Dom rajakar ngak praong dalam negar hu mbaok di var pahadar 90 thun Padang Đảng CSVN

“Adit ameh” lac sa dalam dom blah sajarah mekre abih ka prein khang meng hatai bhap bini dalam dom harei camereip padang taneh ia Viet Nam Dân chủ Cộng hòa daok meda birau birang…Hadei Cách mạng bilan 8 thun 1945, rajaei cách mạng birau padang tabiak anak dom kan kandah, abih di nyu nan lac kinh te, jien ndo. Gilang padai brah oh daok hagait, eik lapa rah tabiak…Sa dalam dom jalan ngak hu Karja peih ngak piah pasiam veik dom kan kandah nan lac pambak tame dom bruk halan hatian di bhap bini. 20 trieu đồng saong 40 kg ameh nan lac jien ameh bo Rajaei Viet Nam Dân chủ Cộng hòa hu ja ba rik tame meng bhap bini dalam taneh ia dalam “Adit ameh”. Ini lac sa dalam dom bruk yau brei mboh cambaic laic hatai jia di bhap bini ngan saong Đảng saong Bac Ho tuk nan. Anh hùng tapon nyom bol pan phao kraong Trần Ngọc Phương daok labik 36 jalan Hùng Vương, ban Bắc Giang, tỉnh Bắc Giang khan lac, meyah oh hu hatai jia di bhap bini ye oh rik jien ameh pariak di drei tame piah daong taneh ia, cak rok patagok di chế độ chính trị birau yau nan:

“ Dahlak praong tagok tuk Đảng pan akaok ba jalan ngak cách mạng bilan 8 hu jak jeng. Taneh ia drei tuk nan daok kan kandah ralo. Meng bruk kan kandah bhap bini jia tame Đảng, jia tame chế độ hu yau nan brei buh tame abih ameh, jien ndo piah che độ hu siam mekre. Dahlak jia nan lac hatai jia di bhap bini saong di khol dahlak ngan saong Đảng.”

  Dom thun hadei di nan, meng hatai jia nan, meng kak kajap yau ralow darah saong bhap bini, Đảng drei pamedeih tagok saong pataom prein khang taong abih bangsa ngak hu dom jayak praong, yau ye: Jayak sajarah Điện Biên Phủ, Đại thắng mùa Xuân thun 1975 saong njauk ndem tal bruk salih birau taneh ia. Meng hu hatai jia di bhap bini ngak jeng prein khang piah ba taneh ia yam tapa dom kan kandah. Dalam bruk salih birau taneh ia harei ini, bhap bini njauk kak kajap hatai jia ngan saong Đảng, jum pataom piah ngak bruk dân chủ, ba taneh ia patagok. Abih di nyu, meng Nyaom roya 12, Đảng kham pasiam veik bruk ngak di Đảng saong dom jalan pacang caga tham nhũng, langyah dom urang jakar, urang đảng ngak suan hukum, taong abih brei sumu gauk tui hukum negar, bruk ngak hu - bruk ngak suan, ngak suan tal halei ye brei kaoh tal nan piah mek veik hatai jia jeng yau dom caong khin ka bhap bini. Phó Giáo sư, Tiến sỹ Nguyễn Minh Tuấn, Viện trưởng Viện Xây dựng Đảng, Học viện Chính trị Quốc gia Hồ Chí Minh lac:

“Dalam vaktu 12 ini mboh di meta lac bruk pacang caga tham nhũng. Dalam 1vaktu bo labaih 2 ribau urang đảng viên ba tabiak lanyah pambuak tal bruk tham nhũng. 90 urang jakar di Trung ương khik iek. Oh ka tuk halei, dalam rilo vaktu ngak bruk bo hu rilo urang jakar ngak suan yau nan. Dahlau diah, dom urang tướng jeng kan langyah tui hukum min mbang1 2 hu 30 urang tướng gah bol lin, công an njauk ba tabiak kaoh tui hukum. Cambiah laic nan lac bruk khol drei brei taduan dom kham merat biak ralo di Đảng bo bhap bini biak njauk hatai.”

  Đảng thau lac bruk ramik pasiam veik dalam Đảng, mesruh pacang tham nhũng, bruk kanjiak lac bruk mesruh suai lavik, biak glaih glar, kan rilo, cakak dom “darah laneh jhak” dalam đảng, biak pandik hatai min njauk brei ngak, kham merat suai lavik saong ngak njauk bruk, tani tanat, oh padeih hu. Tui ong Phạm Thế Duyệt, dahlau diah lac ủy viên Thường trực Bộ Chính trị, Akok Ủy ban Trung ương Mặt trận Negar Việt Nam, rilo urang urang ngak praong njauk kaoh tui hukum oh lac bruk ong ka njauk tha dua harei, bo lac urang jakar daok ngak suai dalam dom vaktu yau nan tuk pasang iek, duah thau brei mboh bruk ngak suan. Ong Phạm Thế Duyệt lac: bruk ramik veik urang jakar nan lac bruk praong di sự nghiệp Đảng:

“ Bruk palih ruah ramik veik urang jakar nan lac bruk ba tal dom bruk praong. Siam jeng mai meng urang jakar, jhak jeng mai meng bruk palih ramik urang jakar. Dom urang khin tame paih ngak tui hatai drei ye brei maong tame bruk ngak di urang nan piah hu thau ka bruk tổ chức ba tal ngak khat lahik pambak tal Đảng.” 

Urang jakar pakat glaong, urang dahlau diah lac Ủy viên Hội đồng Lý luận Trung ương Hoàng Chí Bảo lac: bruk haduh hatai praong abih di Chủ tịch Hồ Chí Minh lac urang jakra di Đảng njauk suy thoái, biến chất salih karei. Kayua yau nan, pambak tame chức quyền, địa vị, angan je ye urang dang anak bruk mbuan ngak bruk kanjiak, daok ngan saong đảng cách mạng pan akok ye mbuan atah di bhap bini ralo, tabiak truh raidiuk biak di drei. Yau nan, khik hatai jia di bhap bini ngan saong Đảng, Đảng brei hadah krah ka jalan diukrai, sa Đảng hu khang kajap, hacih sa-at:

“ Wa Ho tuk halei jeng kakei saong pato pakai khol drei ndem takik ngak rilo, ralo lac bruk ngak, njauk brei khik hu hatai jia di bhap bini meng bruk rik tame meng prein yawa saong brei ngak kareih camin hadah, bo WaHo lac sa kareih camin hadah. Kadha bac megru hu dũng khí taong alah chủ nghĩa cá nhân, hu dũng khí dang gah langiu danh lợi, hu dũng khí duk ka bhap bini. Meyah ngak yau halei ye Đảng miat miat hu dalam baoh hatai, dalam akaok sahaneng saong bruk hadah mbaok meta di bhap bini.”

  90 thun, sa jalan ginup atah piah thau ka hatai jia di bhap bini ngan saong Đảng nan jeng yau tukvak njauk khin Đảng brei hu bruk trach nhiem saong kham merat rilo jang dalam tuk cak rok patagok bruk ngak hu siam lagaih, pasiam veik dom bruk oh siam. Dalam kadha vak pahadar 89 thun dak padang Đảng Cộng sản Việt Nam, Tổng Bí thư, Akok negar Nguyễn Phú Trọng hu tavak: “Đảng khang kajap, Taneh carok, Bangsa daok miat miat!”. Piah đảng hu khang kajap gah chính trị, jalan sahaneng, jalan diukrai ye njauk brei hu jalan tacei pato, pakhang talei pambuak Đảng saong bhap bini, khik ka Đảng hu ginup prein khang ba taneh ia oh padeih cak rok patagok, meng njuak haong hatai jia saong caong maong di bhap bini./.

Urang lang: Aí Nghiêm -3/2