Dom baoh cống pacang cakak aia mbak hu padang ngak blaoh 

Dom harei tapa, ia mbak tui kraong, ribaong njom tame huyện Phụng Hiệp, tỉnh Hậu Giang saong nồng độ mbak tagok glaong, hu harei tagok meng 0,6 tal labaih 1 phần ngàn duk saong dom harei dahlau di nan. Urak ini, ia mbak di rilo labik dalam huyện tagok tall 1,6 phần ngàn.

Anak bruk nan, lingiu di dut iek nồng độ mbak angaok kraong ribaong, gah chức năng daok samar khan brei mikva thau piah pacang caga mbak, oh caik brei kan kandah tal bruk ngak nong. Huyện Phụng Hiệp brei kreik dom cống di kênh xáng Quản Lộ- Phụng Hiệp piah pacang mbak meng tasik biển Đông saong biển Tây tui jalan kraong ini nduac tame. Ong Trần Văn Tuấn, akaok jabat ngak nong saong patagok palei pala huyện Phụng Hiệp, tỉnh Hậu Giang brei thau: Jabat ngak nong hu khan brei dom palei daok rah tui jalan Quản Lộ Phụng Hiệp, meng Phương Phú atah tal Tân Phước Hưng saong tapa tal ban sit Cây Duowg tame tal Phương Bình. Dom palei ini urak ini hu caga dom baoh đập thời vụ saong dom cống, trạm bơm daok caga tuk mbak tagok glaong.

  Huyện Long Mỹ saong ban sit Vị Thanh, 2 labik jhung di tỉnh Hậu Giang daok njom mbak trak kayua ia meng biển Tây nduac tame. Tapa dut iek di 2 labik ini dalam dom harei jaik di ini mboh lac nồng độ mbak tagok biak glaong, hu rilo labik ia mbak tapa tanut 10‰. Anak bruk nan, huyện Long Mỹ brei kreik 10/21 cống meng pasei di dom akak kraong tuk ia mbak tapa tanut 1,5‰, brei trun 47 đập thời vụ saong brei kreik taong abih dom cống di ar pacang mbak Long Mỹ - Vị Thanh. Bruk kreik dom cống hu ngak tui tacei pato di UBND tỉnh lac mbak tal halei kreik cống saong trun đập thời vụ tal nan.

Daok di ban sit Vị Thanh, gah chức năng brei kreik 20 cống ngầm haong 6 cống hở rah tui kraong Nước Đục saong kraong Cái Lớn, labik hu nồng độ mbak tagok samar; brei pasang iek song pasiam veik rilo đập thời vụ piah caga kreik veik tuk ia mbak tapa tanut 1,5‰.

Tui gah chức năng tỉnh Hậu Giang, thun ini ia mbak njom tame aval jang jaik 1bilan duk saong thun bloh. Bruk njauk biai nan lac, ia mbak thun ini oh njauk lac di dua  palei jhung di tỉnh, bo mbak meng ia tasik biển Đông jeng daok hu mboh haong nồng độ biak glaong di dom labik akaok tỉnh yau ye huyện Châu Thành saong ban sit Ngã Bảy, labik hu ia mbak tagok tal tanut 3‰.

Yau nan, tal tukvak ini, abih 2 gah lac ia tasik biển Đông saong biển Tây dalam tỉnh Hậu Giang jeng hu ia mbak njom tame haong nồng độ biak glaong. Ong Lê Tiến Châu, Chủ tịch UBND tỉnh Hậu Giang brei thau: bruk pacang caga piah pandiak thu saong I ambak oh ngak kan kandah tal bruk pala drak saong ngak mbang ngak huak di bhap bini daok hu tỉnh maong lac 1 dalam dom bruk praong. “Urang pan akaok tỉnh tacei pato dom sở, ngành hu pambuak tal, abih di nyu lac Sở ngak nong saong Patagok palei pala brei caga meng aval. Dahlau di abih lac brei menuac di drei khik iek piah samar pacang ia nduac, patrun patakik ia mbak njom tame. Ka dua lac kuac raok kraong ribaong khik piah ia taba piah tuk caong pandar ye njuk tagok, ngak brei taba meneing ia mbak”.

   Gam haong gah chức năng saong karja palei, bhap bini dalam tỉnh jeng daok hu dom jalan ngak piah khik caga bruk pala drak di drei. Ong Phạm Thanh Hiền daok di ban sit Búng Tàu, huyện Phụng Hiệp hu 3ha taneh pala krauc aik oh hu asar, dalam nan hu meteh taneh daok brei baoh. Yaok harei 2 mbang, ong tabiak ravang bein kruac aik saong dut iek ia gah langiu bein, meyah mboh oh siam, sang ong samar kreik ia veik, pacang ia mbak tame bein. Pak ini hu ar pacang vil val abih, min daok huac ia mbak njom tame samar, bein phun nyu khat lahik. Nan ye meyah ia mbak ngak kan kandah ka phun ye kol dahlak pacang ia veik piah khik bein phun. Kayua ia mbak nyu oh siam ka taneh saong phun dalam rilo thun.

Yaom lac ia mbak daok njom tame khang di tỉnh Hậu Giang min meng hu dom gah, dom pakat, dom puk palei saong bhap bini caga pacang, nan ye urak ini dalam tỉnh oh ka hu labik halei khut khat kayua ia mbak. Min meng kuhria mboh dahlau lac ia meda mbak jang di anak tal, gah chức tỉnh Hậu Giang hu panuac kakei mikva urang ngak nong ngak njauk tui panuac tacei pato di gah chuyên môn, tok brei mek ia tame hamu, tame bein tui yaok tukvak siam lagaih./.

Urang lang: Musa Phương - 11/2