Ngan haong uranaih, lac menuac mbuan huac kanda di abih kayua ka oh thau cambaih ka COVID-19

Meng akaok bilan 8-2020, kapul daong gah hatung hatian Gò Vấp hu padang tagok piah klah raba dom suh sah ka F0 saneng hatai taong ruak. Atau lac di sang iek ruak dã chiến taong ruak COVID-19 Phú Nhuận ka 1, yaok page mesup dom urang ruak jenghu pahat rup tui ragu ragam bui sambai. Yaok labik jeng hu jalan ngak karei di gauk, min taong abih jeng caong maong bhap bini hu bui sambai hatung hatai.

Tiến sĩ tâm lý học lâm sàng Lê Minh Công, phó akaok Khoa bruk ngak pahla Sang bac ĐH KHXH&NV (ĐH Quốc gia ban raya HCM), brei thau, piah hu hatung hatai chreih chrai yam tapa jit COVID-19, langiu di bruk vil val, daok brei hu hatai chreih chrai di manuac ruak.

Ong Công ndom lac: maong tame bruk meng meta maong karei nao, kayua hatai saneng di yaok urang daok tui jalan sahneng di urang maong tame bruk nan. Thau ka jit ruak tantu cambaih laih meda daong ka drei mbuan yam tapa COVID-19".

Tui TS Lê Minh Công, piah patrun suh sah, duh hatai tuk taong ruak, daong jhul samar bruk pasaim ruak, urang ruak COVID-19 saong gauk gar njauk ngak dom bruk yau hadei di ini:

K1: Njauk pilih ruak saong ba tabiak tukvak yaok harei piah duah thau ka jit  COVID-19, abih di nyu nan lac dom kadha vak di mangaok dom mạng xã hội yau ye TikTok, Zalo, Facebook... bhian puac dom khau tin oh njauk, mbuan ngak ka urang ruak mboh duh hatai, huac kanda jang.

K2: Urang brei daok karei meda mboh biak matui – abih di nyu nan lac urang praong thun atau dom manuac daok sa drei. Urang ruak COVID-19 njauk pambuak talei rohim saong klah raba, ndem mayai haong dom urang karei tapa mạng xã hội, phone par tangin, tin nhắn... piah khik ka hatung hatai tuk halei jeng hu bui sambai, chreih chrai.

K3: Bruk saheng mboh oh siam meda ngak ka urang ruak klaak dom bruk ngak yaok harei, mayah bruk ini dui atah meda mbuan laik tame duh hatai, takik ndom biai. Njauk kham marat duah bruk pachreih ba piah hu mbaok tame dom bruk ngak di sang yau ye iek phim, pang nhạc, puac tapuk...

K4: Ngan haong uranaih, lac menuac mbuan huac kanda di abih kayua ka oh thau cambaih ka COVID-19. Rilo uranaih hu thau meng panuac khan di amaik ame, saong jeng oh thau kayua halei bo drei daok di sang rilo harei bo oh hu nao tal sang bac atau tabiak langiu main. Gauk gar njauk pandar baoh panuac mbuan thau piah mayai haong dom adei, pachreih dom adei ngak dom bruk siam makre./.

Urang lang: Thu Thao – 16/09