni lac bruk bui sambai ka yaok ribau boh sang daok di gah meraong kraong Chợ Gạo, samar tabiak truh bruk glut jaleih, dok dalam labik takik siam mekre meng rilo thun tapa.

Sở Công thương Ban raya HCM birau tabiak jalan pabak dom pandap mbang menyum, pandap pandar yaok harei piah pablei Tết Tân Sửu –Thun anek sak kubao 2021 di Ban raya. Tui nan, dom doanh nghiệp hu caga ngak tabiak, piah caga pandap panda ka 2 bilan tabung glaong blei mbang tết, kuhria tui jien labaih 19.679 tỷ đồng, tagok 652 tỷ đồng dut saong phun jien piah caga pandap tết Thun anek sak Tikuh 2020, dalam nan pandap pablei khik yaom di darak pasar lac labaih 7.132 tỷ đồng. Tui kuhria mboh dahlau, yaom pandap tết tani tanat dut saong thun blaoh. Ngan saong dom janih pandap pablei khik yaom, dom DN hu pablei pandap khik yaom darak pasar sanya khik tani tanat yaom kaom, oh tagok yaom dalam sa bilan dahlau tết saong hadei tết, peih ngak rilo danak dak pachreih urang blei ngan saong dom janih kaya kan pandar yaok harei.

Ban Sa Đéc (tỉnh Đồng Tháp) hu pala 100 ha bingu kiểng dom janih piah pablei Tết 2021, tui kuhria hu pablei ka drak pasa labaih 3 triệu yot bingu kiểng dom janih. Urang nong pala bingu di ban Sa Đéc dak harei dak salih jalan pala klaak , ngak tabiak bingu tui jalan công nghệ glong, padang ngak sang halam, song jalan pruh ia tự động piah pabak siam ka bruk pala; pambuak bruk song dom gah chuyên môn peih bruk pablei salih yaih khan bingu cảnh Sa Đéc.

Tỉnh Kon Tum daok peih ngak bruk daong pasiam sang danaok di bhap bini kayua bala meng langik tasik rah tabiak di bilan 10 meng blaoh. Ngan saong dom baoh sang glut jaleih, ia ba theik abih, khut labaih 70%, dom baoh sang hu daong 50 trieu đồng ka sa baoh sang di sarak kan kathaot, jaik kathaot, baoh sang raidiuk kan kandah. Daong 40 trieu đồng sa boah sang ka dom baoh sang daok veik. Ngan saong dom baoh sang bhap bini khut tayak trak, meng 30 tal 70%, hu daong 20 trieu đồng sa baoh sang di sarak baoh sang kan kathaot, jaik kathaot, baoh sang hu raidiuk kan kandah. Daong 10 trieu đồng ka sa baoh sang daok veik. Dalam bilan 10 thun 2020, tỉnh Kon Tum hu labaih 2.000 baoh sang par tabung, khut tayak, glut jaleih kayua bala meng langik tasik.

Labaih 2.400 blah thaot hu yaom glong di NASA urak ni dok hu pablei dalam sa mbang to yaom angaok mạng kayua gah pablei to yaom Christie's hu jabat dok di Anh peih ngak. Dalam harak pathau khan, gah pablei to yaom brei thau dom blah thaot ni hu thaot veik "saman ameh di bruk roh duah langik tasik”. Bộ sưu tập dom blah thaot brei thau dom bruk sajarah, meng dom danak dak par tal sao Thủy mbiah tal dom bruk Apollo angaok ia bilan. Dok dalam 2.400 blah thaot nan hu rilo thoat hu angan yau blah thaot di urang du hành vũ trụ Mỹ dang tapen hala doh Mỹ angaok ia bilan, thaot "tự sướng" (selfie) mbang camereip abih di angaok vũ trụ di urang du hành Buzz Aldrin...Min, jeng hu dom blah oh hu NASA ba tabiak dalam tuk vak thaot song urak ni jeng dok bahrau ngan song bhap bini.
Taong yaom ka dom bruk hu lagaih dalam tuk cak rok patagok vắc-xin pacang Covid-19 di dunya urak ini, Akok ban khoa học di Gah Y tế Dunya Xâu-mi-a Xoa-mi-na-than (Soumya Swaminathan) khan lac, dunya khin rilo vaccin caga vi-rút Sars Cov-2, hu rilo janih vaccin meda hu kein lagaih ka rilo bhap bini karei di gauk. Kayua hu rilo janih vaccin lagaih ka urang kumei metian dalam tuk dom janih vaccin karei gilac siam ka urang taha umo. Gah Y tế Dunya pamaong tal taong abih dom taneh ia brei hu klauk jru vaccin caga ruak ka 20% bhap bini dalam thun 2021. Mbiah tal ini, oh ka hu janih vaccin halei pacang hu ruak Covid-19 hu mbaok harak brei pandar di dunya. Ralo janih vaccin daok duah thau tukvak puac abih.

Blah Bangkok Post brei thau, Rajaei Thái Lan hu brei adat ka urang ngak negar langui hu ngak bruk tal abih thun 2021 hu daok veik ngak bruk 2 thun gac min brei gia hạn tuk vak chip tuk harak adat klak nyu abih tuk vak. Sarak nan hu pandar ka urang ngak mai meng dom negar Myanmar, Lào song Campuchia song hu batabiak dalam tuk negar ni dok kurang urang ngak kayua kan kandah di jit prong Covid-19 song rilo urang ngak negar langui dok gar di Thái lan oh mai palei hu kayua jit ruak. Sarak dui ni ba mai kein lagaih ka labaih 130.000 urang ngak negar langui daok di Thái Lan./.

Urang lang: Hani Pha – Ái Nghiêm – 14/11 14:56:36