Phường 1, quận 8 hu labaih 300 boh sang song 2000 menuac. Kayua lac labik hu rilo urang Chăm daok, nan ye bruk patagok rai duik, paglong ilamu, duah bruk ngak ka anek kamuan urang Chăm labik ni tuk halei jeng hu karja caik hatai sangka. Lac urang hu rilo thun ngak bruk XH,  ong Haji Kim Sô hu kak kajap haong mik va drei, tui pang dom cong khin di mik va nan lac bruk bui sambai, haniem phol ngan saong ong. Ong Haji Kim Sô brei thau

Băng tiếng Chăm:

Phường 1, quận 8, dahlau deih lac sa labik hu rilo tệ nạn xã hội, mik va Chăm rilo meng pablei salih sit sot, nao ngak mbang pah, nan ye rai duik dok rilo kan kandah. Ong Haji Kim Sô oh huac glaih glar, yaom lac harei atau melam jeng nao tal yaok boh sang jak ba mik va kham brei anek taco nao bac. Langiu di nan, lac sa urang hu angan je dalam bhap bini, ong hu jak ba dom mban, ngành, kapul nyaom, dom urang ngak pahla dok dalam song langiu negar dong ka anek kamuan Chăm hu nao bac ada. Yaok thun, anek saih Chăm di phường 1, quận 8  hu Báo Công An ban raya, Báo An Ninh Nhân dân brei jien bac, brei radeih juak  piah nao bac. Urak ni, phường 1, quận 8 hu labaih 10 anek kamuan bangsa Chăm bac tamat Đại học, ngan song rilo gah yau gru pato,  bác sỹ, kỹ sư song luật sư. Adei Sa pi nah, sinh viên thun bac 1, sang bac Đại học Kinh tế, ban raya Hồ Chí Minh brei thau: 

Băng tiếng Chăm:

Labaih 10 thun tapa, hu labaih 30 boh sang hu padang ngak, jeng labik tani tanat siam mekre di dom boh sang hu rai duik kan kandah, mik va Chăm sahanang hatai ngak mbang duah jien, dalam nan hu bruk rik dong di ong Haji Kim Sô . Ong dok kham merat jak ba dam dara Chăm hu mbaok tame dom bruk kayua puk palei peih ngak, duik rai “ siam ka agama, mekre ka dunya”, daong ka bhap bini meng ilamu di drei. Meng nan, hu rilo dam dara nao suan jalan hu mai veik jalan siam, hu bruk ngak tani tanat, hu mik va ngak maha jeng duik jeng pasang ba mai bui sambai, haniem phol. Amuk Halimah, urang amaik hu anek likei nao suan jalan urak ini mai veik jalan siam brei thau bruk bui sambai di drei:

Băng tiếng Chăm:

Lac sa urang hu angam je dalam bhap bini, ong Haji Kim Sô tuk halei jeng kham merat pathau khan, jak ba mik va ngak siam dom bruk patagok KTXH, patruh eik patrun kathaot, padang rai duik ilamu di labik dok, jak ba abih gauk diukrai jum pataom, anit ranam gauk, dong ba gauk, sangka tal dom boh sang dalam sarak karja, boh sang hu rai duik kan kandah. Thun 2016, ong Haji Kim Sô hadah mbaok meta taduan hu angan “Dom kreik camin kandang kandiah bo prong glong”  dalam bruk pakacah gauk anit ranam taneh ia mbang 2, kayua ban raya Hồ Chí Minh pok brei./.